Mahirə Nağı qızı, Çapar Kazımlı
______________________
52
bəhrələnmişsə, onu da yazıçı və folklor problemi kimi düşün-
mək olar. Hər halda romantizm və folklor problemi bədii me-
tod və folklor problemidir və bunun da kifayət qədər özünə-
məxsus cəhətləri vardır”.
Məlimdur ki, XX əsr Azərbaycan romantiklərinin əsərlə-
rində folklora da geniş yer verilmiş, nəğmə və şərqilərin tərbi-
yəvi əhəmiyyətindən bəhs edilmiş, xalq ədəbiyyatının müəyyən
cəhətləri təhlil olunmuşdur. Prof. K. Əliyev romantiklərdən A.
Şaiqin, A. Səhhətin, H. Cavidin, M. Hadinin məqalə və kitabla-
rındakı el ədəbiyyatına dair mülahizələrini diqqətlə izləmiş, de-
mək olar ki, hamısını nəzərdən keçirmiş, faktları ümumiləş-
dirmiş, təhlil etmiş, xüsusilə tarixi mədəniyyət qatına metodo-
loji münasibətini şəffaf şəkildə üzə çıxara bilmişdir.
Konkret olaraq romantikləri folklorun hansı məsələləri
düşündürmüşdür ? Bu sualı müəllifin özü belə cavablandırır:
“Ədəbi növlər, o cümlədən folklor yaradıcılığında özünə geniş
yer tutan və yayılma coğrafiyası daha çox olan lirik növün,
romantiklərin özlərinin dediyi kimi, lirik el janrlarının yaran-
ması, bununla bilavasitə bağlı olan xalq şeiri üslubunun təşək-
külü, formalaşması və yazılı ədəbiyyata keçmək imkanları,
eyni zamanda ayrı-ayrı janrların poetika xüsusiyyətləri, ideya-
sənətkarlıq cəhətləri, romantiklərin özlərinin yazıçı və folklor
probleminə münasibəti, şifahi xalq ədəbiyyatı nümunələrinin
yaranması və cilalanıb formalaşması, onların müəlliflik məsə-
ləsi kimi ciddi əhəmiyyət daşıyan problemlər əsas diqqət mər-
kəzlərində olmuş, romantiklərin folklora dair tədqiqatlarının
ağırlıq mərkəzini təşkil etmişdir. Hər halda bu məsələlərin
izahı və şərhi qeyd-şərtsiz olaraq folklorşünaslıq tariximizin
müəyyən səhifələrini təşkil edir və birbaşa folklora dair tədqi-
qatlarla məşğul olan mütəxəssislərin mülahizələrindən heç də
geri qalmır.
Geniş erudik biliyə və savada yiyələnmiş prof. K. Əliyev
bu monoqrafiyasında XX əsr Azərbaycan romantikləri-H. Ca-
vidin, M. Hadinin, A. Şaiqin və A. Səhhətin folklor nümunələ-
____________________ ƏdəbiyyatĢünaslığa xidmət əzmi ilə
53
rindən bəhrələnmələrini də ayrıca olaraq tədqiqata cəlb etmiş-
dir. Alim bu fikri qətiyyətlə qeyd edir ki, hər hansı bir sənət-
karın folklor irsindən qidalanması onun dövründən, həyat haq-
qında düşüncələrindən nə qədər asılıdırsa, bir o qədər, bəlkə,
ondan da bir az artıq dərəcədə mənsub olduğu yaradıcılıq me-
todundan asılıdır. Ona görə də Azərbaycan romantiklərinin da-
ha çox əsatir və əfsanələrə, dini rəvayətlərə müraciət etmələrinə
təsadüf kimi baxmaq olmaz. Bu müraciətlər həmin sənətkar-
ların birbaşa məslək və ideyaları ilə bağlıdır. Öz hərəkətlərini
uzaqlarda, ənginliklərdə axtaran, ümidini xoşbəxt gələcəyə
bağlayan romantiklərin əfsanə və əsatirlərə istinadı təbii və
qanunauyğundur. Bunu şərtləndirən başlıca amil romantik
bədii düşüncə ilə əfsanə və əsatirlərdəki düşüncə arasındakı
bağlılıq və üzvi yaxınlıqdır. Eyni zamanda romantiklər xalq
dramlarına müraciət edib onlarda olan ən qabarıq tərəfləri öz
yaradıcılıqlarına gətirirlərsə, bu, onların xalq təfəkkürü ilə nə
qədər yaxından əlaqədar olduqlarına ciddi işarədir. Beləliklə,
romantiklərin folklorla bağlılıqlarını keçmişə qayıdış-keçmişi
idealızə təyin etmir. Folklora istinad öz istədiklərini həyatda
görə bilməyən və tapmaqda çətinlik çəkən romantiklər üçün
xoş gələcək axtarışlarının təkanı idi.
