403
Fəsil 13. Böyrəkköçürmə
transplantatların sayı əhəmiyyətli dərəcədə dəyişməmiş qalır. Meyit
transplantasiyasında 5 illik yaşama 58–62%, 10 illik yaşama –ancaq
42–48% təşkil edir. 60% transplantatların funksiyası 10 il ərzində
başa çatır. Köçürülmüş böyrəyin fəaliyyətinin dayanması əsasən
XTN ilə əlaqədar olub, onun baş verməsi əməliyyatdan sonra keçən
vaxtın uzunluğundan asılıdır.
XTN immunoloji (antigenasılı) və qeyri-spesifi k, qeyri-immun
(hemodinamik, metabolik) faktorların təsiri nəticəsində baş verir.
XTN qeyri-adekvat immunosupressiv terapiya və ayrılma sindromu
ilə əlaqəsi immunoloji faktorların rolunu göstərir. Ayrılma sindromu
keçirmiş resipient böyrəklərində onu keçirməyən xəstələrə nisbətən
daha tez (əməliyyatdan 4 il sonra) sidiyi qatılaşdırma funksiyası
proqressiv olaraq aşağı düşür. İndiyə qədər proqress edən
XBÇ patogenezinin bir həlqəsi – HLA üzrə uyğunsuzluğa görə
öyrənilmişdir.
Əgər XTN başlanğıcında immunoloji faktorlara əhəmiyyətli yer
ayrılırsa, onun inkişafı hemodinamik və metabolik faktorlardan
asılı olur. Məsələn: yüksək arterial təzyiqin köçürülmüş böyrəyin
yumaqcıqdaxili təzyiqin artmasında rolu sübut olunmuşdur.
Həmçinin göstərilmişdir ki, zülalın ekskresiyası kanalcıq epiteli-
sinin yüklənməsinə, epitelial hüceyrələrin aktivləşməsi nəticəsində
sitokinlərin, hemoattraktantların və böyümə faktorunun yaranmasının
artmasından tubulointerstisial skleroza səbəb olur. Bundan başqa,
zülallar zədələnmiş bazal membran elementləri ilə birlikdə inter-
stisiyaya daxil olur, xəstənin T-hüceyrələri tərəfi ndən yad zülal kimu
(antigen) qəbul olunur, hüceyrə və humoral immunitet kaskadı işə
düşür. Deməli, XTN inkişafının əsasında nativ böyrəklərdə nefro-
sklerozun proqressində iştirak edən mexanizmlər durur.
XTN müalicəsinin yaxın nəticələri gündəlik proteinuriyanın
azalması, AT nəzarət olunması, böyrək transplantatının funksiyasının
stabilliyinin qiymətləndirilməsinə əsasən verilir. Fəaliyyət göstərən
nefronların kütləsinin azalması və böyrəkdaxili hemodinamikanın
404
Dializ
dəyişilməsi yumaqcıqlarda hiperperfuziya, hiperfi ltrasiya proqres
edən qlomerulosklerozun əsas faktoru hesab edilir. XTN müalicəsi-
nin uzaq nəticələri transplantatın əməliyyatdan sonra 5 il yaşamasına
(Kaplan-Meyerə uyğun) görə qiymətləndirilir. Qan zərdabında
kreatininin səviyyəsinin 500 mkmol/l-dən çox yüksəlməsi “böyrək
ölümü” kimi qiymətləndirilir.
Proteinuriya böyrək transplantatının xroniki ayrılma sindro-
munun həm risk faktoru və həmçinin proqnostik faktor kimi
qiymətləndirilməlidir, AH ilə korrelyasiya edir, amma AH fərqli
olaraq proteinuriya asılı faktor (antigenasılı) olub, transplantatın
ayrılma krizləri nəticəsində inkişaf edən qlomerulopatiyanın
nəticəsidir. Müşahidə edilmışdir ki, proteinuriya olduqda trans-
plantatin yarımyaşama dövrü 5,6, olmadıqda isə 16,5 il olur.
Transplantatın biopsiyası zamanı tubulointerstisial sklerozun
baş verməsi XTN sonrakı yaranma riski olduğu sübut olunmuşdur.
