269
Təbii ki, burada nəzərə alınması lazım
gələn çox vacib bir
faktor var və bu “insanın istənilən fəaliyyəti, onun hansısa bir ehtiya-
cının ödənilməsinə xidmət edir” faktorudur.
Əgər haqqında danışılan ovçuların vətənində qar yağmırsa,
orada şaxta olmursa, onların
qar,
buz,
şaxta ilə bağlı anlayışları olma-
dığı kimi, bu anlayışlarla bağlı nitq ehtiyacları da olmur və deməli,
onların dilində ehtiyac yaranmayan və mövcud olmayan anlayışlara
ekvivalent olan sözlər də yaranmır. Yəni nitq ehtiyacının ödənilməsi-
nə yönələn söz və nitqyaratma fəaliyyəti də ehtiyaca uyğun şəkildə
müxtəlif ola bilər. Bu, əslində, dil struktur vahidlərinin yaranma-
sındakı xaotiklik yox, tam onun əksinə, bir sistemə və qanuna tam
uyğunluqdur.
Dildə ilkin mərhələdə müşahidə olunan xaotikliyin ən bariz
nümunəsi bu gün belə dialektlərimizdə izi qalan spesifik fonetik
səslər, dialekt sözləri, yalnız bu və ya digər dialektlərdə işlənən qram-
matik formalar və hətta az-az
rast gəlinməsinə baxmayaraq, istənilən
halda mövcud olan bəzi sintaktik konstruksiyalardır.
Bir analogiyaya baxaq: dillərin normal inkişafı prosesində bu
və ya digər regionda yeni müşahidə olunan və ya haqqında ilk dəfə
nitq ehtiyacı yaranan bir gerçəklik elementinə bir ad, eyni dil arealı-
nın başqa bir regionunda isə həmin gerçəklik elementinə başqa bir ad
verilir.
İkinci bir analogiyaya baxaq: qısa bir ömrü olan (məsələn, 10
il) bir gerçəklik elementinin bir adının (
döşəkçə) olduğu regionda
həmin gerçəklik elementinin yeni çeşidi (bir az qalın və ipək üzlü)
yaranır və ona yeni bir ad verilir (
nimdər). Bu regionda dəb halını
alan bu çeşid o qədər məşhurlaşır ki, həmin regionda əvvəlki çeşid
də, onun adı da istifadədən çıxır. Sonra (30-40 il) bu yeni çeşid əski
çeşid halına düşsə belə (nazık və üzü bezdən), həmin regionda onun
adı yenə yeni çeşidin adı olaraq qalır (
nimdər).
Dilin sistemləşməsi deyərkən, təbii ki, ədəbi dilin formalaşdı-
rılması nəzərdə tutulur. Bu, ilk növbədə dildə mövcud olan fonetik
səslərin və onların qarşılığı olan hərflərin müəyyənləşdirilməsi, əlif-
270
banın tərtib olunması
1
ilə başlayır. Dildə istifadə olunan
qrammatik
normaların vahid qaydasını əks etdirən qrammatika kitabları yazılır
və bunların əsasındə dilin lüğət tərkibini əks etdirən orfoqrafiya
lüğəti, izahlı lüğətlər tərtib olunur və beləliklə, dil sistemləşdirilmiş
hesab olunur. Dilin sistemləşdirilməsi ilə dialektlərdə müşahidə olu-
nan fərqlər
2
azalır, amma bir anda yox olmur.
Yazılı nitqin yaradılması prosesində dilin sistemləşdirilmiş
halına, yəni ədəbi dil normalarına tam və ideal uyğunluğu tələb
olunur. Sözlərin normal orfoqrafiya qaydalarına uyğun şəkildə yazıl-
ması da daxil olmaqla, bu lüğətdə qeyd edilən normaların istənilən
şəkildə pozulması, artıq hərf yazılması və ya hərflərin buraxılması,
yazılı mətndə standart qrammatik qaydalardan yayınma halları, dia-
lekt xüsusiyyətli qrammatik formaların və ya sintaktik vahidlərin işlə-
dilməsi, durğu işarələrinin düzgün qoyulmaması dildəki xaos,
standartdan yayınma və savadsızlıq əlaməti kimi qiymətləndirilir.
