176
neçə əsrlik mədəniyyətə etinasız yanaşmaq olardı. Ş.İ.Xətainin,
daha ardıcıl şəkildə M.V.Vidadinin təcrübəsi kara gəldi, - bu
təcrübələri
ədəbi-estetik
fikrin
təkamülü
yetişdirirdi:
sintezləşdirməyə cəhd edildi. Laikn sintezləşmə prosesini
ədəbi-bədii təfəkkürün daha dərin qatlarında yerləşən təkamül
meyli istiqamətləndirirdi; qoşma normativləşdi, aparıcı janr
kimi irəli çıxdı, əsl sintezləşmə isə XVIII əsrdə yox, XX əsrin
əvvəllərində getməyə başladı: qəzəl standartları ilə qoşma
standartları xüsusən S.Vurğunun yaradıcılığı təcrübəsində üzvü
şəkildə qovuşdu, beləliklə yeni janr keyfiyyəti yarandı” (24,
140). Fikrimizcə, “dövrün poetik gərdişi” bütün ictimai, siyasi,
mədəni mühitdə olanlar səviyyəsində yeniləşməni bir zərurət
kimi qoyurdu, artıq qoca dünyanın qoca məfkurəsi milli
intibahın, yaddaş arxetiplərinin hərəkətini və aparıcı xəttə
çıxmasını qaçılmaz edirdi. “Vaqifin qüvvətli şairliyi” bu
missiyanın bayraqdarı kimi, Ş.İ.Xətai və M.V.Vidadi ilə
yanaşı, Qurbani, Abbas Tufarqanlı, Sarı Aşıq, Lələ,
Qaracaoğlan, daha doğrusu, Dədə Qorquddan üzü bəri olanlar
“kara gəldi”. Burada əlbəttə “Koroğlu”, “Abbas və Gülgəz”,
“Tahir və Zöhrə”, “Qurbani”, “Aşıq Qərib” və s. kimi
şedevrləri də artırmaq lazımdır. Bunlardan Vaqifə və Vaqifdən
S.Vurğuna gedən yol isə bütün əzəmətilə bədii düşüncənin
kamillik faktına çevrildi. S.Vurğun bu möhtəşəmlikdən günəş
kimi doğdu; “Vaqif, ey şeirimin könül dastanı” da məhz ona,
milli yaddaşa ehtiramın hadisəsidi, bir növ dərk və etirafdır.
N.Cəfərovun təhlillərində məsələyə geniş müstəvidə baxılması
və bütünlükdə dövrə hesablanması doğru bir qənaətin, “eyni
dərəcədə də klassik janrlardan imtina da edə bilməzdi”
məsələsi ilə bağlıdır. Vaqifin böyüklüyü, böyük şair istedadı
klassik ədəbiyyat kontekstində islahatlara yol açması və
177
qəzəlin mövzu dairəsində formalaşmış düşüncəni yeni məcraya
yönəltməsidir. Dövrümüzə gəlib çatan on doqquz qəzəlin
üzərində apardığımız müşahidələr şairin klassik üsluba
biganəliyini ortaya qoymur, eləcə də digər klassik şeir şəklində
yazdığı bədii nümunələrdə də bu bir tərəf kimi görünür.
Məsələyə Füzulidən Vaqifə, Saib Təbrizidən Vaqifə gələnlər
prizmasından yanaşdıqda əksinə başqa halların şahidi oluruq.
Bunların hamısı Vaqif böyüklüyünə, istedadının möhtəşəm-
liyinə bağlanır. Məsələn, Vaqifin Vidadiyə müraciətlə yazdığı
“Düşər” rədifli qəzəlinə diqqət yetirək. Mirzə Yusif Qarabaği
bu qəzəli “Vaqifin Vidadiyə qocalıq vaxtı yazdığıdır” başlığı
ilə verir.
Afəti-dəhr dəyər ol kəsə kim, kamildir,
Mah hər gün ki, kəmalə yetə, nöqsanə düşər.
Mərd igidlər özünə məhbəsi meydan bilir,
Sanma ki, nakəsü namərd bu meydana düşər. (62, 98)
M.P.Vaqif şeiri ədəbi-estetik fikrin təkamülü və məzmun
əhatəliliyinin sxemlərində də dinamika ilə xarakterizə olunur.
O, klassik üslubun qəzəl sərhədlərində formal komponentlərin
məzmun yaratmada fəal mövqeyini nümayiş etdirdi. Bu
nümayiş bir tərəfdən müasirlərinə müraciətlə yazdıqlarında,
dövrün problemlərinə münasibəti ortaya qoymada göründüsə,
digər müstəvidə janrın özünün bir forma olaraq siyasi məzmun
ifadəsi ilə bağlanırdı. Vaqif bu məsələdə Vidadi ilə təbii
həmfikir olurdu və Vidadinin cavabında da bu görünür.
