157
keçmişimizin izlərini özündə saxlayır. Tarix boyu xalqımız tərəfindən qəbul edilmiş dövlətçilik rəmzləri,
Azərbaycan Xalq Cümhuriyyətinin buraxdığı poçt markaları, pul əskinasları, dövlət idarələrinə məxsus olan
sənədlərin nümunələri, habelə o dövrdə təsis olunmuş orden və medalların eskizləri nümayiş etdirilir. Muzeyin
digər zallarında XX əsrin I yarısında Cənubi Azərbaycanda baş vermiş milli-azadlıq hərəkatları, 1920-1950-ci
illərdə törədilmiş repressiyalar, 1941-1945-ci illərdə azərbaycanlıların ikinci Dünya müharibəsində iştirakı və
Ermənistanın Azərbaycanın Dağlıq Qarabağ vilayətinə ərazi iddiası ilə apardığı müharibə, ümumilikdə erməni
terrorizmi barədə faktlar göstərilir. Muzeyin ekspozisiyasında XX əsrin sonunda Azərbaycan tarixinin
səhifələrinə yazılmış 20 Yanvar, Xocalı faciəsi kimi dəhşətli hadisələr də öz əksini tapıb. Muzeyin 6-cı zalında
isə Azərbaycanın son illərdəki ictimai həyatı, ölkənin xarici siyasəti, iqtisadiyyatı, təhsil, mədəniyyəti, habelə
ordu quruculuğu geniş şəkildə işıqlandrılır.
Muzeyin ünvanı: Bakı şəhəri, Neftçilər prospekti, 123a
Telefon :498-83-82
***
Həsən bəy Zərdabi adına Təbiət Tarixi Muzeyi
Muzey 1930-cu ildə Azərbaycan Dövlət Muzeyinin biologiya şöbəsi əsasında yaradılmışdır. 1937-ci
ildən SSRİ EA Azərbaycan Filialının tərkibində olmuş, 1945-ci ildən Azərbaycan SSR EA (indiki AMEA)
Geologiya İnstitutunun tərkibindədir. 1944-cü ildə muzeyə H.Zərdabinin adı verilmişdir. Muzey 2 əsas şöbədən
geologiya və zoologiya şöbələrindən ibarətdir. Geologiya şöbəsində Azərbaycanın geoloji və tektonik quruluşu
barədə məlumatlar, müxtəlif xəritə və
diaqramlar, geniş miqyasda yayılmış filiz
və qeyri-metal yataqlarından əldə olunmuş
minerallar və süxurlar, həmçinin çökmə
süxur nümunələri nümayiş etdirilir.
Zoologiya şöbəsində müasir və
geoloji keçmişdə yaşamış onurğasız və
onurğalı
heyvanların
skeletləri,
müqəvvaları, izləri, xüsusi məhlullarda
saxlanılan cəsədləri, Azərbaycan florasını
əks etdirən tablolar nümayiş etdirilir.
Onurğasız
heyvanlar
kolleksiyasında
süngərlər,
bağırsaqboşluqlular,
dərisi
tikanlılar,
yumşaqbədənlilər,
buğumayaqlılar və s. təmsil olunmuşlar.
Muzeydə onurğalılar yarımtipinin bir neçə
sinfi: suda-quruda yaşayanlar, sürünənlər, balıqlar, quşlar, məməlilər və s. geniş nümayiş etdirilir. Qoruq
şəraitində saxlanılan və adı "Qırmızı kitab"a düşmüş 20 heyvanın müqəvvası muzeyin qızıl fonduna daxildir.
Muzeydə Dördüncü dövrə aid
olan Binəqədi, Pirəkəşkül,
Eldar hipparion, Mingəçevir və s. kolleksiyalar vardır.
Muzeyin ünvanı: Bakı şəhəri, Lermontov küç., 3.
Telefon: (99412) 492 06 67
Naxçıvan Dövlət Tarix Muzeyi
Muzey 1924-cü ildə tarix-etnoqrafiya muzeyi kimi yaradılmışdır. Sonrakı illərdə tarix-ölkəşünaslıq
muzeyi, 1968-ci ildən indiki adını daşıyır.
Naxçıvanın zəngin, qədim tarixi ilə bağlı 45000 eksponat
Naxçıvan Dövlət Tarix Muzeyində qorunub saxlanılır.
