25
irəli getmişdir. Hal-hazırda Qərb dünyasında "İBM-lə uyuşan"
kompüterlər yox, "Wintel platformasından söhbət gedir. Bu
platforma dedikdə, Windows əməliyyat sisteminə əsaslanan
"proqram təminatı" və İntel firmasının prosessorlarına əsaslanan
aparat təminatı başa düşülür.
İBM firmasının ən böyük xidməti komplektləşdirici kimi
kompüterin əsas hissələri üçün vahid standartın işlənməsi və
təsdiq edilməsindən ibarət olmuşdur. Bundan əvvəl, hər bir
istehsalçı özünün unikal aparat təminatını yaratmağa çalışmış və
bununla da öz kompüterinin yığılması və ona xidmət edilməsi
sahəsində inhisarçı rolunu oynamışdı. Nəticədə kompüter bazarı
bir-birilə uyuşmayan və hərəsi üçün öz proqram təminatını
yaradılmasını tələb edən aparatlarla ifrat şəkildə dolmağa
başlamışdı. Fərdi kompüterlər bazanın ayaq tutduğu dövrdə hər
bir firmanın məhsulu firma tərəfindən qorunan sirlərə malik idi
və kütləvi surətdə bir firmanın məhsulunun digər firma
tərəfindən istehsal edilməsi qeyri-mümkün idi.
İBM firmasının xidməti məhz ondan ibarət olmuşdu ki, o,
pozula bilinməyən bu cür prinsiplərə son qoydu. İBM firmasının
irəli sürdüyü ən böyük yenilik isə "açıq arxitektura prinsipinin"
ortaya atılması oldu: İBM firması özünün yeni kompüterini özü
üçün hazırlanmış bir əşya kimi deyil, onun konstruksiyası
barəsində bütün firmalara açıq mətbuatda informasiya verdi və
bununla da digər firmaların "İBM-lə uyuşan" kompüterlərinin
istehsal olunması üçün şərait yaratdı. Nəticədə, əlbəttə ki, İBM
firması tezliklə "birincilər sırasında" öz mövqeini itirdi,
istehsalçılar İBM firmasının kompüterlərindən ucuz, çox vaxt isə
lap ucuz olan kompüter-klonları istehsal etməyə başladılar.
Lakin standart öz yerini tutdu və bu gün də biz "İBM-lə uyuşan"
kompüterlərin adını çəkirik.
Müasir "İBM-lə uyuşan" kompüterlər "özün quraşdır" uşaq
konstruktoruna oxşayır. Kompüterin tərkibinə daxil olan hər bir
qurğunu çox sərbəst olaraq, həmin tipdən olan, lakin daha
təkmilləşdirilmiş digər bir qurğu ilə əvəz etmək mümkündür.
Bunun sayəsində istənilən, lap kiçik bir firmada kliyentin bütün
tələblərinə uyğun olan kompüteri tez bir zamanda yığmaq
26
mümkün olur, həmçinin təkmilləşdirmə çox asan başa gəlir
(hətta istifadəçi özü də bu işi yerinə yetirə bilər).
Kompüterin elə bir hissəsi yoxdur ki, o, 4-5 firma tərəfindən
istehsal olunmasın. Hətta kompüterin əsası sayılan - prosessor
hal-hazırda nəinki dünyada məhşur olan İntel firması tərəfindən,
həmçinin digər firmalar, məsələn, AMD firması tərəfindən də
istehsal olunur.
1.5.2.APPLE platforması
Kompüter tarixi ilə məşğul olan mütəxəssislər fərdi kom-
püterlərin yaradılmasında birinciliyi məhz Apple kompaniyasına
verirlər. Keçən əsrin 70-ci illərinin ortasından başlayaraq, bu
firma fərdi kompüterlərin "Apple 1"-dən başlayaraq müasir
"iMac" tipli bir neçə modellərini təklif etmişlər. 80-cı illərin
axırlarında "Macintosh" seriyalı kompüterlər dünyada fərdi
kompüterlər arasında ən məşhur kompüterlər olurlar və bu gün
də Apple firmasının kompüterlərini "Maclar" adlandırırlar.
İBM-dən fərqli olaraq, Apple firması "bağlı arxitekluraya"
üstünlük vermişdir. Bu kompüterlərin kompleksləşdirici his-
sələri və proqramları yalnız müəllif hüququna malik kiçik
miqdarda istehsalıçılar tərəfindən istehsal olunurdu. Bunun
sayəsində bu kompüterlərin qiyməti "İBM-lə uyuşan" kom-
püterlərə nəzərən bir qədər baha olmuş, lakin digər tərəfdən çox
davamlı və rahat olmuşdur.
Məhz Apple kompüterində, sonralar fərdi kompüterlərin
ayrılmaz bir hissəsi olan bir sıra yeniliklər ilk dəfə olaraq
meydana gəlmişdir: qrafiki interfeys və "maus", səs altsistemi və
kompüter videosu. Öz növbəsində, Windowsun özünün inter-
feysi də Apple firmasının "Lisa" kompüteri üçün yaradılmış ilk
əməliyyat sistemlərinin bir hissəsindən köçürülmüşdür.
