235
qurğularının kifayət qədər mükəmməl olmadığı ərazilərdə, xüsusən də Şirvan düzündə özünü daha qabarıq
şəkildə göstərmişdir.
Torpaqları duzlardan yuyub təmizləmək üçün onun hansı dərəcədə şorlaşdığını bilmək lazımdır. Torpaqda
olan duzların miqdarı şərti olaraq müəyyən hədlərə bölünür və onlara adlar verilir. Buna torpaqların şorlaşma
dərəcəsinə görə təsnifatı deyilir. Təsnifatın əsasını bitkilərin düzlara davamlılıq qabiliyyəti və onların buraxıla
bilən həddi təşkil edir. Kənd təsərrüfatı bitkiləri duza davamlılığına görə üç qrupa bölünür (cədvəl 12.5.).
Cədvəl 12.5.
Bitkilərin duza davamlılığı (Orohenie, Spravoçnik, 1980)
Duza zəif
davamlı
Duza orta
davamlı
Duza davamlı
üçyarpaq yonca
buğda
şəkər çuğunduru
yonca küncüt yem
çuğunduru
Esparset (xaşa) soğan düyü
alma pambıq qarpız
alça
əncir yemiş
armud
nar
tut
Respublikamız üçün torpaqların duz miqdarı və tipinə görə təsnifatını təyin etmiş Q.Əzizov (1999)
tərəfindən torpaqlar şorlaşma tipinə görə sodalı, xlorlu, sulfatlı-xlorlu, xlorlu-sulfatlı və sulfatlı tipə
bölünmüşdür. Bu təsnifat respublikamız üçün təklif edilmiş təsnifatlardan (V.R.Volobuyev, 1948, 1965)
fərqlənsə də, bütövlükdə real vəziyyəti düzgün əks etdirir (cədvəl 12.6.).
Duzluluq dərəcəsi zəhərlilik göstəriciləri ilə xarakterizə olunur. Suda asan həll olunan duzlardan NaCl,
Na
2
SO
4
, MgCl
2
, CaCl
2
, MgSO
4
, Na
2
CO
3
, Na(HCO
3
)
2
bitkilər üçün daha zəhərlidir.
236
Cədvəl12.6.
Torpaqların duz miqldarı və tipinə görə təsnifatı, %
Qradasiyanı
n adları
Duz tipi
sodalı xlorlu
sulfatlı-
xlorlu
xlorlu-
sulfatlı
sulfatlı
şorlaşmamış <0,15 <0,2 <0,25 <0,4 <0,6-1,0
zəif şorlaşmış
0,15-
0,3
0,2-0,4 0,25-0,5 0,4-0,8 1,0-1,5
orta
şorlaşmış
0,3-0,5 0,4-0,8 0,5-1,0 0,8-1,5 1,5-2,0
şiddətli
şorlaşmış
0,5-0,8 0,8-1,2 1,0-2,0 1,5-2,5 2,0-3,0
şoranlar
>0,8 >1,2 >2,0 >2,5 >3,0
Torpaqların yuyulmasında başlıca məqsəd duzları bitki kökləri yayılan torpaq qatından kənar etməkdir.
Bitki kökləri yayıla bilən qat dedikdə, əsasən, torpağın bir metrlik üst qatı nəzərdə tutulur. Çünki, əksər kənd
təsərrüfatı bitkilərinin kök sistemi ya tamamilə və ya da onun əsas hissəsi bir metrlik qatda yerləşir. Bu qata
hesabat qatı deyilir. Yüngül və orta mexaniki tərkibli torpaqların susızdırma qabiliyyəti böyük olduğu üçün
onları duzlardan təmizləmək asandır.