Ekspozisiya əsasən 3 qədim, orta əsrlər və müasir dövrü
əhatə edir. Muzey 10 şöbədən ibarətdir. Burada müxtəlif çeşidli
əmək alətləri, paleolit və neolit dövrünün əşyaları, dən daşları,
obsidiandan lövhələr, daş çəkiclər, sümük bizlər, Naxçıvan Muxtar
Respublikası ərazisində aşkar olunan mis və gümüş pullar, orta
əsrlərin məşhur memarlarından olmuş Əcəmi Əbubəkr oğlu
Naxçıvaninin inşa etdiyi möhtəşəm Möminə Xatın, Yusif Küseyir
oğlu türbəsinə və başqa memarlıq abidələrinə dair şəkilli
158
materiallar, dekorativ tətbiqi sənətə aid xalçaçılıq, zərgərlik, misgərlik, dulusçuluq və nəqqaşlıq nümunələri,
xalq ustalarının gözəl əl işləri sərgilənir.
Muzeyin ünvanı: Naxçıvan şəhəri, İstiqlal küçəsi 9
***
Heydər Əliyev Muzeyi
Muzey 1999-cu ildə Naxçıvan şəhərində yaradılmışdır.
Muzeydə ümummilli lider Heydər Əliyevin uşaqlıq və gənclik illərinə
həsr olunmuş stendlər, Naxçıvan Muxtar Respublikası Ali Məclisinin
Sədri işlədiyi dövrə aid (1991-1993) şəxsi sənəd və materiallar,
məktub, qərar və sərəncamlar, Türkiyə Cümhuriyyəti və Iran Islam
Respublikası ilə əməkdaşlıq sahəsində imzaladığı müqavilələrin
surətləri, Azərbaycan Respublikasının müxtəlif bölgələrində yaşayan
vətəndaşların müraciətləri toplanılmışdır. Burada Heydər Əliyevə
məxsus şəxsi əşyalar da saxlanılır. Ümumilikdə muzeydə 2384
eksponat var. Muzeyin kitabxanasında ümummilli lider Heydər
Əliyevin həyat və fəaliyyətini əks
etdirən qəzet, jurnal, albom və kitablar toplanılmışdır.
Muzeyin ünvanı: Naxçıvan şəhəri, Heydər Əliyev prospekti, 1
***
C.Məmmədquluzadə adına Naxçıvan Muxtar Respublika Ədəbiyyat Muzeyi
Muzey 1966-cı ildə yaradılmışdır. 19200 eksponatı var. Fondunda çoxəsrlik Azərbaycan ədəbiyyatı
tarixini əks etdirən qiymətli əlyazmaları, tətbiqi və təsviri sənət
nümunələri, qədim və müasir kitablar, qəzet və jurnallar, xatirə əşyaları
və digər muzey materialları mühafizə olunur. Ekspozisiyada klassik
Azərbaycan ədəbiyyatının və müasir Azərbaycan ədəbiyyatının
görkəmli nümayəndələrinə, Naxçıvan torpağının yetirdiyi şair və
yazıçıların, sənətşünasların yaradıcılığına geniş yer verilmişdir.
Ekspozisiyada və fondda Azərbaycanın fırça ustalarının
müxtəlif janrlarda yaratdıqları boyakarlıq və heykəltəraşlıq əsərləri,
Naxçıvan teatrının tarixinə aid sənədlər - afişalar, proqramlar, tamaşa
eskizləri, görkəmli teatr sənətkarlarının yaradıcılığını əks etdirən
fotoşəkillər də nümayiş etdirilir. Muzeyin Şərur rayonunda Cəlilkənd filialı fəaliyyət göstərir. Burada görkəmli
Azərbaycan yazıçısı Cəlil Məmmədquluzadəyə aid sənəd, foto materiallar və şəxsi əşyalar nümayiş etdirilir.
Muzeyin ünvanı: Naxçıvan şəhəri, Nizami küçəsi 19
***
Nizami Gəncəvi adına Gəncə Tarix-Diyarşünaslıq Muzeyi
Gəncə Tarix-Diyarşünaslıq Muzeyi 1924-cü ildə Gəncə
Pedaqoji Seminariyasının müəllim və tələbələrinin təşəbbüsü və
qüvvəsi ilə yaradılıb. Hazırda burada Gəncənin tarixi ilə bağlı 30
mindən çox əşya var. Muzey bir neçə dəfə ünvanını dəyişib, hazırda
yerləşdiyi binaya 1970-ci illərin əvvəllərində köçürülüb. XIX əsrin
sonlarında tikilmiş bu bina Azərbaycan Xalq Cümhuriyyətinin
qurucularından olan İsmayıl xan Ziyadxanovun mülküdür.
Muzeyin qədim Gəncəyə aid ekspozisiya bölməsi tamaşaçı
üçün daha maraqlıdır. Üzərində "Atabəy Məhəmməd Cahan Pəhləvan"
sözləri yazılmış Gil çıraq XII əsrə aiddir. Burada həmçinin Gəncədə
buraxılmış
mis pullar, saxsı su boruları, qədim Gəncəyə aid sənətkarlıq nümunələri nümayiş etdirilir.