Salatın Əhmədli
59
həmin günlərdə Bakıya gəlməzdi. Bir müddət rayon
xəstəxanasında yatdı, bircə dəfə də olsun əmisigildən
onun yanına gələn olmadı. Onunsa gözləri yolda idi.
Bəlkə, Naridə gələr? Amma yox…
Ordan-burdan da-kəndlərindən yanına gələn
adamlardan öyrəndi ki, atasının narazılığından sonra
Naridənin də üzü Ənvərdən dönüb. Artıq Ənvəri bu
yerlərə bağlayan heç nə yox idi. Bir tərəfdən də
həkimlər deyirdilər ki, hərbiyə yararlı olmayacaq.
… Ənvər orta məktəbi yaxşı qurtarmışdı. Tay-
tuşlarının arasında ədəbiyyatı bilməyilə çox fərqlənir-
di. Yaxşı saz çalmağı da vardı. Aşıq yaradıcılığından
sinədəftər idi.
Hospitaldan çıxandan sonra düşünürdü ki, çıxıb
Rusiyaya gedər, orada işləyər, pul qazanar, qayıdıb
Bakıda ev alar. Ancaq həyatındakı bir təsadüf onun
yolunu dəyişdi. Palatada onunla birgə müalicə alan
oğlanın–Fəridin anası paytaxtın ən böyük kitabxana-
larından birində müdir müavini işləyirdi. Tez-tez
xəstəxanaya gəlir, oğluna baş çəkir, yemək-içmək
gətirir və oğlu ilə dostlaşmış Ənvərə də qayğı göstə-
rirdi. Biləndə ki, hospitaldan çıxandan sonra Ənvərin
gedəcək bir yeri yoxdur, dedi, -ay oğul, sən də Fəridlə
Salatın Əhmədli
60
birgə mənim yanımda qalarsan, mənim yanımda
işləyərsən. Orta təhsilin var, sənədlərini də çalışıb
qaydaya qoyarıq, sonrası da… Allah kərimdir.
Beləcə, Ənvər kitabxanada işlədi. Bir müddət
Fəridgildə qaldı. Hazırlaşıb sənədlərini ali məktəbə
verdi, filoloji təhsil aldı. Özü də universiteti fərqlənmə
ilə bitirdi. İş yerində ona az-çox hörmət göstərirdilər.
Müharibə əlili kimi ehtiramla yanaşırdılar. Bakıya
qaçqınların axını vaxtı o da yataqxanaların birində
məskunlaşdı. Ölkənin başı dava-dalaşdan açılanda,
məmləkət özünə gələndə Qarabağ müharibəsi əlilləri-
nə verilən evlərin siyahısına onun da adı düşdü. Xır-
dalan qəsəbəsində ona birotaqlı ev verdilər. Elmdən,
kitabdan ayrılmadı. Aşıq yaradıcılığından mövzu
götürüb işlədi. Məqalələri mətbuatda dərc olundu.
Şeirlərini aşıqlar saz havaları üstündə oxuyurdular.
Fəridin anası-o, təqaüdə çıxmışdı-hərdən onu görürdü:
- Ay bala, sən evlənmədin, axı vaxt gedir. Görürsən,
Fəridin uşaqları indi məktəblidir, oxuyurlar. Axı siz
tay-tuş idiniz. Evlənsən bir rahat dolanışığın olar.
Amma Ənvər ona deyə bilmirdi ki, mənim sev-
gimi əlimdən alıblar. Mən o sevgini qaytara bilmədim.
Beləcə, ömür Ənvəri gətirib əlli yaşına çatdırmışdı.
Salatın Əhmədli
61
Gənc bir dissertant onun yanına gəlib-gedirdi.
Onu Elmi Tədqiqat İnstitutundan Ənvərin yanına
göndərmişdilər. O da Sakit adlı bu gəncə köməyini
əsirgəmirdi. Yazılarının ağız-burnunu düzəldir, nəş-
rinə kömək edirdi. Çox vaxt Sakit Ənvərin yanında
qalırdı. Onsuz onun da elə bir yeri-yurdu yox idi.
…Deyəsən, sürücü qəfil əyləci basdı. Təkan Ən-
vəri yuxudan oyatdı. Gözünü açıb ətrafa baxdı. Kürü
keçirdilər. Hava da dəyişmişdi. Yaz bu yerlərə tez
gəlib. Demək olar ki, ağaclar çiçəkdən çıxmışdı. Şir-
van düzündən keçəndən sonra sərin meh maşının
şüşəsini endirən kimi onu vurdu. Sərinləşdirici meh-
dən Ənvərin gözləri açıldı. Nədənsə bu meh ona çox
uzaqlarda qalmış anasının nəfəsini xatırlatdı. İndi
onun ürəyi quş ürəyi kimi çırpınırdı. Rahat, hamar
yolda şütüyən Mersedesin sürəti ona çox asta görü-
nürdü. Az qala dillənib sürücüyə demək istəyirdi ki,
sən niyə maşını belə yavaş sürürsən. Amma nəzərləri
sürət göstəricisinə sataşanda əqrəbi 120-nin ütündə
gördü. Ona elə gəlirdi ki, iyirmi yeddi il yox, bəlkə,
yüz iyirmi yeddi ildir ki, yoldadır, amma oralara gedib
çata bilmir.
