23
Nəticələr və tövsiyələr
Şimali İrlandiyada münaqişənin dinamikası digər regionlarda münaqişələrin transformasiyasının uğuruna
yardım edə biləcək bir sıra amilləri müəyyən etməyə imkan verir:
üçüncü dövlətlərin qarışmaması və ya onlar arasında münaqişənin həllinə dair konsensusun əldə
edilməsi böyük əhəmiyyət kəsb edir. Şimali İrlandiyada dünya və regionun super güclərinin
maraqlarının toqquşması, demək olar ki, mövcud deyildi. Prosesdə super güc olaraq bircə ABŞ iştirak
edirdi və o, münaqişənin həllində maraqli idi, özünün vasitəçi missiyasına ciddi yanaşırdı;
münaqişənin həll olmasına təsir edən vacib amillərdən biri də insan haqları, söz və vicdan azadlığı kimi
demokratik mədəni və siyasi dəyərləri bölüşmək (ən azı nəzəriyyədə) idi. Əlbəttə ki, təcrübədə bütün
tərəflər bu dəyərləri dəfələrlə tapdalayırdılar. Amma bütünlükdə Qərb və Avropanın demokratik
ənənələrinə əsaslanan ümumi ideoloji sahə mövcud idi ki, bu da qarşıdurmanın müəyyən həddi
aşmağına imkan vermirdi;
demokratik institutların mövcud olması münaqişənin həllinə öz töhfəsini verirdi: bu institutlarda
təcrübədə öz icmaları qarşısında cavabdehlik daşıyan siyasətçilər çalışırdılar. Bu isə o demək idi ki,
onlar özlərinin dar maraqlarını deyil, öz icmalarının maraqlarını təmsil edirdilər. Düzdür, onu da qeyd
etmək lazımdır ki, Şimali İrlandiyada demokratik institutların fəaliyyəti Londondan birbaşa idarəetmə
tətbiq ediləndən sonra məhdudlaşdı. Amma bu vəziyyət münaqişənin bütün aktorları tərəfindən
müvəqqəti və anormal kimi qəbul edilirdi, onlardan hər biri özünəməxsus yollarla normal demokratik
institutlara qayıdışa nail olmağa çalışırdılar (bunu fəqrli təsəvvür etsələr də) və öz icmaları ilə əlaqəni
itirmirdilər.
Bu ümumi mülahizələrdən başqa Şimali İrlandiyada sülh prosesinin icmalı istənilən digər sülh prosesi üçün
faydalı ola biləcək bəzi tövsiyələr irəli sürməyə imkan verir:
münaqişəyə cəlb olunmuş müxtəlif qrupları subyekt kimi tanımaq lazımdır. Kənar müşahidəçiyə
münaqişə tərəfləri monolit görünə bilər, amma əslində hər bir tərəfin daxilində fərqli qavrayış və
maraqlara sahib müxtəlif qruplar mövcud ola bilər. Bu cür unikal yanaşması olan müxtəlif qrupların
mövcudluğunun tanınması sülh prosesinin uğur qazanmasının şərtidir;
tərəflər bir-birini klişe və stereotiplər çərçivəsində görməkdən vaz keçməlidirlər. Qarşı tərəfin
motivasiyasını anlamaq lazımdır. Bu, həmin motivasiyanı haqlı qəbul etmək demək deyil, belə olsaydı,
münaqişə olmazdı zatən. Amma qarşı tərəfin düşüncə tərzini anlamaq lazımdır ki, sülh prosesindəki
vəzifələrini daha adekvat və real dəyərləndirə biləsən. Həmçinin onu da anlamaq vacibdir ki,
motivasiya bir çox hallarda rasional hesaba deyil, mülahizələrə əsaslanır ki, bu da proqmatik nöqteyi--
nəzərdən “irrasional” görünə bilər;
müvəffəqiyyətin digər vacib şərti sülh prosesinin inklüzivliyidir ki, bu da münaqişəyə cəlb olunmuş
bütün aktor və qrupların iştirakını təmin etmək üçün lazımdır. Amma inklüzivlik həmçinin sülh prosesi
formatının çevikliyini nəzərdə tutur. Əgər bütün qrupların cəlb olunması sülh prosesi gedişatında
problemlər doğurarsa (məsələn, Y qrupu iştirak etdiyi təqdirdə X qrupu danışıqlarda iştirakdan imtina
edir), o zaman bu maneələri aşmaq üçün yollar tapılmalıdır. Bu cür mümkün həll yollarından biri
müxtəlif səviyyələrdə paralel danışıqların aparılmasıdır;
sazişin demokratik legitimliyinin təminatı məqsədilə demokratik səsvermənin effektiv prosedurunu
nəzərə almaq vacibdir. Təbiidir ki, demokratik legitimliyi olmayan sazış uzunömürlülük şansına sahib
24
ola bilməz. Konkret formalara referendumun müxtəlif növlərini aid etmək olar, amma alternativ
vasitələr də mümkündür;
sazişin demokratik legitimliyinin təminatı mexanizmini işləyib hazırlayanda, onun bu sazişi imzalayan
konkret siyasi qüvvələrin elektorial perspektivlərilə bağlı olmaması çox vacibdir. Şimali İrlandiya
nümunəsindən göründüyü kimi, əhali sazişi bağlayan siyasi qüvvələri dəstəkləmədiyi halda, sazişin
özünü dəstəkləyə bilər;
vətəndaş cəmiyyətinin sülh təşəbbüslərini dəstəkləməsi həlledici rol oynaya bilər, xüsusən də Şimali
İrlandiyada baş tutan referendum misalında olduğu kimi: bağlanmış sazişin demokratik dəstəklənməsi
proseduru həyata keçirildiyi mərhələdə.
