28
olunması) əsasında formalaşmasına etiraz edirdilər, çünki bu yolun qeyri-demokratik olduğunu və yalnız zəif
hökumətlər formalaşdırmağa qadir olduğunu düşünürdülər
26
.
Yuxarıda sadalanan bütün məsələlər üzrə konsensus əldə etmək üçün Britaniya hökuməti “Şimali İrlandiyanın
gələcəyi: müzakirə üçün hesabat”
27
(Green paper) adlı sənəd hazırladı və bu sənəd 1972-ci ilin oktyabrında
Şimali İrlandiya məsələləri üzrə dövlət katibi Uilyam Uaytlou tərəfindən Şimali İrlandiyanın Olster Yunionistlər
Partiyası, Alyans Partiyası və Leyboristlər Partiyasına təqdim edildi. Bunlar Şimali İrlandiya Parlamentində
təmsil olunan yeddi partiyadan üçü idi. Məhz bu partiyalar 1972-ci ilin sentyabrında Şimali İrlandiyada
konstitusiya islahatlarının gələcək istiqamətlərinə həsr olunmuş üç günlük konfransa Uaytlounun dəvətini
qəbul etmişdilər
28
. Müzakirə üçün hesabatda Şimali İrlandiyanın müxtəlif siyasi partiyalarının regionun gələcək
inkişafına dair təklifləri yer almışdı, həmçinin burada gələcəkdə Şimali İrlandiya Assambleyasının
formalaşdırılması, səlahiyyətlərin Birləşmiş Krallıq və Şimali İrlandiya arasında bölüşdürülməsi məsələləri və
İrlandiya Respublikasının Şimali İrlandiyanın işlərində iştirakını nəzərdə tutan “İrlandiya ölçüsü” müddəası
qaldırılmışdı.
Bundan əlavə 1949-cu ildə İrlandiya özünü respublika elan edərək, Millətlər Birliyindən çıxdıqdan sonra,
Britaniya parlamenti Birləşmiş Krallıq və İrlandiya Respublikasının münasibətlərini müəyyən edən İrlandiya
haqqında 1949-cu il Aktını
29
qəbul etdi. Bu akta əsasən, Şimali İrlandiya Əlahəzrətin və Birləşmiş Krallığın
dominionlarının bir hissəsi olaraq qalırdı və Şimali İrlandiya parlamentinin razılığı olmadan Şimali İrlandiyanın
və ya onun istənilən hissəsinin bütün hallarda Əlahəzrətin və Birləşmiş Krallığın dominionlarının bir hissəsi kimi
qalacağı təsdiqlənirdi. Amma 1972-ci ildə Edvard Xit hökuməti Stormont parlamentinin fəaliyyətini müvəqqəti
olaraq dayandırdığı üçün Şimali İrlandiyanın statusunu təsdiqləməkdən ötrü hər hansı bir vasitənin tapilması
zəruri idi və buna görə də 1973-cü il martın 8-də müvafiq referendumun keçirilməsi haqqında qərar qəbul
edildi
30
. Referendumda
31
Şimali İrlandiya əhalisi Şimali İrlandiyanın Birləşmiş Krallığın tərkibində qalıb-
qalmaması və ya İrlandiya Respublikasının tərkibinə daxil olub-olmaması ilə bağlı suala öz münasibətlərini
bildirdilər. Katoliklər bu referendumu boykot etdikləri üçün səslərin əksəriyyəti (58,66% seçici iştirakıyla
seçicilərin 98,92%) Şimali İrlandiyanın Birləşmiş Krallığın tərkibində qalmasının lehinə verilmişdi. Bununla belə,
referendum regionun statusunu təsdiqləmiş olsa da, Şimali İrlandiyada böhran davam edirdi.
Tezliklə 1973-cü il martın 20-də Britaniya hökuməti Şimali İrlandiyanın Konstitusiya quruluşuna dair Təkliflər
(White paper)
32
dərc etdirdi. Bu təkliflər 30 oktyabr 1972-ci il tarixli müzakirə üçün hesabatı əsasında işlənib
hazırlanmışdı. Sənəddə İrlandiya Şurasının və proporsional təmsilçilik əsasında seçilməli və Stormont
parlamentini əvəz etməli olan yeni Şimali İrlandiya Assambleyasının yaradılması təklif olunurdu. Bu təkliflərin
əsasında 1973-cü il mayın 3-də Britaniya hökuməti tərəfindən Şimali İrlandiya Assambleyası təsis edildi və
1973-cü il iyunun 28-də onun üzvləri seçildi, 1973-cü il iyunun 31-də isə Şimali İrlandiya Assambleyasının ilk
toplantısı keçirildi.
26
S. Farren, p.159.
27
The Future of Northern Ireland: A Paper for Discussion (Green Paper; 1972) URL:
http://cain.ulst.ac.uk/hmso/nio1972.htm
28
S. Wolff,
Context and Content: Sunningdale and Belfast Compared. URL:
http://www.stefanwolff.com/files/sunningdaletobelfast.pdf
29
Ireland Act, 1949. URL:
http://cain.ulst.ac.uk/hmso/irelandact1949org.pdf
30
V. Bogdanor, Western Europe. In
Referendums around the world: the growing use of direct democracy, ed.
by D. Butler, A. Ranney, AEI Press, 1994, pp. 37-38.
