Mavzu: Jahon moliyaviy iqtisodiy inqirozi davrida bank kapitali va uning samaradorligini oshirish yo’llari

Mavzu yuzasidan olib borilgan ilmiy izlanishlarga qisqacha tasnif.
Banklarning 
faoliyatining nazariy – uslubiy asoslari, amal qilish qonuniyatlari va xususiyatlari 
ko‘pgina xorijiy va mamlakatimiz olimlari tomonidan o‘rganilgan. Xorijiy
iqtisodchilarning ushbu yo‘nalishdagi tadqiqotlari jumlasiga E.Naumen, P.Rouz, 
J.Sinki, K.Falbi, G.Minsbergi, M.Porter, F.Fordlarning ilmiy ishlarini kiritishimiz 

---

mumkin. Shuningdek, rus iqtisodchilari L.Krasavina, A.Jukov, Ye.Jukov, O.Lavrushin, 
Ya. Mirkin va boshqalar tomonidan bank kapitali sohasidagi muammolar va ularni 
bartaraf qilish masalalari ko‘rib chiqilgan. O‘zbekistonlik iqtisodchi – olimlar va 
mutaxassislar F.Mullajonov, Sh.Abdullayeva, Yo.Abdullayev, M.Angelidi, T.Malikov, 
T.Qoraliyev, O.Iminov, T.Ten, A.Qodirov va boshqalarning ilmiy izlanishlarida bank
faoliyati asoslari hamda amaliyoti keng yoritilgan.
Bitiruv – malakaviy ishning kafedra ilmiy tadqiqot ishlar rejalari bilan 
bog‘liqligi.
Bitiruv – malakaviy ish mavzusi hamda olib borilgan tadqiqot «Bank va 
jamg‘arma ishlari» kafedrasining ilmiy – tadqiqot ishlari rejasi bilan mos keladi.
Bitiruv – malakaviy ishning maqsadi.
DAT “Xalq banki” Samarqand viloyat 
boshqarmasi tomonidan amalga oshirilayotgan kapitallashuv darajasini tahlil qilish, 
2009-2012 yillarga mo‘ljallab qabul qilingan Inqirozga qarshi choralar dasturi doirasida 
bank tomonidan amalga oshirilgan ishlarni o‘rganish asosida bankning kapitallashuv 
darajasini takomillashtirish imkoniyatlarini aniqlash. 
Bitiruv – malakaviy ishning vazifalari.
Belgilangan maqsadga erishish uchun 
quyidagi vazifalar belgilab olindi va hal qilindi: 
- tijorat banklari kapitalini va metodologik asoslarini tadqiq qilish; 
- tijorat banklari kapitali asosiy elementlarini tahlil qilish; 
- bankda kapitallashuv darajasi amaliyotini olib borilishi holati va unga ta’sir 
etuvchi omillarni o‘rganish; 
- bankning kapitallashuv darajasini takomillashtirish yuzasidan taklif va tavsiyalar 
ishlab chiqish; 
- mehnat xavfsizligini ta’minlash masalalari yuzasidan takliflar ishlab chiqish.