Və nəhayət, nəzərə almaq lazımdır ki, münaqişənin mahiyyətinə, onun tarixinə, ideal həll yoluna və s. dair
müxtəlif yanaşmalar bir qayda olaraq uğurla nəticələnən sülh prosesindən sonra da qalır. Sülh prosesi
münaqişənin müxtəlif tərəflərində mövcud olan fərqli reallıq ifadələri arasındakı toqquşmaları aradan
qaldırmağa qadir deyil. Amma Şimali İrlandiya nümunəsindən göründüyü kimi, sülh prosesi keçmişə dair fərqli
konsepsiyalar arasındakı toqquşmaların elə baxışlararası münaqişə mərhələsində qaldığı, zorakılıq və
qarşıdurmalara gətirib çıxarmayan demokratik formatların formalaşmasına səbəb ola bilər.
25
2. Şimali İrlandiya münaqişəsinin nizamlanmasında rəsmi
diplomatiyanın və xarici aktorların rolu
Gülşən Paşayeva
Giriş
Şimali İrlandiya münaqişəsi Avropanın uzunmüddətli etno-ərazi münaqişələrindən biri olaraq, on illiklər ərzində
Böyük Britaniya və İrlandiya arasındakı münasibətlərdə sabitliyi pozmuşdur..
Məlum olduğu kimi, 1922-ci ilin dekabrında imzalananmış İngilis-İrland Sazişinə
14
əsasən, İrlandiya adasının
cənubunda 26 qraflığı əhatə edən İrlandiya Azad Dövləti (The Irish Free State) yaradılmışdır. Bu zaman tarixi
irland əyaləti olan Olsterin altı qraflığından (Antrim, Arma, Daun, Fermana, Londonderri (Derri) və Tiron) ibarət
Şimali İrlandiya Birləşmiş Krallığın tərkibində qalmışdır.
Əsas məqsədləri adanı vahid bir dövlətin tərkibində birləşdirmək olan Şimali İrlandiya millətçiləri bu qərarla razı
olmayaraq, hesab edirdilər ki, İrlandiyanın parçalanması yalnız yunionistlərin (Birləşmiş Krallıqla ittifaqın
saxlanmasını dəstəkləyən protestantlar) müdafiəsi üçün deyil, həm də Böyük Britaniyanın iqtisadi və strateji
maraqlarının təminatı üçün həyata keçirilmişdir
15
. Onların iddiaları İrlandiya Respublikasının bütün sonrakı
hökumətləri və əksər partiyaları tərəfindən dəstəklənmişdir. İrlandiya Respublikasının Böyük Britaniyaya qarşı
irredentist (ərazi) iddiaları həmçinin 1937-ci il Konstitusiyasının ikinci və üçüncü maddələrində də öz əksini
tapmışdı. Orada göstərilirdi ki, İrlandiya adası bütünlükdə vahid “milli ərazini” təşkil edir
16
. Digər tərəfdən,
“İrlandiyanın parçalanması yunionistlər üçün də ən arzuolunan nəticə deyildi. Onlar İrlandiyanın Birləşmiş
Krallığın tərkibində qalmasını istəyərdilər. Lakin ayrı bir İrlandiya dövlətinin yaradılması təqdirində onlar onun
tərkibində qalmaq istəmirdilər”
17
.
Beləliklə, növbəti illərdə yunionistlər bir tərəfdən Böyük Britaniyaya qarşı irredentist iddiaları ilə çıxış edən
düşmən mövqeli İrlandiya dövlətindən, digər tərəfdən isə Şimali İrlandiyada katolik azlığını təmsil edən millətçi
qonşularından ehtiyat edirdilər. Eyni zamanda protestantlar Britaniya hökumətinə etibar etmirdilər, onlar
ehtimal edirdilər ki, lazım gələrsə Britaniya hökuməti bu icmanın maraqlarını qurban verə bilər. Londondakı
mərkəzi hökumətə gəlincə, o, XX əsrin 80-ci illərinə qədər bu münaqişəni daxili məsələ kimi qəbul edir və onun
nizamlanması istiqamətində birtərəfli addımlar atirdı. Yalnız 1985-ci il 15 noyabrda Xilsboroda İngilis-İrland
sazişi imzalandıqdan sonra İrlandiya hökuməti Şimali İrlandiya məsələsində formal şəkildə məsləhətçi rolunda
danışıqlar prosesinə cəlb edildi.
Məlum olduğu kimi, təqribən 50 il müddətində latent formada cərəyan edən bu münaqişə XX əsrin 60-cı
illərinin sonu - 70-ci illərinin əvvəllərində hərbi qarşıdurmanın açıq mərhələsinə keçdi. Tarixə “İğtişaşlar
dönəmi” («The Troubles») adı ilə daxil olan bu mərhələ 30 il davam etdi və Şimali İrlandiyada münaqişənin
14
Excerpts of the Articles of Agreement for a Treaty between Great Britain and Ireland as signed in London, 6
December 1921, in
Documents on Irish Foreign Policy Volume I, 1919-1922. URL:
http://www.nationalarchives.ie/topics/anglo_irish/dfaexhib2.html
15
S. Farren, The Northern Ireland Experience. Does changing the question make agreement more possible? In
Caucasus International. Vol. 1, no. 1, Summer 2011, p.156.
16
Yenə orada; həmçinin bax Constitution of Ireland (1937), URL :
http://en.wikisource.org/wiki/Constitution_of_Ireland_(original_text)
17
J. Powell,
Great Hatred, little room. Making Peace in Northern Ireland, London:
The Bodley Head, 2008, p.53.