Salatın Əhmədli
35
- Ay qız, o nə idi, kişi sənə dedi «ömürlük girov
eləyibsən». Deyəsən, sən də ona gözünü ağartdın ha…
Yəqin ki, iki qadının söhbətinə qarışmamaq üçün
Ağəli kişi nəvələrini də özü ilə götürüb həyətə çıxdı.
Kömürçü meydanında yaşayan köhnə bakılılar
dədə-baba qaydası üzrə bağa köçməyə hazırlaşırdılar.
Bağa aparacaqları şeyləri-mələfələri, dəsmalları,
yüngül yay geyimlərini, çimərlik paltarlarını, şap-
şuplarını düyünçə eləyib həyətə yığmışdılar. Yeşiklərə
yığdıqları banka-balonların içinə qənd, qənd tozu,
vermişel, makaron, quru çay, un və s. bu kimi ərzaq
məhsulları doldurmuşdular. Evdəki mebelləri isə toz
basmasın deyə üstünü mələfələrlə örtmüşdülər.
Əsmərin anası Güldanə yük maşınının sürücüsü ilə
danışmışdı, bir azdan maşın gəlməli idi. Bircə qalırdı
yükləri maşına yığıb yola düşmək. Birdən Güldanə
xalanın yadına nə düşdüsə, Əsməri çağırdı:
- Əsmər, Əsmər, bura gəl, qızım.
Əsmər ikinci mərtəbədə otaqların pəncərələrini
bağlayırdı. Anasının səsini eşidib pillələri sürətlə düş-
dü. Anası ona bir manat uzadıb:
Salatın Əhmədli
36
- Qızım, al bu pulu, tez qaç dükana, iki qutu ağ
duz al gətir. Yay uzunu bir nigarançılığımız olmasın, -
dedi.
Əsmər, deyəsən, bir qədər tərəddüd elədi.
- Al, bala, duzsuz qalmayacağıq ki?!
Əsmər pulu alıb həyətdən çıxdı. Ağarza kişinin
dükanı uzaqda deyildi, elə yaxınlıqdakı tində idi. An-
caq bir iş vardı ki, Ağarza kişinin nəvəsi həmişə tində
dayanır, özündən kiçik uşaqlara «böyüklük» eləyirdi.
Onlar qohum olsalar da (ataları xalaoğlu idilər) bunun
Ağaəli üçün fərqi yox idi. Tində dayanır, bəslədiyi ağ
göyərçinləri yemləyəndən sonra havaya uçurur,
uşaqları da məcbur edirdi ki, baxsınlar. Hələ
göyərçinlərinə
baxdıqları–tamaşa
etdikləri
üçün
uşaqlardan «haqq-hesab» da tələb edirdi. Əlbəttə, bu
da qəpik-quruş olurdu.
Uşaqlar təzəcə dağılışıb getmişdilər. Göyərçinlər
dama qayıtmış, Ağəli isə tində öz yerini tutmuşdu.
Birdən Əsməri gördü:
- Sən niyə göyərçinlərə baxmağa gəlməmişdin?
Əsmər bir söz deməyib sağ ovcunun içində sax-
ladığı pulu bir qədər də bərk sıxıb arxasında gizlətdi.
- Hə, yaxına gəl.
Salatın Əhmədli
37
Əsmər cəsarətsiz bir-iki addım qabağa gəldi.
- Görüm ovcundakını. O nədir?
Əsmər qeyri-ixtiyari ovcunu açıb, pulu göstərdi.
Ağəli bir anda pulu qamarlayıb aldı:
- Neçə vaxtdır sən göyərçinlərə baxmağının
pulunu verməmisən.
- Bəs mən… - Əsmər nəsə demək istədi.
- Nə mən? Get, bir kimsəyə bu barədə heç nə de-
mirsən ha, yoxsa…
Bəlkə də, Ağəli sözünün sonunda deyəcəkdi ki,
daha səni göyərçinlərə baxmağa qoymaram. Amma
Əsmər dönüb getmişdi.
Güldanənin tapşırdığı yük maşını həyətin
qapısında dayanmışdı. Qonum-qonşularla köməkləşib
bağa gedəsi əşyaları maşına yığırdılar. Bidən ananın
gözləri böyüdü. Uşaq neçə vaxtdan bəri qayıtmayıb.
Axı Ağarza kişi Əsməri yaxşı tanıyır. Onu növbədə bu
qədər saxlamazdı. Ana tinə tərəf yüyürdü. Mağazada
da elə çox adam yox idi.
…Güldanə Ağarza kişiyə həmişə əmi deyirdi.
