M İ L L İ K İ T A B X A N A
____________________________________
211
büsü ilə Milli Məclis tərəfindən qəbul edilən amnistiya aktlarına əsasən,
minlərlə şəxsin bağışlanması respublikamızda insan hüquqları və
azadlıqlarının qorunması sahəsində ardıcıl həyata keçirilən hüquqi-humanist
tədbirlərin ifadəsidir. Bu faktı qeyd etmək lazımdır ki, Azərbaycan
prezidentinin təşəbbüsü ilə 1996-cı ildən başlayaraq ardıcıl olaraq hər il
amnistiya verilməsi artıq sistem halına düşmüşdür. Məsələn, 1996-cı il
mayın 22-də amnistiya qərarı ilə 8723 nəfər, 1997-ci il oktyabrın 17-də
3069, 1998-ci il mayın 12-də 7633, 1998-ci il dekabrın 29-da 4161, 1999-cu
il dekabrın 12-də 5367, 2001-ci il fevralın 2-də 2749 nəfər azad edilmişdir.
Ümumiyyətlə, 1996-cı ildən 2001-ci ilədək cəmi 31702 nəfər amnistiya
qərarı ilə həbsdən azad edilmişdir.
1
Müstəqil Azərbaycanın ilk Konstitusiyası qəbul edildikdən sonra dövlət
quruculuğu sahəsində yeni mərhələ başlanmışdır. Konstitusiya əsasında
hüquqi, demokratik və sivil dövlət quruculuğu sahəsində Azərbaycan dünya
standartları səviyyəsində inkişaf etməyə başlamış, böyük müvəffəqiyyətlər
qazanmışdı. Lakin Konstitusiyanın qəbul edilməsindən keçən 7 il ərzində
cəmiyyət həyatında xeyli dəyişikliklər baş vermişdi. Yeddi il əvvəl qəbul
edilən Konstitusiyanın yaradıcısı olan Heydər Əliyev özü respublikamızda
inkişaf, dəyişikliklər prosesini izləyərək dövlətimizin əsas qanununda
dəyişiklər edilməsinin zəruri olduğunu müəyyən etdi. Azərbaycan prezidenti
2002-ci ildə «Azərbaycan Respublikasının Konstitusiyasına dəyişikliklər
edilməsi haqqında» qərar qəbul etdi. Bu qərara əsasən Respublikamızda
2002-ci il avqustun 24-də referendum keçirildi. Referendum yüksək siyasi
fəallıq şəraitində keçdi. Referendumda respublika vətəndaşlarının 83 faizi
iştirak etdi. Onlarm 96 faizi Konstitusiyaya dəyişikliklərə səs verdi.
Konstitusiyaya təklif edilmiş dəyişikliklərin yüksək səviyyədə qəbul
edilməsi xalqın prezident ətrafında sıx birliyini bir daha nümayiş etdirdi.
Lakin həmişə olduğu kimi radikal müxalifət yenə də əsassız mövqeyini
büruzə verdi. Konstitusiyaya təklif edilən düzəlişlər mətbuatda geniş
müzakirə edildi. Radikal müxalifət əvvəldən, əsasən, üç düzəlişə qarşı açıq
şəkildə öz etirazını bildirdi. Bu etirazlar əsasən, 83-cü, 105-ci maddə-
1
Amnistiya qərarları ilə azad edilənlərin sayı Respublika Ədliyyə Nazirliyinin statistik məlumatından
götürülmüşdür
M İ L L İ K İ T A B X A N A
____________________________________
212
lərdəki və 130-cu maddənin üçüncü hissəsinin 7-ci bəndindəki
dəyişikliklərlə əlaqədar idi. Birinci düzəlişdə təklif edilirdi ki, Milli Məclisə
seçkilər proporsional sistemlə yox, ancaq majoritar sistem əsasında
keçirilsin.
Bu məsələdə dünya təcrübəsinə - ABŞ-da, Böyük Britaniyada, Kanadada
Avstraliyada və bir çox demokratik ölkələrdə də seçkilərin majoritar sistem
üzrə keçirilməsinə istinad olunurdu. Müxalifət partiyalarından «Müsavat»,
Milli İstiqlal, «Xalq Cəbhəsi» və «Demokrat» partiyaları öz fikirlərini
onunla əsaslandırmağa çalışırdılar ki, guya majoritar sistemə keçilməsi
çoxpartiyalı sistemə zərbə vuracaqdır. Onlarm bu fikirlərinin əsassız olduğu
mətbuat səhifələrində ciddi şəkildə təkzib olundu.
Müxalifətin ciddi narazı olduğu bir məsələ də 105-ci maddə ilə əlaqədar
idi. Bu düzəlişdə göstərilirdi ki, obyektiv səbəblərə görə prezident öz
səlahiyyətlərini yerinə yetirə bilmədikdə onun səlahiyyətləri parlamentin
sədrinə deyil, baş nazirə keçir. Bu düzəliş də dünya praktikasına, böyük
dövlətlərin təcrübəsinə əsaslanırdı. Məsələn, Rusiyada, Fransada və ABŞ-da
da belədir.
