Enlik zonallığı.
Enlik zonallığı bitki tiplərinin şimalda Arktika səhralarından başlayaraq, cənubda
rütubətli subtropik meşələrə qədər qanunauyğun dəyişilməsindən ibarətdir.
Arktika səhraları. Onlar Arktikanın şimal ucqarında yayılmışdır. Şibyə, mamır,
yosun və biraz da çiçəkli bitki növündən ibarət Arktika səhrasının adda-budda yayılan
bitki örtüyü torpaq səthinin 50-60%-dən azını örtür.
Tundra. Bitki örtüyündə mamır, şibyə, xırda kolcuq və kolluqlar aparıcı rola
malikdir. Tundra bitkilərinin əksəriyyəti çoxillikdir və həmişəyaşıldır. Tundrada bitki
örtüyünün zənginliyi və mürəkkəbliyi şimaldan cənuba doğru getdikcə dəyişir.
Şimalda Arktika tundrası yerləşir. Burada seyrək şibyəli otlu-mamır və kolcuqlar
qrupu cilli-otlu bataqlıqlarla növbələşir.
Arktik tundra mamırlı, yosunlu və kolcuqlu qruplaşmalardan ibarət tipik tundraya
keçir və Kolımadan şərqə topaşəkilli tüklü ağcaqovaqlı tundraya qarışır.
Tundra zonasının cənubunda kollu tundra üstünlük təşkil edir. Onun başlıca
kompanenti tozağacı və söyüdlərin alçaqboylu növləridir.
Meşə-tundra. Tundra və meşə bitki tipi arasındakı sərhəd zolağında yerləşir. Burada
həm meşə, həm də tundra bitkilərinə rast gəlinir. Meşələr meşə-tundradan çox
yeknəsək, işıqlı və seyrək olması ilə fərqlənir. Yerə yatmış alçaq ağaclar bir-birindən
uzaq məsafədədir.
Tayqa və qarışıq meşələr. Meşələr MDB-də ən çox yayılmış bitki tipidir. Meşələr
ölkə ərazisinin 35.6 %-ni tutur. Meşələrdə 570 ağac və 1050-dən artıq kol növü
vardır. 78 % iynəyarpaqlı meşələrdir. Meşə sahəsinin 2/5 hissəsini (38%) qaraşam,
16 %-ni isə küknar meşəliyi tutur.
Tayqa. Burada iynəyarpaqlı meşələr hakimdir: küknar, şam və qaraşam. Tayqada ən
geniş yayılan qaraşam meşələridir. Şamağacı meşələrində ağacların düz gövdələri gün
düşəndə bürünc sütunlara oxşayır. Tayqada iynəyarpaqlı növlərə xırdayarpaqlı
növlərdən əsasən tozağacı və ağcaqovaq qarışır. Rusiya düzənliyinin cənub hissəsində
və Qərbi Sibir tayqasında ancaq tozağacı və ağcaqovaqdan ibarət böyük meşə
massivlərinə təsadüf olunur.
Qarışıq meşələr. Tayqadan cənuba Rusiya düzənliyində qarışıq (enliyarpaq və
iynəyarpaq) meşələr zonası başlanır. Burada iynəyarpaqlı və xırdayarpaqlı növlərə
behruzmelikov.com
behruzmelikov.com
enliyarpaq növlərdən palıd, cökə, itiyarpaqlı ağcaqayın, göyrüş, qarağac, vələs və s.
əlavə olunur. Bütün bu növlər qərb mənşəlidir və onların yayılma zonasının şərq
sərhədi Rusiya düzənliyində yerləşir. Qərb enliyarpaq növlərindən bircə cökə Ural
sıra dağlarından şərqə keçir.
İynəyarpaqlı tayqadan fərqli olaraq, enliyarpaqlı meşələr çoxmərtəbəlidir. Adətən
ən yuxarı mərtəbə palıd, göyrüş, cökə çətirlərindən ibarətdir. Onlardan aşağıda palıdın
başqa ağac peykləri, sonra isə fındıq və ziyilli gərməşov ağaclarının kolaoxşar
pöhrəlikləri və ağtikan kolluqları, ən aşağıda isə ot bitkilərindən ibarət örtük gəlir.
Meşə-çöl. MDB-də meşə-çöl bitki tipi böyük sahə tutur. Bu tip kontinental iqlimli
materikdaxili rayonlar üçün səciyyəvi olduğundan Avropada Macarıstan
puştalarından qərbə keçmir. Meşə-çöl Karpat dağlarından tutmuş Altaya qədər bütöv
zolaq kimi uzanır, Altaydan şərqdə isə ayrıca adalar şəklində rast gəlinir.
MDB ərazisində bu zona meşələrinin tərkibində yarpaqlı növlər üstünlük təşkil edir.
İynəyarpaqlılardan şam ağacına,Altaydan şərqdə isə qaraşama təsadüf olunur.
Meşə-çöl bitki tipinin 2-ci kompanenti olan müxtəlifotlu çöllər üçün sıx ot örtüyü,
müxtəlif otların dənli bitkilərdən üstünlüyü, yazın axırlarında-yayın əvvəllərində
əlvan mənzərənin dəfələrlə dəyişilməsi, növlərin həddən artıq zənginliyi və torpağın
başdan-başa və ya tamamilə çimləşmiş olması səciyyəvidir.
