30
Azərbaycan tarixinin qəhrəmanlıq
səhifəsi
kimi gəlib çatmışdır. Göyçay döyüşünə qədər erməni quldurlarına qarşı
müqavimətin nümunəsi kimi Ağsu yaxınlığında erməni quldurlarından
müdafiə məqsədilə keçirilmiş Pirəmşaq döyüşünü göstərmək olar.
Pirəmşaq döyüşünü erməni soyqırımına qarşı 1918-ci ildə təş-
kil edilmiş ilk ən böyük müdafiə döyüşü adlandırmaq olar. Çünki
Şamaxıda, Bakıda, Qubada və s. bu əraziyə yaxın yerlərdə erməni
soyqırımı baş verməmişdən əvvəl erməni vəhşiliklərini qabaqcadan
görən qeyrətli insanlar bu müdafiə döyüşünü təşkil etmişlər.
Bolşevik-erməni quldurlarının 1918-ci ilin mart qırğınları haqqın-
da bir sıra kitab və məqalələr yazılsa da bu faciələr zamanı baş vermiş
Pirəmşaq döyüşü təəssüf ki, diqqətdən kənarda qalmışdı. Fikrimizcə
bunun əsas səbəbi erməni daşnakları ilə müttəfiq olan S.Şaumyanın
rəhbərlik etdiyi Bakı Kommunasının hadisəyə “ordudan tərxis olun-
muş əsgərlərə qarşı soyğun” adı verərək əsil mahiyyətini ört-basdır
etməyə çalışmasında axtarmaq lazımdır. Bundan başqa bu hadisə
müsəlman milli komitəsinə aid o vaxtkı bir çox tarixi mənbələrdə təs-
1918-ci ilin mart ayında Bico kəndinin könüllü döyüşçüləri tərəfindən erməni quldur dəstə-
sinin darmadağın edildiyi qədim Pirəmşaq qəbiristanının ərazisi
31
Göyçay döyüşləri (iyun-iyul 1918-ci il)
diqlənsə də, komitənin rəhbərliyinin gələcək faciələrdən sığortalan-
maq üçün bu hadisəni gizli saxlamağa üstünlük verməsi də tariximi-
zin bu qəhrəmanlıq səhifəsinin unudulmasına səbəb olmuşdur.
Bu döyüşdə Bico kənd sakinlərinin ermənilərə qarşı müqaviməti
haqqında Azərbaycan Xalq Cümhuriyyətinin Fövqəladə İstintaq Ko-
missiyasının 1918-ci il 11-12 noyabr tarixli Sorğu Protokolunda qısa
da olsa məlumat verilir. Bundan başqa bu döyüş haqqında Zəka Mir-
zəyevin ayrıca məqaləsi çap olunub.(49, 02 Aprel 2013) Bu iki mən-
bədən başqa demək olar ki, hələlik heç bir rəsmi yazıya rast gəlmək
mümkün olmamışdır. Z.Mirzəyevin də yazısı əsasən kənd əhalisinin
yaddaşında nəsildən-nəsilə keçən şifahi tarixi mənbələrə əsaslanır.
Z. Mirzəyev özü bu barədə belə yazır: “Qeyd edim ki, bu hadisə-
nin şahidlərindən hal-hazırda heç kəs həyatda yoxdur. Vaxtilə ötən
əsrin 90-cı illərində kənddə bu hadisələri danışan 7-8 həmkəndlimi
görmüşəm ki, onlardan eştdiyimiz qeydləri bu yazıda əks etdirməyə
çalışmışam. Hadisə şahidlərindən tanıdığım babam Canalı müəllim
(1918-ci ildə 12 yaşı olub) 1996-cı ildə vəfat edib. O qədər təəssüflə-
nirik ki, vaxtilə xırdalıqlarına qədər soruşub öyrənməyə çalışmırdıq,
yalnız onların öz təşəbbüsləri ilə söylədiklərinə qulaq asırdıq. Yenə
də Allaha
şükür ki, heç olmasa yadda qalanları qeydə ala bildik”
Pirəmşaq döyüşü 1918-ci il martın əvvələrində rus-türk cəbhə-
sindən geri qayıdan, 400 nəfər erməni əsgərinin Kürdəmirdən Ağsu
istiqamətində Şamaxıya qaydarkən törətdikləri vəhşiliklərə etiraz
olaraq baş vermişdi. Onların məqsədlərindən xəbərsiz olan Bakı
Müsəlman Komitəsi Şamaxı şəhər rəhbəri Teymur bəy Xudaverdi-
yevə məlumat verərək Şamaxıya qayıdan erməni əsgərlərinə yar-
dım göstərməyi xahiş etmişdi. Buna görə də Şamaxı rəhbərliyi on-
ları qarşılamaq üçün Ağsuya nümayəndə heyəti göndərmişdi. Lakin
nümayəndə heyəti yolda olarkən xəbər tutmuşdu ki, həmin erməni
dəstəsi bir neçə hissəyə bölünərək müdafiə cəhətdən ən zəif yaşa-
yış məntəqələri olan Bico və Ləngəbiz kəndlərinə hücum etmişlər.