Magistrantların XVIII Respublika Elmi konfransı, 17-18 may 2018-ci il
107
əlaqədar olaraq ətraf mühitin zərərli amillərinin təsirindən bioloji növlərin, o cümlədən insanın mühafizə
edilməsi müasir elmin prioritet problemlərindəndir. Bioloji növlərin mühafizə etməyin konstruktiv
yollarından biri bitki mənşəli biokomplekslərin tətbiqidir. Çünki bu vasitələr hüceyrədaxili sistemlərə
nəzarət edərək orada baş verən proseslərin idarə olunmasına kömək göstərir.
Tədqiqat işimizdə məqsəd, Azərbaycana intraduksiya edilmiş kivi bitkisi meyvələrindən alınmış,
tərkibi bioloji aktiv maddələrlə zəngin ekstaktın mühit genotoksinlərinin təsirinə qarşı orqanizmlərin genetik
davamlılığının tənzimlənməsi yollarının öyrənilməsindən ibarətdir. Tədqiqat obyekti kimi baş soğanın
toxumlarından istifadə olunmuşdur. Mutagen amil kimi birbaşa mutagen təsir tipli mutagenlər sinifinə aid
olan kimyəvi birləşmə (NMSC) nitrozametilsidikcövhərinin 0,02 %-li qatılığından istifadə edilmişdir. Kivi
bitkisi meyvələrindən alınmış ekstraktlar təcrübə mühitinə NMSC-dən sonra daxil edilmiş, fiksasiyadan
sonra cücərmiş toxumların apikal meristem hüceyrələrində xromosom aberrasiyalarının tezliyi analiz
olunmuşdur. Nəticələrdən məlum olmuşdur ki, NMSC baş soğan toxumları apikal meristem hüceyrələrində
xromosom aberrasiyaları tezliyinin kontrol göstəricisini dəfələrlə yüksəltmişdir.Əgər kontrol variantda
xromosom aberrasiyaları tezliyi 2,51±0,56% olmuşdursa, NMSC-nin təsirindən sonra bu göstərici
9,73±1,02%-ə bərabər olmuşdur. Nəticədə göründüyü kimi NMSC-i xromosom aberrasiyaları tezliyini
təqribən 4 dəfə yüksəlməsinə səbəb olmuşdur.
NMSC-nin genotoksikliyi fonunda ali orqanizmlər üzərində aparılmış təcrübələrlə kivi bitkisi
meyvələrindən alınmış ekstraktların yüksək genmühafizəedici xüsusiyyətə malik olduğu aşkar edilmiş və
daha effektiv qatılığı müəyyən olunmuşdur. Tədqiq olunan preparat ekoloji və yaş riskli qruplar üçün xüsusi
qida məhsullarının hazırlanması zamanı tətbiq oluna bilər.
LƏNKƏRAN BÖLGƏSĠNDƏ BĠTƏN BĠR SIRA QEYRĠ ƏNƏNƏVĠ BĠTKĠLƏRĠN EKOLOJĠ
DAVAMLILIĞININ QĠYMƏTLƏNDĠRĠLMƏSĠ
Aslanlı A.R.
Lənkəran Dövlət Universiteti
Müasir dövrdə bioloji növləri əhatə edən yaşayış mühitin təbii və əsasəndə antropogen amillərlə
çırklənməsi bioloji növlərın hamsı ilə bərabər bitkilərin normal həyat fəaliyyətinə mənfi təsir göstərərək
onların müxtəlif növlərinin ayrı-ayrı lokal populyasiyalarında mutasiya yükünün artmasına gətirib çıxarır.
Bunun nəticəsındə, yüksək heteroziqotluğa malik qiymətli bitki növlərinin təbii landşaftdan tədricən itməsi,
bütövlükdə bitki genetik ehtiyyatların tükənməsi-genetik erroziya baş verir. Müasir dövrdə müxtəlif ixtisaslı
alımlərın qarşısında duran əsas vəzifələrdən biri baş verən genetik erroziyanın qarşısının alınması yollarını
işləyib hazırlamaqdan ibarətdir. Bunun üçün bir sıra tədbirlərin həyata keçirilməsi zəruridir ki, belə
tədbirlərdən biri bioloji növlərin, o cümlədən bitki biomüxtəlifliyinin vəziyyətinə sistematik nəzarəti tələb
edir. Bu nəzarəti monitorinq sisteminin-müşahidə, qiymətləndirmə və proqnoz sisteminin köməyi ilə həyata
keçirmək mümkündür.
