Salatın Əhmədli
53
gedib meyidini gətirsinlər. Evlərdə qalan qadınlar idi.
Onlar da yaşayıb ömürlərini başa vurdular. Nəsil
üzüldü. Özü də hər iki tərəfdən. Beləcə bu iki evdə
işıq söndü.
…İndi Ərdəmliyə ayrı gözlə baxırdım. Hər
cığırda, hər ağacda mənə elə gəlirdi ki, böyük bir
əhvalatın sirri yatır. Kəndin o tay-bu tayındakı təpələ-
rin üstündə ucalan–yerdən çıxmış kimi görünən nə-
həng qayalar mənim gözlərimə Hacı Fərhad, Hacı
Göyüş kimi görünürdü. Elə bilirdim ki, daşa dönmüş
bu kişilər kəndə keşik çəkir. Amma təkcə keşik çək-
mirlər. Həm də daşa dönmüş canları, gözləri ilə əməl-
lərinin nəticələrinə baxırlar. Baxırlar ki, görsünlər bir
vaxt onların bu get-gəlli evləri, yurdları nə vaxt təzə-
dən dirçələcək. Bəlkə, bir gün gələcək elə bu daşlar
göyərəcəklər, bu xaraba evlərdə işıq yanacaq. Daha nə
bu daşlar göyərmir, nə də bu xarabalardan işıq gəl-
mirdi. Mənəm-mənəmlik, kin-küdurət, qisasçılıq bu
evlərin işığını elə söndürməmişdi ki, bir də yanaydı.
Axşam düşürdü, vadi boyu Ərdəmlinin işıqları
göyün ulduzları ilə yarışa girirmiş kimi bərq vurmağa
başladı.
Salatın Əhmədli
54
- Hə, oğul, bu əsrin tamamına hələ bir qərinə
qalır. Deyirlər ki, hər qərinədən bir zaman dəyişir.
Gerisini sən özün görərsən. - Aqil kişi bunu deyib
yenə çəliyini özünə söykək verib ayağa qalxdı.
Daha Aqil əmiyə heç nə demədim.
Salatın Əhmədli
55
VAXTINDA EVLƏN
Düz iyirmi yeddi il bundan əvvəl doğma
kəndindən çıxmışdı. İndi həmin yolla geri qayıdırdı.
Doğrudur, yollar da həmin yollara bənzəmirdi. O
vaxtkı dağılmış, sökülmüş, çala-çuxur, iki maşının
belə yan-yana gedə bilmədiyi yol idi. Əvəzinə iki
tərəfli asfalt örtüklü yol göz oxşayırdı. Ayrı-ayrı yerlər
ona tanış gəlirdi. Axı, cəmi-cümlətanı ikinci dəfə idi
bu yolla gedirdi. Yol kənarı mənzərələr, yaşıllıqlar,
addımbaşı kafe-restoranlar, qonaq evləri, maşın təmiri
yerləri, yanacaqdoldurma məntəqələri…
Ənvər elə bil ki, bir vaxt keçib gəldiyi yerləri indi
tanıya bilmirdi. Əvvəlcə maraqla baxdı. Ancaq bir az
keçməmiş yolun rahatlığından, mürgüləməyə başladı.
Oturacaqda yerini bir az da rahatladı. Sürücünün
xəbərdarlığına görə qoruyucu kəməri də bağlamışdı.
Üstündə «taksi» emblemi qoyulmuş «Mersedes»
markalı maşında arxa cərgədə üç nəfər də vardı.
Ünsiyyət quran adama oxşamırdılar. Sürücü öz işində
idi. Ənvəri necə yuxu apardısa daha xəbəri olmadı.
Salatın Əhmədli
56
…Atası ilə əmisi dədə-baba həyətini iki yerə
bölmüşdülər. Hərəsi də özünə ayrıca ev tikmişdi.
Ölkənin qərb qurtaracağında-rayonun ucqar kəndində
yaşayırdılar. Amma onların kəndi elə idi ki, bir vaxt
ədalətsiz torpaq bölgüsü nəticəsində-bəlkə də, Vətən
hissi, torpaq hissi olmayan başçıların başsızlığından
kənd Ermənistan ərazisində qalmışdı. Tabeçiliyi öz
rayonlarına olsa da, gərək ermənilərin məngirlədiyi
torpaqlarımızdan keçib kəndə gedəydilər. Onda hələ
səssizlik idi. Kimsə kimsənin toyuğuna daş atmırdı.