130-cu maddənin üçüncü hissəsinin 7-ci bəndindəki düzəlişdə isə mülki
məhkəmələr sisteminə siyasi partiyaları və qeyri-hökümət təşkilatlarını
buraxmaq hüququ verilirdi.
Ümumiyyətlə, 1995-ci il noyabrın 12-də qəbul edilmiş Azərbaycan
Respublikasının Konstitusiyasında referendum yolu ilə edilən dəyişikliklərə
ehtiyac olduğunu, bunların ölkəmizin tərəqqisi tələbindən irəli gəldiyini
dövlət başçısı Heydər Əliyev irəlicədən görürdü. Bu düzəlişlər həm də
demokratikləşmə, insan hüquqları və azadlıqlarının genişlənməsinə, siyasi
sistemin təkmilləşməsinə, konstitusiyamızın dünya standartlarına
uyğunlaşdırılmasına yönəldilmişdir.
Müstəqil Azərbaycanın ilk Konstitusiyası məhz Azərbaycan
Prezidentinin sədrliyi, ideya-təşkilat rəhbərliyi ilə hazırlanmış, həyata
keçirilmiş və Heydər Əliyev onun həqiqi və etibarlı qarantı olmuşdur.
Azərbaycanda dövlət quruculuğu Prezident Heydər Əliyevin başçılığı ilə
gündən-günə möhkəmlənmiş, inkişaf etmişdir.
M İ L L İ K İ T A B X A N A
____________________________________
213
VI FƏSİL
NEFT STRATEGİYASININ
HƏYATA KEÇİRİLMƏSİ.
AZƏRBAYCANIN DÜNYA BİRLİYİ
ÖLKƏLƏRİ İLƏ İNTEQRASİYASININ
DƏRİNLƏŞMƏSİ
Neft sənayesi Azərbaycan iqtisadiyyatının əsas sahəsidir. XIX əsrin
sonlarından başlayaraq Azərbaycanda neft sənayesi sürətlə inkişaf etməyə
başlamışdır. Bakı neft sənayesinə xarici kapitalın axını nəticəsində
Azərbaycanda iri neft şirkətləri yaranmışdır. Neft istehsalı və ticarəti bu
şirkətlərin və yerli neft sənayeçilərinin əlində cəmləşmişdi. Bakı Rusiya
imperiyasının əsas neft sənayesi mərkəzi idi. Azərbaycan nefti xarici
şirkətlər və yerli sahibkarlar tərəfindən istehsal edilirdi. Neft Azərbaycanın,
xüsusilə Bakının inkişafında mühüm rol oynasa da, xalq bu sərvətin sahibi
deyildi.
Sovet hakimiyyəti dövründə də Azərbaycan nefti SSRİ-nin əsas yanacaq
mənbəyi idi. Sovet hakimiyyəti dövründə Azərbaycan iqtisadiyyatı inkişaf
etdirilmiş, respublikamızda nəhəng sənaye potensialı yaradılmış, neft
sənayesi böyük tarixi inkişaf yolu keçmişdir.
Neft sənayesinin XIX əsrin sonundan başlayaraq Azərbaycanın iqtisadi
inkişafında böyük tarixi rolu olmuşdur.
Azərbaycanda neft sənayesi yalnız müstəqil Azərbaycan Respublikasının
yaranmasından sonra xalqın milli sərvətinə, malma çevrilmişdir. Neft
Azərbaycanın gələcək inkişafı üçün əsas, təməl, bünövrədir. Neft
sənayesinin inkişaf etdirilməsi Azərbaycan dövləti qarşısında duran ən
ümdə vəzifələrdəndir. Azərbaycan Respublikası Prezidenti Heydər Əliyev
1994-cü il sentyabrın 16-da keçirdiyi brifinqdə demişdi: «... biz indi də,
gələcəkdə də Azərbaycanın təbii sərvətlərindən, xüsusən, ən böyük təbii
sərvətimiz olan neft yataqlarından çox ehtiyatla, səriştəli istifadə olunmasına
çalışmalıyıq. Çalışmalıyıq ki, bu sərvətlərdən Azərbaycan xalqının bu günü
və gələcəyi üçün maksimum mənfəət götürək».
1
Heyder Əliyev bu vəzifələri irəli sürərkən respublikamızın neft sənayesi
tarixinə, neft sənayesində tarixi təcrübəyə əsaslanırdı. XIX əsrin sonu - XX
1
Heydər Əliyev. Neft müqaviləsinin imzalanmağa hazırlanması ilə bağlı brifinqdə bəyanat. 16 sentyabr 1994-cü
il. - Azərbaycan: Oktyabr 94 - Mart 95. Qəsd. Bakı, 1995, səh.13; Azərbaycan 1994. Milli dövlətçilik sınaq
qarşısında. II hissə. Bakı, 2002, səh.50
Dostları ilə paylaş: |