Salatın Əhmədli
62
Eşitmişdi, bilirdi ki, əmisi qızı Nuridə rayon
mərkəzində yaşayır. Naridə isə yaxın kənddə ərdədir.
Rayon mərkəzinə çatanda soraqlaşıb əmisi qızının
evinin yerini öyrəndi. Əyalət şəhərinin bir tərəfində
yaxşı həyət-bacaları vardı. Əri fərasətli adam imiş.
Ticarətlə məşğul olur. Nuridənin iki oğlu vardı.
Ticarət işlərində atalarına kömək edir. Naridənin isə
bir oğlu, bir qızı. Qızını köçürüb, oğlu da yaxın
vaxtlarda evlənəcəkdi. İnsafən Nuridə Ənvəri yaxşı
qarşıladı:
- Ay əmioğlu, nə yaxşı gəlmisən, sən gələn günə
şükür.
- Sağ ol, ay əmi qızı. Yaşımın bu çağında yer-
yurd məni çəkib gətirdi.
- Hərdən uşaqlar səni televiziyada görür. Aşıqlar
şeirlərini oxuyur, biz də sevinirik. Deyirəm ki, dayı-
nızdır, bir xəbər-ətər öyrənin, görün hardadır, neynir?
-
Darıxma,
ay
əmiqızı,
hələ
uşaqdırlar,
böyüyəndə öyrənərlər.
Nuridə əmisioğlunun səsindəki gileyi duysa da
üstünü vurmadı. Axşam tərəfi ailə yığışdı. Yaxşı bir
quzu da kəsiblər. Həyətdəcə kabab çəkdilər.
Salatın Əhmədli
63
Ənvərin yadına düşdü ki, mayqabağı gənclər yığ-
ışıb bulaq üstə çıxar, quzu kəsər, şişlərdə qızaran
alagül tikələri dişlərinə çəkər, hələ buz kimi bulaq su-
yundan da içərdilər. Heç birinin də başı ağrımazdı…
Onu xəyaldan Nuridənin ərinin verdiyi sual
ayırdı: - Bakıda nə var, nə yox, - soruşdu.
- Belə də, hər kəs öz işindədir. Orada da adam-
ların başı alış-verişə qarışıb.
- A kişi, sən nə danışırsan, alış-verişə qarışıb
nədir? İndi dünyanın çörəyi alış-verişdən çıxır. Bax,
sən alim adamsan, qazancın nədir? Neyləmisən? Eşit-
diyimə görə, yazıb-pozursan. Heç kitabların da çıx-
mayıb. Mənim yanıma alış-verişə bir şair gəlir. Ondan
soruşmuşam. Bilmirəm, hardan, səni necə tanıyır? Bir
yazı-pozun işıq üzü görən kimi tez yanıma qaçır. Əv-
vəllər ona əl tuturdum. Sonra gördüm iştahı böyüdü.
- Necə yəni iştahı böyüdü,-Ənvər maraqla
soruşdu.
- Belə də, gördüm ki, könlündən keçir onun
kitabının çapına sponsorluq eləyim. Dedim ayə, get
özünə iş tap. Kitab oxumaq zamanasıdır?
- Yeznə, elə demə, bax, maşallah, yaxşı
dolanışığın var, oğlanların oxusa pisdi bəyəm?
Salatın Əhmədli
64
Gənclər-Nuridənin oğlanları, bir də onunla
görüşə gəlmiş Naridənin oğlu üçü də bir-birilə
sözləşibmiş kimi gülüşdülər. Ənvər bu gənclərin kita-
ba, yazı-pozuya belə həqarətlə baxmasına mat qaldı,
ağzını açıb nəsə demək istədi. Amma heç nə demədi.
Elə bil sinəsində ocaq qaladılar. Özünü güclə tox
tutmaşa çalışdı. Yanğıqarışıq ağrıdan dişini-dişinə
tutdu. Süfrədəki mineral sudan bir qurtum içdi.
Handan-hana özünə gəldi.
- Burdan şəhərə nə vaxt minik olur?
- Hər vaxt.
Nuridənin əri elə bil ki, bu sualı gözləyirmiş kimi
dilləndi.:
- Sovet hökumətinin vaxtı deyil ki, avtobus göz-
ləyəsən. Yolun kənarında taksilər dayanır. Beş-on
manat verirsən axşama şəhərdəsən. Mersedeslər yolda
ilan kimi şütüyürlər.
- Hə, gələndə də rahat gəldim. Maşallah, yollar da
ki, şüşə kimi…
Ənvər ayağa qalxdı. Yüngül paltarını, son vaxtlar
yazdığı şeirlərin əlyazmalarını yığdığı qara yol çantası
elə piləkənin üstündə idi.
Dostları ilə paylaş: |