Qonşuluqda yaşayan ermənilər, azərbaycanlılar bir-
birinə qonaq gedib-gəlir, kimin ehtiyacı haradan
düzəlirdisə, ora da bazarlığa, dükana gedirdi. Aldığını
alır, satdığını satırdı...
Yazqabağı kənd yerinin ayrı aləmi vardı. Novruz-
da kənd qazan kimi qaynayardı, paltar-palaz çırpan,
evinin divarlarını ağardan kim, bağ-bağata əl gəzdirib
qaydaya salan kim… Mal-qara tövlədən çıxardı.
Əməlli-başlı güdükçüsü olmasa da, kimsənin malına
dəyib-toxunan yox idi. Hələ uşaqlar-oğlanların baca-
bacası, qızların evə yığışıb-əlbəttə, münasib evə –
daha çox kişi xeylağının az olduğu evə toplaşıb iynə
atmaları, fal açmaları… başlanardı. Kəndin qızları
Salatın Əhmədli
57
əmisi qızları Naridənin, Nuridənin başına toplaşardı.
Ənvərin də gözü Naridədə idi. Ənvərə görə kəndin
oğlanları bu tərəfə hərlənməzdilər… amma yox, qız-
lar bulağından su içən bu kənd gözəlləri öz nazları,
işvələri ilə kəndin oğlanlarını da ovsunlayırdı. Qızlar
toplaşanda elə Ənvər də başda olmaqla, oğlanlar Nov-
ruz axşamında evin həndəvərinə dolanardılar, bəlkə,
kimsə öz istəklisini görə bildi… Bəlkə, danışa da bilə-
cək-bundan şirin arzu təsəvvür etmək olardımı?
Ənvərin atası sakit, mülayim adam idi. Özü də
düzlüyü çox sevərdi. Əli kişi vaxtından əvvəl qocal-
mışdı. Bəlkə də, elə kasıbçılıq belə tez qocaltmışd.
Həmişə deyərdi ki, Ənvərlə Hüseyn böyüyər, dayağım
olar, mənə də əl yetirərlər. Güc-bəla dədə-baba hə-
yətindən payına düşən yerdə ev tikmişdi, birmərtəbəli,
ikiotaqlı, bir də eyvanı olan ev.
Günlərin birində aləm qarışdı. Ermənilər kəndi
hədəf altına aldılar. Əvvəlcə mal-qaranı çöldən yığıb
apardılar, sonra da Ənvərgil onlardan bir dəstə qoyun-
keçi gətirdi. Bir müddət sonra yamacdan naxıra baxan
güdükçünü tutub girov saxlayan ermənilərə cavab
üçün bunlar da yoldan keçən bir erməni maşınını
Salatın Əhmədli
58
saxladılar, adamları düşürdüb həmin güdükçü ilə də-
yişdilər, azad elədilər.
Hələ ki, qan-qada yox idi. Amma bir gün düşmə-
nin qrad mərmiləri göydən ölüm yağışı kimi yağmağa
başladı. Elə birinci güdaza gedən Ənvərgilin evi oldu.
Anası, atası, bir də qardaşı dağılmış evin uçuqları
altında qalıb bu namərd dünyadan vaxtsız getdilər.
Hələ atası, anası, qardaşı sağ olanda Naridəyə olan
sevgisini bilirdilər. Və bunu anası Naridənin anasına
demişdi. Amma Naridənin atası-Ənvərin əmisi Mə-
həmməd üz-gözünü elə bozartmışdı ki, bir daha bu
söhbəti açıb-ağardan olmadı. Evləri dağılandan sonra
Ənvər könüllü olaraq özünümüdafiə batalyonuna
yazıldı. Onsuz da daha əmisigilə gedib-gələ bilmirdi,
öz evləri də… yox idi.
Döyüşlərin birində Ənvər yaralandı. Sağ qolunun
sümüyünü mərmi zədələmişdi. Bədənində də qəlpə
yaraları vardı. Rayon mərkəzindəki xəstəxanada bir
qədər müalicə aldı. Deyirdilər ki, Ənvərin qolunu
kəsəcəklər. Amma həkimlərdən biri qəti etiraz elədi.
Rayon mərkəzindən onu başqa ağır yaralılarla birgə
«Təcili yardım» maşınında Bakıya göndərdilər. Bəlkə
də, Ənvər qolunun kəsilməyinə razı olardı, amma
Dostları ilə paylaş: |