Müasir dövrdə, doqquz və on bir illik icbari təhsilin tətbiq
olunduğu bir vaxtda gənc nəsil arasında dili tam sistemləşdirilmiş
halı ilə, yəni ədəbi dil səviyyəsində mənimsəyə bilməyən, savadsız
şəxslərin olduğunu düşünmək bir qədər haqsızlıq
və bir qədər də
məsələyə səthi yanaşma kimi dəyərləndirilir. Yəni aid olduğu regio-
nun dialekti ilə danışmaq, bəzi dialekt sözlərini işlətmək belə savad-
sızlıq kimi qəbul edilmir. Bu, danışıq vaxtı tez-tez eyni ifadə və söz-
lərin (məsələn, cümlə başı:
deyirəm axı,
canım sənə desin tipli
ifadələrin, müraciət forması olaraq:
bacıoğlu,
xalaoğlu,
qardaşolğu
tipində sözlərin) təkrarı kimi alışqanlıq əlaməti olaraq qəbul edilir.
Amma, əslində, bütün dil daşıyıcıları tərəfindən eyni standart-
lara uyğun yazılı və şifahi nitq yaradılmasının tələb edilməsi daha
doğru və düzgün olardı. Çünki şifahi nitqə verilən bu qədər sərbəst-
lik, əslində, izahı olmayan paradoksdan və bizcə, yanlışdan, sistemi
əngəlləyən xaosdan başqa bir şey deyil. Əvvəldə də qeyd etdiyimiz
kimi, şifahi və ya yazılı formada olmasına baxmayaraq, istənilən
1
Axundov A.A. Azərbaycan dilinin fonetikası. Bakı, “Maarif”, 1984, s.13.
2
Vəliyev A. Azərbaycan dilinin keçid şivələr. Bakı. “Nurlan”, 2005, s. 34.
271
nitqyaratma prosesi ona başlanğıc verən rezonansın qəbulu, rezonan-
sa uyğun birinci intellekt obrazlarının aktivləşməsi və məntiqi sıra-
lanması, ikinci intellekt obrazlarına transformasiyası,
mətn forma-
sında modullaşması, mətnə emosional, ekspressiv tonun verilməsi və
nitq söyləminin çıxışı modelinə uyğun şəkildə reallaşmalıdır.
Şifahi nitqə verilən bu sərbəstlik, əslində, “yazılı nitq bu sxe-
mə tam uyğun şəkildə formalaşır, şifahi nitqin formalaşması isə bu
modeldən kənara çıxa bilər” demək qədər yanlış və qəbuledilməzdir.
L.Şerbanın qeyd etdiyi kimi, dil sistеminin vahidliyi еyni
məzmunla bağlı bənzər rеaksiyaların yaranmasını şərtləndirir
1
. Yəni
ümumi və aktiv dil sisteminin dərk olunan, yaradılan, ötürülən, qəbul
edilən və mənimsənilən bütün tərkib hissələri, eləcə də bu proses-
lərin reallaşmasını təmin edən beyin fəaliyyətləri eyni dil daşıyıcı-
larında bənzər və ya identik olmalıdır. Dil ilə bağlı istifadə edilən
ümumi və
aktiv sistem termininin əsl mahiyyəti məhz budur. Sistem
anlayışının sadəcə qrammatik formalarla,
yəni fonetik, morfoloji,
sintaktik vahidlər, formalar, qəliblər, normalar, qanunlar və qaydalar-
la məhdudlaşdırılması qəbuledilməzdir.
