Salatın Əhmədli
23
kəndə gəlir. Ona burada ev tikməyə yer ayırırlar. Özü
bu çayın qırağını seçir. Həmin bizim qonşuluğumuz-
dakı bu xaraba evin yerini. Burada bir dam qaralayır.
Özünün torpaq sahəsi yox, mal-qarası yox. Çayın qıra-
ğında bir dəyirman tikir. Dəyirmanın daşlarını
öküzlərlə sürütdürüb gətirir.
Məhbubə elə maraqla danışırdı ki, onun sözünü
kəsmək istəmirdim. Amma bu car-car sözü diqqətimi
çəkdi:
- Car-car nədir, ay qız?
- Car-car meşə ətəklərində bitən çox möhkəm bir
koldur. Onu kəsib tirlərin üstünə döşəyir, qoşqu hazır-
layırlar. Ağır yükə davam gətirir. Həm o kolun adına
car-car deyirlər, həm də düzəldilən o sürütmə qurğusu-
na. Nə isə sözümü kəsmə, Məhbubə söhbətinə davam
elədi: - Bu Haramxanın babası dəyirmanı tikib qurtarır.
Özü hər şeyi bilirmiş. Deyirmişlər ki, elə bu kişi
əzəldən dəyirmançı olub. Sonra kolxoz qurulur,
dəyirman da kolxoza qatılır. Amma dəyirmançı elə
həmin kişinin oğlu olur. Dəyirmançılıq onların dədə-
baba sənəti idi, ailəni də bu işlə dolandırır, güzərənları
da yaxşılaşır. Bax, bu ikimərtəbəli evi də dəyirmançı
kişidən qalan vəsaitlə Haramxanın atası tikdirir. Otu-
Salatın Əhmədli
24
zuncu illərin axırında kolxozun taxılından təsərrüfat
üçün ayrılan məhsul kəm çıxır. Deyirlər ki, Haramxa-
nın atası ferma üçün üyüdülən dəndən oğurlayırmış.
Onu da damlayırlar. Dəyirman da qalır Haramxanın
ümidinə. Ondan başqa kimsə dəyirmanı işlədə bilmir.
Vallah, bilmirəm onun adını əvvəldən Haramxan
qoyublar, yoxsa… Müharibəyə də aparmayıblar.
Səbəbi də elə bu olub ki, qonşuların çöldə-bayırda
qalan heyvanlarına göz tikib. Bir dəfə də təzib qalmış
bir çəpişi tutmaq istəyir. Uçurumun başında yiyəsiz
qalmış çəpişi tutub dəyirmana aparacaq, orada da kəsib
izini-tozunu itirəcək, heç kimsə də bilməyəcəkdi. Am-
ma gecə vaxtı görürlər ki, bərk qışqırıq gəlir. Haramxa-
nı səsindən tanıyırlar. Kənd camaatı gedirlər, görürlər
ki, Haramxan tutduğu çəpiş qarışıq uçurumdan aşağı
yuvarlanıb. Ayağı sınıbmış. Kənddəki sınıqçıya xəbər
göndərirlər. Gəlib kos qoyur. Yumurta sarısı ilə sarıyır.
Məhbubənin dediyi kos sözü də diqqətimdən qaçmadı.
Sonra yadımdan çıxacığını düşünüb elə yerindəcə
öyrənmək istədim:
–Sınmış ayağa deyirsən ki, kos qoyurlar. Bəlkə
bunu da izah edəsən.
Salatın Əhmədli
25
–Hə, görürsən kənddə necə sözlər var. Yavaş-ya-
vaş hamısı yaddan çıxıb gedir. Qarğı qamışdan kəsib
arasını açıb, sınan ayağı yumurta çəkilmiş parça ilə
sarıdıqdan sonra qamış çiliklərini üzərinə qoyub sarı-
yırlar. Bu bir növ gipsi əvəz eləyir.
Düşündüm ki, həkimin, təbabətin hələ o vaxt
gəlib çıxmadığı bu yerlərdə insanlar elə özlərinin
həkimi olublar. Məhbubənin gözləri xaraba dəyirmana
zillənib qalmışdı. Mən də dinmirdim. Hiss elədim ki,
Məhbubə söhbətin gerisini danışmağa çətinlik çəkir.
Xahiş elədim ki, bir daha sözünü kəsməyəcəm, danış-
sın.
–Yox, sözümü kəsməyində deyil səbəb. Sadəcə
istəmirəm ki, əhvalın korlansın.
–Nə danışırsan, ay qız, maraq məni öldürər. Xa-
hiş edirəm, davam elə.
–Hə, bu Haramxan axsamağının hesabına müha-
ribədən qalır. İkinci Cahan savaşından qabaq
kəndimizdə Gülgəz adlı gözəl bir qız olur. Gülgəzi
Haramxan da istəyir. Ancaq Nəsib adlı başqa oğlanı
Gülgəzin gözü tutur. Gülgəz Haramxana dil vermir.