31
Referendum ('Border Poll') (NI) – Thursday 8 March 1973. URL:
http://cain.ulst.ac.uk/issues/politics/election/ref1973.htm
32
Northern Ireland Constitutional Proposals (White Paper; 1973). URL:
http://cain.ulst.ac.uk/hmso/cmd5259.htm
29
1973-cü il iyulun 18-də Şimali İrlandiya Konstitusiyası haqqında Akt qüvvəyə mindi,
33
bu sənəd əhalinin böyük
hissəsinin razılığı olmadan Şimali İrlandiyanın Birləşmiş Krallıqdan ayrılmayacağını və bu məsələ ilə bağlı
referendumun yalnız 10 ildən bir
34
keçirilə biləcəyini təsdiqləyirdi. Aktda proporsional əsasda formalaşan Şimali
İrlandiya Assambleyasının, həmçinin həm Şimali İrlandiyanın, həm də İrlandiya Respublikasının
nümayəndələrinin daxil olduğu İrlandiya Şurasının təsis edilməsi nəzərdə tutulmuşdu. Əvvəlki parlament və
qubernator vəzifəsi ləğv olundu, 1973-cü il noyabrın 21-də
35
isə proporsional təmsilçili icra orqanı təsis edildi.
1973-cü il dekabrın 6-dan 9-a qədər Sanninqdeyldə (İngiltərə)
36
proporsional təmsilçili icra orqanının təsisi ilə
bağlı açıq qalmış çətin məsələlərin həlli üçün üçtərəfli konfrans təşkil edildi. Konfransda Böyük Britaniyanın baş
naziri Edvard Xit, İrlandiya Respublikasının baş naziri Liam Kosqreyv, həmçinin nazirlər, Olster Yunionistlər
Partiyasının, Sosial-Demokrat və Leyborist Partiyasının, Şimali İrlandiya Alyans Partiyasının nümayəndələri
iştirak edirdilər.
İştirakçılar müxtəlif mövzuları müzakirə edirdilər, amma əsas müzakirə Şimali İrlandiyanın gələcək hökumətinin
“İrland ölçüsü” ətrafında aparıldı. İrlandiya Şurasının iki hissədən – Nazirlər Şurası və Məşvərət
Assambleyasından ibarət olacağı nəzərdə tutulurdu. İcra və əlaqələndirici funksiyaları yerinə yetirən Nazirlər
Şurasının tərkibinə Şimali İrlandiya icra orqanının yeddi üzvü və İrlandiya Respublikası hökumətinin yeddi üzvü
daxil ola bilərdi. Məşvərət və təftiş funksiyasını yerinə yetirən, Məşvərət assambleyasının tərkibinə isə Şimali
İrlandiya Assambleyasının otuz üzvü və İrlandiya Respublikası Parlamentinin aşağı palatasının 30 üzvü qatıla
bilərdi. Mayın 9-da konfrans bitəndən sonra yekun kommünike
37
dərc olundu.
Amma Olster Yunionist Partiyası üzvlərinin əksəriyyəti bu razılaşmanın əleyhinə çıxdılar, bu da son nəticədə
partiyanın parçalanmasına və onun lideri Brayan Folknerin istefasına gətirib çıxardı. 1974-cü il mayın 15-də
İrlandiya Şurasının formalaşdırılmasına dair tədbirlər Şimali İrlandiya Assambleyasında təsdiq ediləndən cəmi
bir gün sonra Olster Fəhlə Şurası tərəfindən təşkil olunan tətil başladı. Nəticədə 1974-cü il mayın 28-də
proporsional təmsilçili icra orqanı istefaya getməli oldu, 1974-cü il mayın 30-da isə Şimali İrlandiya
Assambleyasının fəaliyyəti də dayandırıldı
38
.
Həmçinin 1975-ci ilin mayında seçilmiş Konstitusiya konventinin fəaliyyəti də uğursuzluqla başa çatdı. Onun
fəaliyyəti cəmiyyətdə geniş dəstək qazanmadığı üçün Britaniya hökuməti 1976-cı il martın 9-da
39
Konventi
buraxdı və birbaşa idarəetmə rejiminin qeyri-müəyyən müddətə uzadıldığını elan etdi.
Bu uğursuzluqlara baxmayaraq, Britaniya və İrlandiya hökumətləri növbəti illərdə də Şimali İrlandiya
münaqişəsinin nizamlanması yönündə birgə səylərini davam etdirmək əzmində idilər. Bu kontekstdə İrlandiya
və Britaniya baş nazirləri Herret Fiçcerald və Marqaret Tetçer tərəfindən imzalanan 1985-ci il 15 noyabr
Hillsboro İngilis-İrland sazişi
40
ən vacib sənədlərdən biridir.
İki hökumət arasındakı bu razılaşmanın birinci maddəsinə əsasən:
33
Northern Ireland Constitution Act 1973. URL:
http://cain.ulst.ac.uk/hmso/nica1973.htm
34
Amma nə 1983-cü, nə də növbəti on illiklərdə referendum keçirilməmişdir.
35
A Chronology of the Conflict – 1973. URL:
http://cain.ulst.ac.uk/othelem/chron/ch73.htm
36
The Sunningdale Agreement (December 1973). URL:
http://cain.ulst.ac.uk/events/sunningdale/agreement.htm
37
Yenə orada
38
A Chronology of the Conflict – 1974. URL:
http://cain.ulst.ac.uk/othelem/chron/ch74.htm
39
Northern Ireland Constitutional Convention – A Chronology of Main Events. URL:
http://cain.ulst.ac.uk/events/convention/chron.htm
40
Anglo-Irish Agreement 1985 between the Government of Ireland and the Government of the UK. URL:
http://cain.ulst.ac.uk/events/aia/aiadoc.htm