Söhbəti-nakəsü namərd həmin söhbət imiş,
Dut ki bir mərd ətəgi dövləti-xaqanə dəgər.
178
Mən ki meydani-bəla içrə sərim top edərəm,
Ta düşər əldən-ələ, axırı çovkanə dəgər. (62, 99)
Göründüyü kimi, bu nümunədə məzmun Vaqifin
həyatının son dövründə baş verənlərinə bağlanır və bədii
düşüncədə qəlibləşmiş “Vaqifin son şeirləri” sırasında nəzərə
çarpır. Düzdür, burada təsvirlər bütün çılpaqlığı ilə həmin
vəziyyətin ifadəsinə yönəlməsə də, lakin verdiyimiz misralar
bizə əsas verir ki, bu ümumi məzmunu, ruhu etibarilə yaşadığı
ağır anların ifadəsinə həsr olunmuşdur qənaətinə gələk.
Ədəbiyyatşünasların bir qismi bunu Vaqifin Qarabağ
xanlığında hələ əvvəllər bir müddət həbsxanada yatması ilə
əlaqələndirirlər. Səbəb isə Vaqifin Şəki xanı Hüseyn xan
Müştaqla yaxınlığı olmuşdur. Müəyyən müddətdən sonra Vaqif
həbsdən azad olmuşdur. Hadisə Qarabağ xanlığında baş
vermişdir. Şeirin ümumi ruhu, mətn informasıyisa da bunu
deməyə əsas verir. Vidadi də məhz öz yaxın həmkarının
dedikləri müqabilində baş verənlərə münasibətini bildirmiş, bir
növ vəziyyəti saf-çürük etmişlər. “Afəti-dəhr dəyər ol kəsə
kim, kamildir” misrası, eləcə də “mah hər gün ki, kəmalə yetə,
nöqsanə düşər” misrasını Vaqif düşdüyü vəziyyət timsalında
olanları bədii mətnə gətirir. Son olaraq “mərd igidlər özünə
məhbəsi meydan bilir” misrası onun məhbəs anlarını işarələyir.
H.Araslı yazır: “Vidadinin həbsdən olduğu zaman Vaqifin
yazdığı bir şeirdən Vaqifin də bir mərd ucundan zindana
düşdüyü və çox əziyyət çəkdiyi aydın olur.
Sən ki, bir mərdin ucundan nə cəfa çəkdin isə,
Vəsli-didari onun rəhməti-qufranə dəyər.
179
Bu beyt ehtimal ki, Vaqifin Muştaq ilə dostluğu ucundan
İbrahim xanın qəzəbinə uğraması ilə əlaqədardır.
Bunu Zakirin “Kürk” rədifli şeirindən də müəyyən-
ləşdirmək mümkündür. Həmin şeirdə Zakir kürk göndərməyin
xahiş edir və əsərin sonlarına yaxın yazır ki:
Görmədinmi necə ol şirin şəkkər xəndənin,
Eylədi yanında acı binəva Mollanı kürk.
Burada Zakir Molla deyə Vaqifi nəzərdə tutur” (6, 273).
Bunlar dövrün ümumi mənzərəsində olanların bir
hissəsidir və sırf reallığı işarələyir. Vaqif real həyat hadisələri
üzərində köklənən rəngsiz, boyasız olmaqla bərabər, istedadı
ilə əlçatmazlıqda dayanan şairdir. Onun təbii olanın ifadəsinə
köklənmiş bədii düşüncəsinin estetik qatları bütün
vəziyyətlərdə formanın təkamülü ilə şərtlənir. Bu təkamüldə
böyük sənətkar mövcud forma daxilində elə hərəkət edir ki,
onun məzmun çalarları bədii normanın mahiyyətini şərtləndirir.
Vaqifin bu qəzəlini burada verməyimiz bir məsələ ilə
bağlıdır və bu da ustad sənətkarların, demək olar, böyük bir
qismi bu və ya digər şəkildə klassik formadan (klassik şeir
şəkillərindən) bəhrələnmişlər. Bunu ayrı-ayrı ustad sənətkar-
ların yaradıcılığından cüng vasitəsi ilə gələnlər də göstərir.
Qurbaninin, Abbas Tufarqanlının, Xəstə Qasımın, Aşıq
Valehin və başqalarının yaradıcılığı buna nümunədir. H.Araslı
da öz araşdırmalarında bu məsələyə diqqət yetirmişdir. Lakin
böyük əksəriyyət şifahi yaddaşda uzun müddət qala bilməmiş
və unudularaq sıradan çıxmışdır. Bütün ustadlar kimi Vaqif də
qoşmadan klassik ənənədə yazıb yaratmaya gəlib çıxmışdır.
Çünki “Vaqif aşıqların içində böyüyüb. Kiçik yaşlarından onun
sinəsi el sözləri, aşıq dastan və qoşmaları ilə dolmuşdu. Ona
Dostları ilə paylaş: |