Qeyd etdiyimiz kimi, fonem, səs və hərflər, hecalar, ahəng
qanunu, sadə, düzəltmə və mürəkkəb sözlər, bütün qrammatik və
leksik-qrammatik şəkilcilər, qrammatik norma,
qayda və prinsiplər,
sabit söz birləşmələri, sərbəst söz birləşmələrinin və cümlələrin şab-
lon və qəlibləri, eləcə də bütün sintaktik norma, qayda və prinsiplər
müvafiq olaraq dilin fonetik, leksik, morfoloji, sintaktik səviyyəli dil
struktur vahidləridir. Bu vahidlərin eyni dil daşıyıcısı olan hər kəs
tərəfindən eyni şəkildə mənimsənilmiş olması və öz nitqini qurarkən
eyni tərzdə yaradılması vacibdir. Bunlar dilin vahid sistem kimi
fəaliyyət göstərməsinə təsir edən başlıca faktorlardır,
amma dilin
sistem olaraq sadəcə bunlardan ibarət olmasını düşünmək doğru
deyildir.
1
Щерба Л.В. Языковая система и речевая деятельность. Ленинград. Наука, 1974, с. 28.
272
§ 5.5. Dilin linqvopsixoloji sistem mahiyyəti
Dilin funksiyaları ilə bağlı K.Byülerin təlimini linqvistik prob-
lemlərin psixoloji cəhətdən həllinə cəhd kimi qiymətləndirən R.V.Pa-
zuxin
belə hesab edir ki, ”Dilin işlənmə səbəbini, ümumiyyətlə, onun
strukturunu, eləcə də məlumatın tərkibində olan hər bir dil elementi-
nin mahiyyətini aydınlaşdırmağa qadir olan yeganə funksiyası kom-
munikativlikdir”
1
. Bu tədqiqatında R.V.Pazuxin K.Byülerin dilin
funksiyaları nəzəriyyəsini, N.S.Trubetskoyun və R.Yakobsonun bəzi
müddəalarını tənqid hədəfi seçir. R.V.Pazuxinin monofunksionallaq-
la bağlı konsepsiyasının əsas müddəaları ondan ibarətdir ki, 1) dilin
tək bir funksiyası var və o da kommunikativlikdir, 2) bütün digər
funksiyalar ondan törəmədir
2
.
Dilin monofunksionallığı ilə bağlı fərqli bir fikrə Q.V.Kol-
şanskidə rast gəlinir. O, belə hesab edir ki, “Dilin bir əsas funksiyası
vardır – o, təfəkkürün gerçəkləşməsidir və ictimai hadisədir”. Hətta
Q.V.Kolşanskinın fikrincə, dilin bütün funksiyaları, o cümlədən eks-
pressiv (bunu müəllif dərketmə kimi qəbul edir) və kommunikativ
funksiyaları da bu funksiyanın içərisindədir
3
. A.S.Çikobava dilin bir
çox funksiyaları olduğunu qəbul etsə də, bütün bu funksiyaları vahid
bir ierarxiya daxilində yerləşdirməklə monofunksionallığa meyilini
nümayiş etdirir
4
. V.Hümboldt isə dili əmələ gətirən ehtiyaclarla bağlı
belə deyir: “Dil yalnız xarici ehtiyacdan, yəni ictimai əlaqə, ünsiyyət
ehtiyacından deyil, insanlığın daxili ehtiyaclarından yaranmışdır”
5
və
bununla da, dilin çoxfunksiyalılığının əsasını qoyur.
1
Пазухин Р.В. Учение К.Бюлера о функциях языка как попытка психологического
решения лингвистических проблем. – “Вопросы языкознания”, № 2, М.1963. с. 90-110.
2
Yenə orada, s. 103
3
Колшанский Г.В. Соотношения субъективных и объективных факторов в языке. М.
1975, с.44
4
Чикобава А.С. К вопросу о взаимоотношении мышления и речи в связи с ролью
коммуникативной функции – “Язык и мышление”, № 2, М. 1967, с. 18.
5
Гумбольдт В. О различии организмов человеческого языка и о влиянии этого
различия на умственное развитие человеческого рода. Введение во всеобщее
языкознание. Спб, 1859. с. 47.