MDB ərazisinin fiziki-coğrafi rayonlaşdırılması
Fiziki-coğrafi rayonlaşdırma kompleks coğrafiyanın ən mühim problemlərindən
biridir. MDB təbiətini landşaftın ayrı-ayrı kompanentləri üzrə rayonlara bölmədən
tam və konkret öyrənmək mümkün deyil. Elmi cəhətdən düzgün əsaslandırılmış
fiziki-coğrafi rayonlaşdırmanın böyük əhəmiyyəti vardır. Fiziki-coğrafi
rayonlaşdırmanın nəticələri öz təcrübəli tətbiqini, sənaye, yol tikintisi, rayon
planlaşdırılması, təbii landşaftşünaslıq sahələrində tapır.
Fiziki-coğrafi rayonlaşdırma üzrə ilk tətqiqatçı müəlliflər botanik-coğrafiyaçılar
olmuşdur. Onlar bitki örtüyündəki fərqlərə əsaslanır, Semyonov-Tyan-Şanski
“Avropa Rusiyasının və Qafqazın məhəlli tipləri” (1915-ci il) adlı əsərində
rayonlaşdırma apardıqda yer səthinin relyef, iqlim və bitki örtüyü ilə bağlı olan
quruluşa əsaslanır. O qeyd edir ki, qurşaqlar fiziki-coğrafi deyil, geomorfoloji
qurşaqlardır. (bərk buzlaq çöküntüləri qurşağı, şimal dəniz transqressiyası qurşağı,
yumşaq buzlaq çöküntüləri qurşağı və s.) MDB rayonlaşdırılmasında yeni addım
L.S.Berq tərəfindən aparılmışdır. Dokuçayevin əsərlərinə istinad edərək landşaft
(coğrafi) zonaları haqqında nəzəriyyə yaratmış, ilk dəfə 1913-cü ildə landşaft
zonalarını böyük coğrafi kompleks kimi ayırmışdır. Landşaft ölkəsi sözü altında
materikin geniş bir hissəsi nəzərdə tutulur. O aşağıdakı başlıca əlamətlərlə
səciyyələnir:
1.
Geostruktur cəhətdən ərazinin ümumiliyi.
2.
Ərazinin coğrafi mövqeyindən və atmosfer dövranının xüsusiyyətlərindən asılı
olaraq makroiqlim rejiminin özünəməxsusluğu.
3.
Enlik və yüksəklik landşaft zonalarının uyğunluğu və təzahür dərəcəsi.
MDB ərazisini 15 landşaft ölkəsinə ayırmaq olur.
1.
Kola-Kareliya ölkəsi. Baltik kristallik qalxanının bir hissəsidir. Şimalda meşə-
tundraya və tundraya keçən tayqa və bataqlıq landşaftı üstünlük təşkil edir.
behruzmelikov.com
behruzmelikov.com
2.
Rusiya düzənliyi.Şimalda tundradan başlamış, cənubda səhralara qədər aydın
ifadə olunan landşaft zonallığına malikdir.
3.
Ural. Üst paleozoyda qırışıqlığa məruz qalmış orta hündürlüyə malik dağlıq
ölkədir. Şimaldan cənuba 5 landşaft zonasını kəsir və buna müvafiq ərazisində
ardıcıl növbələnən tundra, meşə-tundra, tayqa, meşə-çöl və çöllərdən ibarət
hündürlük zonallığı bir-birini əvəz edir.
4.
Karpat. Yaşına görə cavan olub (alp orogenezi), orta hündürlüklü dağlıq
ölkədir. MDB-nin ərazisinə onun bir hissəsi Ukrayna Karpatı daxildir.
5.
Qafqaz. Yüksək alp qırışıqlıqlı dağ silsilələri, yaylalar, tektonik çökəkliklər
sistemidir. Hündürlük zonallığı mürəkkəb və dəyişkəndir.
6.
Mərkəzi Qazaxıstan ölkəsi. Hündürlük qurşağı zəif ifadə olunan yarımsəhra və
səhra landşaftları ilə səciyyələnir.
7.
Orta asiya düzənliyi ölkəsi. Bura Cənubi Qazaxıstan və Orta Asiyanın mülayim
və subtropik qurşaqlarının səhraları daxildir.
8.
Orta Asiya dağlıq ölkəsi. MDB ərazisində ən hündür ölkədir. Iqlimin quraqlığı
üzündən dağlarda yarımsəhra, səhra və çöl qurşaqları yayılmışdır. Yaylada
kserofit landşaftlar geniş yer tutur.
9.
Qərbi Sibir düzənliyi. Rusiya düzənliyindən iqliminin kontinentallığı, relyefinin
az parçalanması və çox yekrəng olması ilə fərqlənir. Burada enlik zonallığı
Rusiya düzənliyi zonallığını xatırladır. Lakin zəif drenaj nəticəsində Qərbi Sibir
düzənliyi şimalda daha çox bataqlaşmış, cənubda isə şoranlaşmışdır.
10.
Orta Sibir. Yüksəkliklər və bəzən də dağlıq relyeflə əlaqədar sərtləşən soyuq
kontinental iqlim ilə səciyyələnir. Ən tipik landşaftlar donuşluq-tayqa
torpaqlarına malik açıq-qaraşam tayqası hesab edilir.
11.
Altay-Sayan. Peneplenləşmiş və sonra yenidən yaranmış qədim dağ qırışıqlığı
sistemidir. Ayrı-ayrı silsilələri alp tipi və buzlaqları ilə xarakterizə olunan
yüksək yaylalara malikdir. Altayda tünd iynəyarpaqlı tayqa üstündür.
behruzmelikov.com
behruzmelikov.com
12.
Baykal dağlıq ölkəsi. Orta hündürlüyə malik, qədim qırışıq-qayma dağlar,
yaylalar, yastı yayla və tektonik çökəkliklər vilayətidir. Kəskin kontinental
iqlim şəraitində şam və qaraşam, cənub-şərqdə isə çöl landşaftları üstünlük
təşkil edir.
13.
Şilam-şərqi Sibir. Düzənliklərdən, yüksəkliklərdən və yaylalardan ibarət dağlıq
ölkədir. Tektonik cəhətdən mezozoy qırışıqlığının məhsuludur. Ölkənin iqlimi
qeyri-adi sərtliyinə görə fərqlənir.Ərazisində qışda Oymyakon soyuq qütbü
yaranır.
14.
Şimali Uzaq Şərq. Mezozoy və alp qırışıqlığı zonasına aid edilən dağlıq
ərazidir. Sakit okean və onun dənizləri iqlimi mülayimləşdirir. Burada tundra,
meşə-tundra və şimal tayqa landşaftları hakimdir.
15.
Cənubi Uzaq Şərq ölkəsi (Amur-Saxalin). Əsasən dağlıq ölkədir. İqlimi musson
xarakterlidir. Tünd iynəyarpaqlı tayqa, qarışıq meşələr, ən cənubda isə
enliyarpaqlı meşə landşaftları hakimdir.
behruzmelikov.com
behruzmelikov.com
Dostları ilə paylaş: |