Qrafıka ilə işləmək bu günkü gündə də Apple firmasnın əsas
fəaliyyət sahələrindən biridir. Məhz bu səbəbdən "Macintosh"
kompüterinin nəşriyyat işində, tam rəngli illustrasiyaların
hazırlanması və dizayn olunmasında, video və səslərin emalında
downloaded from KitabYurdu.org
27
tətbiqi əvəz olunmazdır. Amerikada kompüterin Apple modelin-
dən evdə də istifadə olunur.
90-cı illərin əvvəllərində Apple firmasına qarşı maraqların
azalmasına baxmayaraq, 90-cı illərin axırlarında ev şəraitində
istifadə üçün hesablanan yeni dizaynlı modelin (iMac-ın stolüstü
modeli və portativ - iBook) istehsalı sayəsində Apple firması
keçmiş şöhrətini qaytara bilir.
1.6. Fərdi kompüterlərin əsas xarakteristikaları
Fərdi kompüterlər aşağıdakı əsas xarakteristikalarına görə
bir-birindən fərqlənirlər: Sürət, məhsuldarlıq, takt tezliyi.
Kompüretlərin sürəti aşağıdakə vahidlərlə xarakterizə
olunur:
а) MIPS – Mega Instruction Per Second – sabit nöqtəli
ədədlər üzərində bir saniyədə milyon əməliyyat;
b) MFLOPS – Mega Floating Operations Per Second –
şürüşkən nöqtəli ədədlər üzərində bir saniyədə milyon
əməliyyat;
c) GFLOPS – Giga Floating Operations Per Second –
şürüşkən nöqtəli ədədlər üzərində bir saniyədə milyard
əməliyyat;
d) KOPS – Kilo Operations Per Second – ədədlər üzərində
bir saniyədə yerinə yetirilən əməliyyatların minlərlə orta sayı;
e) iCOMP Index – Intel Comparative Microprocessor
Performance – bu halda 16 və 32 bitlik əməliyyatların dörd
kateqoriyası istifadə edilir: tam ədədlərin, sürüşkən nöqtəli
ədədlərin, qrafiki və video informasiyaların emalının sürəti (bu
sürətin hesablaması baza prosessoru Intel 486 SX-25 götürül-
müşdür, bu prosessorun iCOMP Index 100-ə bərabərdir);
Qalan firmalar P-Rating anlayışından istifadə edir - onlar öz
prosessorlarını uyğun olan Pentium prosessorunun tezliyi və
məhsuldarlığıyla müqayisə edirlər.
Bunlardan başqa operativ yaddaşın hıcmi, tezliyi və tipi, keş
28
yaddaşın həcmi, sərt disk, CD, DVD, elastiki disklər üçün
diskoxuducularının tipi və miqdarı, prosessorun tipi, sistem və
lokal interfeys, interfeysin kod şinlərinin ölçüsü, videomo-
nitorun, videoadapterin və başqa xarici qurğuların tipi, başqa
FK-larla aparat və proqram uyğunluğu, proqram təminatı və
imkan çoxməsələli rejimdə və kompüter şəbəkələrində işləmək
imkanları, etibarlılıq, qiymət, qabarit olcülər və çəkisi və s.
gostəricilər də kompüter üçün əsas xarakteristika sayılır.
FK-lər arasında lazımlı parametrlərin daha yaxşı olanı
seçirlər. Bəzən daha az sürətli kompüter əməli yaddaşın və ya
hətta xarici yaddaşın həcmi daha çox olandan daha
əhəmiyyətlidir.
1.7. Kompüterlərin arxitekturası
Məlumdur ki, I və II nəsil (1945-1960-cı illər) kompüter-
lərin aparat və proqram vasitələri bir-birindən asılı deyildir və
ayrı-ayrılıqda, müstəqil şəkildə yaradılırdı. III nəsildən (60-cı
illərin
sonu) başlayaraq kompüterin
aparat (ingiliscə,
“hardware”) və proqram (“software”) vasitələri vahid bir sistem
kimi layihələndirilməyə başlandı. Bu zaman əsas diqqət bu
vasitələrin qarşılıqlı əlaqəsinə yönəldilirdi. Bununla da prinsip
baxımından yeni olan “kompüterin arxitekturası” anlayışı
yarandı. Kompüterin arxitekturası dedikdə onun məntiqi və
texniki quruluşu, işləmə prinsipi, əmrlər sistemi və s. başa
düşülür. “Kompüter arxitekturası” (computer architecture)
anlayəşı ilk dəfə İBM şirkəti tərəfindən İBM 360 seriyalı
kompüterlərin işlənib hazırlanması zamanı istifadə edilmişdir və
maşın əmrləri səviyyəsində proqram tərtib edərkən proqramçının
istifadə edə biləcəyi vasitələrin izahı üçün nəzərdə tutulmuşdur.
“Kompüter arxitekturası” anlayışının həmin dövrdəki anlamı
əmrlərin formatını, verilənlərin təqdimolunma formatını, giriş-
çıxış sisteminin təşkilini, yaddaşın ünvanlaşdırılması üsullarını
və s. əhatə edirdi. Bu zaman hesablama vasitələrinin fiziki
downloaded from KitabYurdu.org