Bu istiqamətdə aparılan araşdırmaların təhlili göstərir ki, problemin həllinə düzgün yanaşma və müasir
dəqiq metodların köməyi ilə aparılmış ekoloji-genetik monitorinq ekosistemlərin vəziyyəti, onların
dəyişkənlik dinamikası, bitkilərin mövcud olduğu şəraitə qarşı adaptasiya imkanları haqqında mülahizə
yürütməyə və biomüxtəlifliyin vəziyyəti haqqında proqnoz verməyə imkan verir.
Yuxarıda qeyd edilənləri nəzərə alaraq bizim tədqiqatların məqsədi müxtəlif qeyri-ənənəvi bitkilərinin
ayrı-ayrı lokal populyasiyalarından götürülmüş nümunələrdə davamlılığın və müxtəlif mühit amillərinə qarşı
genomun cavab reaksiyasının səviyyəsini öyrənməkdən ibarətdir.Tədqiqatı aparmaq üçün Lənkəran rayonun
yüksəkliyinə və digər xüsusiyyətlərinə görə fərqlənən zonaları müəyyən edilmişdir və həmin ərazilərdən
metodik qaydalara uyğun olaraq qeyri-ənənəvi bitkilərin nümunələri toplanmışdır.
Toplanmış ərazilərdən götürülmüş bitkilərdə vəcələ, dağ keşnişi, yabanı nanə bitkilərində xromosom
aberrasiyalarının tezliyi öyrənilmişdir. Məlum olmuşdur ki, bir bitkidə statistik ehtimallı yüksək qiymətlə
yüksək olmuşdur. Digər bitkilərdə bu fərqin cüzi olması yəni, statistik ehtimalı olmaması təcrübə nəticələri
ilə bağlıdır.
Vəcələ bitkisində xromosom aberrasiyalarının tezliyinin yüksəlməsi onun adaptasiya sistemləri ilə
bağlı ola bilər. Əslində aparılan müşahidələr göstərir ki, bu bitkilərin yayılma arealında ciddi azalma
müşahidə olunmur. Arealın nisbətən azalması yalnız antropogen amillərlə bağlıdır. Lakin, xromosom
Magistrantların XVIII Respublika Elmi konfransı, 17-18 may 2018-ci il
108
aberrasiyalarında baş verən bu dəyişiklik yəni onun tezliyinin yüksəlməsi bu bitkidə adaptasiya imkanlarının
nisbətən azalmasını göstərir.
Digər iki bitkidə isə bu hal müşahidə olunmur və xromosom aberrasiyalarının tezliyində olunan bu
fərq təcrübə xətaları çərçivəsindədir. bu nəticələr güman etməyə əsas verirki, hər iki bitkinin xüsusi mühafizə
olunan ərazilərdə yəni, hələlik həm antropogen amillərin təsirinə ciddi məruz qalmaması, həm də adaptasiya
imkanlarının tükənməməsi haqqında mülahizə irəli sürək.
BĠOLOGĠYANIN TƏDRĠSĠNDƏ ANLAYIġLAR VƏ ONLARIN ÖYRƏDĠLMƏSĠNĠN
ƏHƏMĠYYƏTĠ
Babazadə P.B.
Azərbaycan Dövlət Pedoqoji Universiteti
Müasir elmdə otuza qədər anlayışların mənası məlumdur. Anlayışlar cisim və hadisələrin mühüm
əlamətləri tərəfindən əks olunan düşüncədir; ətraf reallığın cisim və hadisələrini mühüm xüsusiyyətləri haqda
bilikdir; reallığın əks olunması vasitəsidir; mühüm əlamətlərə görə hadisə və ya cisimlərin
ümumiləşdirilməsi nəticəsini ifadə edən fikirdir.Anlayışların məntiqi quruluşu onun məzmunu və həcmini
özündə birləşdirir. Anlayışların məzmunu altında cisimlərin anlayışlarda əks olunan əsas əlamətləri nəzərdə
tutulur. Anlayışların həcmi-cisimlərin anlayışlarda nəzərdə tutulan əlamətlərin toplusudur. Həcm və
məzmundan başqa anlayışların daha bir xarakteristikası müəyyən edilir ki, bu da pedaqogika üçün çox
vacibdir-bu mövcud anlayışın digər anlayışlar ilə əlaqəsi və münasibətidir (3).