Biz əsəri oxuduqca belə düşünürük ki, uzun müddət filo-
logiyamızda bu sahədə mövcud olan müəyyən təsəvvürlərimizi
prof. K. Əliyev yeniləşdirir, təzələyir.
Azərbaycan romantizminin folklor qaynaqları bu roman-
tizmin milli keyfiyyətini və milli müəyyənliyini təyin edən əsas
fakt və amillərdir. Görkəmli alim bu məsələni də monoqrafi-
yada xüsusi şəkildə qabardaraq yazır ki, uzun müddət Azər-
baycan romantiklərini milli kökdən, milli həyatdan məhrum
olmaqda ittiham etmişlər. Həmçinin bu ittihamlar yalnız ədəbi
xarakter daşımamış, eyni zamanda siyasi məzmun аlaraq H.
Cavid kimi görkəmli sənətkarın repressiyası ilə nəticələnmiş-
dir. Romantiklərin folklorla sıx-sıx əlaqələri və romantizm nü-
munələrinin üzdə deyil, alt qatda olan folklor layları roman-
Mahirə Nağı qızı, Çapar Kazımlı
______________________
54
tizmə yönələn həmin ittihamları keçmişdə də, bu gün də tama-
milə rədd edir.
Azərbaycan ədəbiyyatşünasları içərisində öncül olaraq
prof. K.Əliyev monoqrafiyada filoloji təfəkkürümüzü zəngin-
ləşdirmək məqsədi ilə diqqətimizi indiyə qədər xüsusi tədqiq
olunmayan folklor və romantik qəhrəman probleminə yönəldir.
Alim tutarlı faktlarla sübut edir ki, folklor qəhrəmanları ilə
romantik qəhrəmanlar arasında ciddi bir oxşarlıq və yaxınlıq
vardır. Bu yaxınlıq dastan qəhrəmanları ilə dramaturgiyanın
romantik qəhrəmanlarına aid müstəvidə daha aydın və şəffaf,
daha real və daha məntiqi görünür. Həmin müstəvinin hər iki
istiqamətində mövcud olan qəhrəmanların adlarının sərlöhvə-
lərə çıxarılması, mütəmadi olaraq və sürətli şəkildə məkan
dəyişmələri maneə və sədlərin bir göz qırpımında dəf edilməsi
buna əyani sübutdur.
Eyni zamanda Mələk, İblis və Dərviş kimi mifoloji obraz-
lar folklordan romantizmə gələrək romantik bədii fikrə yeni-
yeni çalarlar gətirmiş, onun obrazlar sisteminin rəngarəngliyinə
şərait yaratmış, romantizm ədəbi cərəyanını realizm ədəbi
cərəyanından, romantik sənətkarların yaradıcılıq irsini realist
sənətkarların yaradıcılıq irsindən fərqləndirən poetika əlamət-
ləri kimi özünü göstərmişdir.
Prof. K.Əliyev monoqrafiyada bu problemlərlə bağlı mü-
şahidə etdiyi çatışmazlıqları və məlum faktlara münasibətlər-
dəki yanlışlıqları da üzə çıxarmış, kobud səhvləri islah və təsis
edə bilmişdir. Alim doğru olaraq göstərir ki, bir çox araşdı-
rıcılar tərəfindən uzun müddət kobud səhv olaraq, əlahiddə bir
yaradıcılıq cərəyanı kimi yozulan romantizm ədəbi-tarixi
ənənədən, öz milli köklərindən heç vaxt ayrı düşməmişdir. Hət-
ta həmin tədqiqatçılar imkan daxilində romantizmi ümumi
ədəbi prosesedən ayırmağa və təkləməyə cəhd göstərmiş və
bəzi hallarda buna nail olmuşlar. Onlar bir xeyli müddət XX
əsr Azərbaycan romantizminə “mürtəce” damğası vurmaqdan,
onu Azərbaycan ədəbiyyatı tarixinin yad səhifəsi elan etmək-
Dostları ilə paylaş: |