Heyvanlar aləmi.
Heyvanlar aləmi coğrafi mühitin hərəkət edən komponentidir. Lakin bu hərəkətlilik
olduqca şərtidir: heyvanlar və onların qanunlarının yayılması müəyyən landşaftlarla
sıx əlaqədardır.
Tropik ölkələrə nisbətən MDB-nin heyvanlar aləmi kasıbdır. MDB ərazisində Yer
kürəsindəki ümumi fauna miqdarının təxminən 8.5 %-nə, yaxud 125-130 min növünə
təsadüf olunur. Həşarat aləmi çox rəngarəng olub, 100 min növdən artıqdır.
Məməlilərin 321, quşların 796, sürünənlərin isə 138 növü aşkar edilmişdir.
MDB ərazisi bir coğrafi vilayətə- Arktikadan başlayaraq, Avroasiya və Afrikanın
subtropiklərinə qədər çox geniş bir ərazini tutan Palearktikaya daxildir. Vilayətdə
aşağıdakı yarımvilayətlər fərqləndirilir: Arktika, Avropa-Sibir, Aralıq dənizi, Mərkəzi
Asiya və Himalay-Çin.
behruzmelikov.com
behruzmelikov.com
Arktika yarımvilayəti. Buraya Arktika adaları və materikin sahilboyunda yerləşmiş
tundra sahəsi daxildir. Heyvanlar aləmi növ cəhətdən kasıb olub, havanın alçaq
temperaturuna, xeyli davam edən qar örtüyünə yaxşı uyğunlaşmışdır. Tundranın
xarakterik nümayəndələri bunlardır: şimal tülküsü, şimal maralı, alasiçan, qütb
bayquşu, ağ və tundra kəklikləri.
Avropa-Sibir yarımvilayəti. Vilayət şimalda tayqadan başlayıb, cənubda çöllərə
qədər olan bütün sahəni əhatə edir. Heyvanlar aləmi Arktika yarımvilayətinə nisbətən
zəngin olub, bitki, torpaq və iqlimin enlik zonallığı aydın görünür. Meşə zonasının
tipik nümunələri sığın, qonur ayı, vaşaq, sincab, burunduk, samur, ağ dovşan,
quşlardan meşəxoruzu, qarabağır quşu, tetra quşu, ağacdələn, alacadimdik, qaratoyuq
və ayıquşudur.
Çöl zonasında açıqlıq sahələrin heyvanları yaşayır. Çöllərdə çoxlu yeraltı yuva
qazan gəmiricilər vardır: çöl kəsəyəni, çölsiçanı, sünbülqıran, ərəbdovşanı, köstəbək,
çöl zonası üçün yırtıcılardan safsar, tülkü, quşlardan dovdaq və bəzgək, meşəxoruzu
və meşəçili iynəyarpaqlı meşələr üçün səciyyəvi olduğu kimi, çöllər üçün də
səciyyəvidir. Sürünənlər gürzə, sarıqarın və pallas bağailanı, xallı kərtənkələ və adi
koramaldan ibarətdir.
Aralıq dənizi yarımvilayəti. O özünün şimal kənarı ilə MDB ərazisində Qafqaza və
Dağlıq Krıma daxil olur. Bu rayonların kiçik olmasına baxmayaraq, Aralıq dənizi
mənşəli bir çox növ və endemiklərdən ibarət zəngin və müxtəlif faunası vardır.
Qafqazda Aralıq dənizi və Cənubi Asiya mənşəli heyvanlardan dağ keçisi, bəbir,
kaftar, çaqqal, oxlu kirpi, İran sincabı, Aralıq dənizi yarasası, nalburun yarasasının bir
neçə növlərinə və sairəyə təsadüf etmək olar.
Mərkəzi Asiya yarımvilayəti. Buraya Qazaxıstan və Orta Asiyanın yarımsəhra və
səhralarının heyvanlar aləmi daxildir. Bu yarımvilayətin faunası nisbətən zəngin və
qədim olub, səhra landşaftında yaşamaq üçün uyğunlaşmışdır. Gündüz torpaq çox
bərk qızdığından heyvanların əksəriyyəti gecə həyatı keçirir, bəzi növlər isə
səhralarda hər şey yanıb quruduqdan sonra yay yuxusuna gedir. Tipik nümayəndələri
antilop-ceyran, qulan, barxan pişiyi, kiçik və tüklüayaqlı ərəbdovşanlarıdır.
Himalay-Çin yarımvilayəti. Vilayətə Ussuri hövzəsi və Amur çayının orta axını aid
edilir. Şimal tayqa zonasının heyvanları ilə bərabər, bu yarımvilayətdə bir sıra cənub
növlərinə - Mancuriya-Çin və hətta Hindistan mənşəli heyvanlara rast gəlinir; xallı
maral, qara ayı, amur dələsi, qırmızı canavar, pələng, yenotabənzər it, mandarinka
ördəyi, Uzaq Şərq yumşaq tısbağası və s. heyvanlar.
behruzmelikov.com
behruzmelikov.com
Dostları ilə paylaş: |