İndi də bir qədər həyəcanını boğub:
- Ağarza əmi, bəs Əsmər hanı? Mağazaya
gəlməyib?
Salatın Əhmədli
38
- Yox, ay qızım, mən sizin uşağı buralarda gör-
məmişəm.
Güldanə dörd tərəfə göz gəzdirdi. Kimdən
soruşdusa, gördüm deyən olmadı. Küçədə Ağəlini gör-
dü, ondan da soruşdu. Bir anda bütün məhəlləyə xəbər
yayıldı ki, Əsmər yoxdur. Uşaq elə bil ki, bir parça
yağlı əppək olub göyə çəkilmişdi. Yaxınlıqdakı milis
məntəqəsinə xəbər çatdı, sahə müvəkkili də gəldi. Bir-
bir qonşuları danışdırdı. Güldanə pilləkənin dibində
yerə çökmüşdü. Qonşu arvadlar da onun başına yığılıb
təskinlik vermək istəsələr də onu kiridə bilmirdilər.
Səs-küy həyəti başına götürmüşdü. Sahə müvəkkili
bir-bir uşaqları danışdırırdı. Ağəlini yaxına çağıranda
o, gözünü yerə dikdi:
- Mən görməmişəm,-dedi. Amma sahə müvəkkili
nəsə ondan şübhələndi. Qolundan tutub sorğu-sualı bir
qədər də dərinləşdirmək istədi. Bu həyətdəki səs-
küydən yoldan keçən adamlar da narahat olub dayanır,
nə hadisə baş verdiyini soruşurdular. Birdən bayaqdan
örtülü olan yan otağın qapısı açıldı.
Əsmər yarıyuxulu gözlərilə adamlara baxırdı. Əl-
bəttə, ananın sevincini, hansı hisslər keçirdiyini başa
Salatın Əhmədli
39
düşmək olar. O, qızını bağrına basıb oxşayırdı. Deyə-
sən, hələ də Əsmərin tapılmağına inanmırdı.
- Ay qızım, bəs sən harada idin? Mən səni duz al-
mağa göndərmədim?
Əsmər başını qaldırıb ötəri Ağəliyə nəzər saldı.
Tez də başını döndərib:
- Pulu itirdim, - dedi.- Qayıdıb yan otaqdakı
döşəyin üstündə oturmuşdum. Sonra da yuxu məni tu-
tub. Bu vaxt Ağəli:
-Güldanə xala, mən bir manat tapmışam. Bu saat
duz alıb gələrəm,-dedi. Sonra da duzu alıb gətirdi. Hər
kəs də öz işinin arxasınca getdi. Onlar bağa köçdülər.
…Əsmər əlini Həmayə xanımın sağ çiyni üstə
çəkdi:
-Bu da bizim əhvalatımız. Hər yay bağdan bir
əhvalat yazırsan. Birdən bunu da yazarsan ha… uşaq-
böyüyün yanında biabır olarıq.
Mən pəncərədən parkdakı yaşıllıqların arasında
sayrışan nərgizlərdən gözümü çəkməmişdim. Elə
bilirdim ki, nərgizlər mənimlə danışır və həm də bir
qədər küskün danışırlar. Həmin nərgizlərin timsalında
bağ qonşularımın uşaqlarını görürdüm. Onlara apara-
cağım hədiyyələrin arasında rəngli jurnallarda çap ol-
Salatın Əhmədli
40
unan hekayələrim, onlar üçün yazdığım nağıllar da
olurdu. Sonra da bu hekayələri, nağılları toplayıb
uşaqların zövqünü oxşayacaq rənglərlə kitablara
yığırdım. İlk oxucularımı beləcə tanıyırdım, onlarla
qırılmaz ülfət bağlayırdım.
Növbəti yazımın başlığını tapmışdım-«Ömürlük
girov». Doğrudur, Ağəli kişi güləcək, onun sədaqətli
ömür-gün yoldaşı Əsmər o qədər də narazı qalmaya-
caq. Bir qədər ərkyana umu-küsü eləsə də. «Mən
günaha batdım. Axı o vaxt Ağəli tapşırmışdı ki, bu
sirri heç kimə açmayım». Uşaqların isə ürəkdən
sevinəcəklərinə şübhəm yoxdur. Babalarının, nənələri-
nin nağılı onlar üçün əvəzsiz hədiyyə olacaqdı.
Deyəsən, nərgizlər də mənim fikrimi duydular.
Xəfif küləyin altındakı əsintilərini bu təzə-tər çiçəklə-
rin razılığı kimi qəbul elədim.
Dostları ilə paylaş: |