Həmçinin qlomeruloskleroz da XTN inkişafının müstəqil faktoru
hesab olunur. Transplantatın damarlarının zədələnməsinin morfoloji
dəyişiklikləri XTN inkişaf etmiş hallarda 2 dəfə artıq müşahidə
edilir.
Beləliklə, XTN başlanğıcında immunoloji proseslər durursa
onun sonrakı gedişi qeyri-spesifi k faktorlardan – fəaliyyət göstərən
nefronların sayının azalması (morfoloji – tubulointerstisial skleroz,
qlomeruloskleroz), arterial hipertenziya və proteinuriya asılı olur.
Siklosporin nefropatiyasının müalicəsi.
Siklosporinin dozasının
3-6 mq/gün azaldılması nefropatiyanın proqressinin qarşısını alır.
Bu doza qeyri-adekvat olduqda (siklosporinin qanda səviyyəsi 100
nq/ml), siklosporini KKB ilə (verapamil) kombinə etmək tövsiyə
edilir. Siklosporinin nefrotoksikliyini artıran dərmanlar (QSİƏP,
saluretiklər, diqoksin, antiaritmik preparatlar) kəsilir. Siklosporini
tam kəsib sirolimusa keçmək, 8 – 12 aydan sonra, tövsiyə edilir.
Arterial hipertenziyanın müalicəsi
Ayrılma sindromu zamanı hipertenzion kriz immunodepressiv
terapiya ilə müalicə olunur. Siklosporin hipertenziyası zamanı AH
405
Fəsil 13. Böyrəkköçürmə
müalicəsində KKB (verapamil, diltiazem, isradipin) istifadə edilir.
Saluretiklər, AÇFİ istifadəsi məsləhət görülmür. Eritrositoz olduqda
AÇFİ, ARB, teofi llin kömək etmədikdə binefrektomiya edilir.
ÜİX müalicəsi
İmmunodepressiv terapiya nəticəsində aterosklerozun məlum
risk faktorları artır. Qlyukokortikoid tətbiqi nəticəsində AT artır,
xolesterin və triqliseridlərin səviyyəsi yüksəlir, posttransplantasion
diabet inkişaf edir, koaqulyasiya artır, piylənmə baş verir. Siklosporin
istifadəsindən müntəzəm olaraq AH, hiperxolesterinemiya, hiper-
urikemiya, insulinə rezistentlik, prostasiklin sintezinin və trombo-
sitlərin aqreqasiyasının artması hesabına trombozların tezləşməsi
baş verir. Ona görə aterosklerozun yüksək riski olduqda siklosporin
takrolimusa, azatioprin – mikofenolat mofetilə dəyişdirilir. Həmçinin
lipidlərin səviyyəsi, C-reakriv zülal (statinlər), AT (AÇFİ, KKB),
qanda sidik turşusu (allopurinol) nəzarət olunur.
İnfeksion ağırlaşmaların müalicəsi
İnfeksion ağırlaşmalarının müalicəsinin əsasında immuno-
depressiv preparatların və antibiotiklərin istifadə olunması durur
(cədvəl 12. 4). Siklosporin, qlyukokortikoidlər, azatioprin HBV,
HCV replikasiyasını artıraraq virusemiyanı 10–30 dəfə artırır.
İnterferon alfa-2b transplantasiyadan sonra istifadə edildikdə
remissiya təmin etmir və geriqayıtmaz ayrılma sindromu verə
bilir. Transplantasiyadan sonra interferon alfa-2b təyin olunmasına
yeganə göstəriş kəskin fi brozlaşdırıcı xolestatik hepatit hesab
olunur. Ribavirin ilə müalicə cox zaman hemolizə səbəb olur. HBV
replikasiyasına təsir edən başqa preparatlardan – qansiklovir, natrium
foskarnet, lamivudin istifadə olunur.
Bilmək lazımdır ki aminoqlükozidlər, sulfanilamidlər, sefa-
losporinlər, asiklovir, qansiklovir siklosporinin nefrotoksik təsirini
artıra bilərlər. Makrolidlər, ketokonazol, fl ukonazol, doksisiklin
siklosporinin qanda səviyyəsini aşağı salır, onun qara ciyərdə
metabolizmini artırır.
Dostları ilə paylaş: |