Elmdə sadə və mürəkkəb cins və növ, nəzəri və empirik anlayışlar müəyyən olunur. Mürəkkəb
anlayışlar elə anlayışlardır ki, onların formalaşması orta məktəbdə biologiyanın bütün tədrisi mövzu boyunca
davam edir. Növ anlayışı-cins anlayşının bir hissəsidir. Müəyyən cins anlayışına bir neçə növ anlayışları
uyğundur. Məsələn, “enliyarpaqlı ağaclar”-növ anlayışı olub özündə bir çox növ anlayışını birləşdirir-palıd,
çökə, söyüd və s. (2).
Dərketmə səviyyələrinə uyğun olaraq, empirik və nəzəri anlayışlar (və biliklər) müəyyən olunur.
Empirik analyışlar-cisim və hadisələr haqqında biliklərdir, onlar formal məntiq metodlarının (müqayisə,
analiz, sintez, ümumiləşdirmə, konkretləşdirmə, abstraklaşdırma) işlənməsinə məruz qalmaqla, hissi təcrübə
əsasında formalaşırlar. Empirik biliklər hadisələrin əks olunmasıdır. Onun əsas məzmunu müşahidə üçün
mümkün olan əlamətlər təşkil edir. Empirik biliklərdə faktlar bir-birinin ardınca vacib əsaslandırma olmadan
davam edir, onların yerini dəyişmək mümkündür. Empirik biliklər və qeyri-elmi ola bilər. Empirik biliklərin
vahidi-fənnin ayrı-ayrı hissələri haqqında biliklər kimi faktlar təşkil edir; fakt isə fənnin birtərəfli əks
olunmasıdır.
Nəzəri biliklər-elmin qanunları və onların tərkibinə daxil olan abstrakt anlayışlar formasında təmsil
olunur. Onun quruluşu incə və məntiqlidir, daxili əsaslandırılmışdır, kateqoriyaların yerini dəyişmək olmur.
Nəzəri anlayışlar ya abstrakt ola bilər, cismin mahiyyətinin son mahiyyətini ifadə edə bilər və ya
konkret-nəzəri anlayış ola bilər. Nəzəri anlayışlara ideyalar, nəzəriyyələr, qanunlar, qanunauyğunluqlar
daxildir. Orta məktəbdə biologiya fənninin tədrisində elə bir anlayışlar yoxdur ki, onların məzmunu fənnin
bütün tədris dövründə uzun illər boyu dəyişilməmiş qalsın. Empirik anlayışlar köməkçi rol oynayaraq, nəzəri
biliklərin konkretləşməsinə kömək edir. Empirik anlayışlar həm induktiv, həm də deduktiv yolla
formalaşdırıla bilər. Nəzəri anlayışların inkişafının yeganə mümkün yolu-abstraktlıqdan konkretliyə
doğrudur (1).
Biologiyanın tədrisi metodikasında bir neçə anlayış növləri müəyyən olunmuşdur. Həcmdən asılı
olaraq sadə və mürəkkəb anlayışlar müəyyən edilir. Sadə anlayışlara elementar, ilkin, bir bilik elementini
müəyyən edən kimi baxılır. Məsələn, yarpağın forması, yarpağın rəngi kimi anlayışlar. Mürəkkəb anlayışlar
daha çox ümumiləşmiş olub, bir çox sadə anlayışları özündə birləşdirir. Məsələn, mürəkkəb “yarpaq”
anlayışı özündə bir çox anatomik, morfoloji, fizioloji, ekoloji və digər anlayışları özündə birləşdirir.
Elmlərin əsasına görə anatomik, fizioloji, morfoloji, ekoloji, sistematik, filogenetik, sitoloji,
embrioloji, genetik, aqronomik, gigiyenik, tibbi və s. anlayışlar müəyyən edilir, formalaşma zamanından asılı
olaraq lokal (bir mövzu və ya dərs çərçivəsində açıqlanan, məsələn immunitet) xüsusi və ümumbioloji
anlayışlar müəyyən edilir.