Nəsibə gedir. Nəsib də ki, bir Nəsib imiş. Qoçaq, qıs-
qıvraq. Atın belinə qalxanda elə bil ki, köhlən uçur-
Salatın Əhmədli
26
muş. Haramxan da hərdən bulağa enən qızların aras-
ında Gülgəzi görür, oğrun-oğrun baxır, yanıb-
yaxılırmış. Təkliyə də salanda deyirmiş ki, məni
bəyənmədin. Nəsibin at minməyinə allandın.
Gülgəzin Nəsibdən üç oğul övladı dünyaya gəlir.
Ancaq bir gün Nəsibi də müharibəyə aparırlar.
Məhbubə söhbətinə ara verdi. Xəyallandı, hiss
elədim onun gözləri də doldu. Rəfiqəmin belə ağır, in-
tizarlı bir söhbət danışacağını gözləmirdim. İstədim
könlünü alım:
- Bəlkə danışmayasan?
- Yox, nə üçün, danışaram.
- Gördüm çox kədərlənirsən.
- Hə, Nəsib mənim atamın əmisi oğlu olub.
- Müharibədən qayıtmayıb?
- Hə, qayıtmayıb. Qayıtmayıb deyəndə ki, məsələ
bir qədər ayrı cürdür. Müharibə uzandıqca kənddə dul
arvadların sayı da artır. Neçəsinin qara kağızı gəlir.
Təsərrüfat da başlı-başına qalır. Adamlar aclıq çəkir.
Acından neçə uşaq ölür. Gülgəzin də üç balası
aclıqdan əriyib, çöpə dönür. Gülgəz özünü oda-közə
vurur ki, uşaqlarını aclıqdan qorusun. Bir gün eşidir
ki, Haramxanın dəyirmanına dul arvadlar həftədə bir
Salatın Əhmədli
27
dəfə gedir, dəyirmanı süpürür, bir torba ard unu ilə
qayıdırlar. Bilirsən də, dən üyünəndə tozlanan un
unluğun ətrafına yığılır. Ona ard unu deyirlər. Növbə
ilə gedən arvadlar xəbər gətirirlər ki, Haramxan
Gülgəzi də çağırır. Bir axşam da o gəlib, dəyirman-
dakı işlərə əl yetirsin. Səliqə-səhmana baxsın.
Dəyirmanın yanındakı Haramxanın bostanını sulasın.
Sonra da ard unundan payını alıb getsin. Gülgəz
balaca körpəsinin acından zarıltısına dözmür. Onu
yatağına uzadıb, qapıdan çıxır. Nəsibin getməzdən
əvvəl dediyi sözlər yadına düşür: «Gülgəz, bax a,
özünü bu kənddə Haramxandan gözlə. Zatı qırıq
adamdı. Qardaşının da namusuna göz dikəndi».
Gülgəz qapıdan geri qayıdır, getmək istəmir. Amma
uşağın sızıltısı sinəsini göynədir. Gün dağların
arxasında itəndə ətrafa qaranlıq çökür. Gülgəz özünü
dəyirmana salır. Bilirdi ki, bu axşam un aparmasa,
uşaq öləcək. Onu görəndə Haramxanın mavi gözləri
işıldayır. Güclə ətrafa işıq salan çırağın yanına gəlir.
«Hə, yaxşı gəlmisən. Bax, bu unu sənə saxlamışam» ,-
deyə torbanı göstərir. Gülgəz əl atıb torbanı götürür,
Haramxana dua eləmək istəyir: Allah səni…
Salatın Əhmədli
28
Haramxan da ki, adına yaraşan kişi idi. İndi ona
da kişi deyirik, kişilərin goru çatlayar. Gülgəzin qol-
undan tutmaq istəyir. Gülgəz qolunu qəzəblə geri
çəkir:
- Yaxşı-yaxşı, xətrinə dəymirəm. Götür unu da
get, gələn həftə gəlib həyət-bacaya baxarsan.
Gülgəz həmin axşam gətirdiyi ard unundan suda
horra bişirir. Uşaqlarına içirir. Həmin gecə körpə
ölümdən xilas olur. Ancaq kəndə xəbər yayılır ki,
Gülgəz Haramxanın dəyirmanına növbəyə gedib.
Daha kimin ağzını bağlamaq olar. Deyirlər ki, Nəsib
muharibədən sonra kəndəcən gəlibmiş. Hansı bir
ağzıgöyçəksə, olanı, olmazı ona danışır. O da elə
kəndin ayağındanca geri qayıdır. Gülgəzin uşaqları
böyüyüb kənddə qalmadılar. Özünü də kənd
qəbiristanlığında bir tərəfdə dəfn elədilər. Ölənə
qədər, ağzından canı çıxınca «Mənim günahım
yoxdur, Haramxanın yurdu xaraba qalsın. Günahım
odur ki, uşaqlarıma onun haram payını yedirtdim», -
deyirmiş.
- İndi bu xaraba ev Haramxanındır?
Dostları ilə paylaş: |