Odur ki, bu amilləri nəzərə alaraq müvafiq meliorativ tədbirlərin xüsusiyyətləri əsas götürülməklə Kür-Araz
ovalığında şorlaşmış torpaqlar şərti olaraq üç səciyyəvi qrupa ayrılmışdır (MPAbduyev, 1968, 1977;
Ə.Q.Behbudov, M.K.Rəhimov, X.F.Cəfərov, 1973; Ə.Q.Behbudov, X.F.Cəfərov, 1980; A.K.Alimov, 1997):
1. Yüngül qranulometrik tərkibli, yüksək su sızdırma qabiliyyətli, asan həll olunan (xlorlu, sulfatlı-xlorlu)
şorlaşmış torpaqlar. bu torpaqlar şimali və mərkəzi Muğanda, Salyan düzündə, cənubi-şərqi Şirvanda və Şirvan
düzünün Kür sahili zonasında yayılmış və inzibati baxımdan Sabirabad, Salyan, Neftçala və Zərdab inzibati
rayonlarını əhatə edirlər. Bu torpaqların yuyulmasında su itkilərinə yol verilməməsi və yüksək meliorativ
səmərənin təmin olunması çox vacibdir. Bu baxımdan zolaqlarla və fasiləli yuma texnologiyası özünü
doğrultmuş və səmərəliliyi təsdiq olunmuşdur.
Zolaqlarla yuma texnologiyasının mahiyyəti ondan ibarətdir ki, ümumi qaydada yuma üçün hazırlanmış
sahə drenarası məsafədən asılı olaraq, drenlərə paralel 3-5 zolağa bölünür. Mərkəz hissədə eni 100, kənarlarda
isə 50 metrlik zolaqlar ayrılır. Yuma əvvəlcə mərkəz zolağın suya basdırılması ilə başlayır, ikinci mərhələdə
orta, üçüncüdə isə kənar zolaqlar suya basdırılmaqla davam etdirilir.
Fasiləli yuma texnologiyasında sahə ümumi qaydada yumaya hazırlanır. Ləklər suya basdırılaraq suyun
səthdən hopması və qrunt suları səviyyəsinin 1,5-2,0 m dərinliyinə düşməsinədək fasilə verilir. Bundan sonra
sahəyə yenidən su verilir. bu qayda ilə yuma hesabat norması verilib qurtarana kimi davam etdirilir.
Hər iki üsulun tətbiqi nəticəsində yuma suyunun artıq məsrəfinin qarşısı alınır, sahə barəbar səviyyədə
duzlardan təmizlənir, yumanın səmərəliliyi yüksək olur.
2. Ağır qranulometrik tərkibli, zəif su sızdırma qabiliyyətli, xlorlu-sulfatlı və sulfatlı neytral şorlaşma növlü
torpaqlar. Bu torpaqlar əsasən Qarabağın şimal-qərbində (Yevlax, Tərtər, qismən Bərdə rayonları), Kür sahili
zona istisna olmaqla Şirvan düzündə (Ağdaş, Göyçay, Ucar, Kürdəmir, Hacıqabul, Ağsu rayonları) və cənubi
Muğanda (Biləsuvar və Cəlilabad rayonları) yayılmışdır.
Zəif su sızdırma qabiliyyətli ağır torpaqlarda zəif su hopdurma, struktursuzluq, qaysaqbağlama, suyu və
duzu özündən çətinliklə vermək və s. kimi səciyyəvi xüsusiyyətlər mövcuddur. Bu xüsusiyyətlərin olması həmin
torpaqların meliorasiyasını xeyli çətinləşdirir; lazım olan suyun verilməsi və torpaqdan duzların yuyulub kənar
edilməsi çox vaxt tələb edir. Ağır qranulometrik tərkibli şorlaşmış torpaqların kənd təsərrüfatı bitkiləri üçün
istifadəyə yararlı hala salınmasında, yüngül torpaqlardan fərqli olaraq, bu şəraitdə əlavə meliorativ tədbirlərin
tətbiqi lazım gəlir. Torpaqların susızdırma qabiliyyəti, zəif sukeçirən qatın qalınlığı və yerləşməsi, yuma
normasının həcmi və s. əlamətlərindən asılı olaraq ikinci qrup torpaqlarda əsaslı yumalar aşağıdakı
texnologiyalarla aparılır:
- süzülmə əmsalı 0,10-0,30 m/sut, hesabat yuma normasının həcmi 10 min m
3
/ha- qədər olan torpaqlarda
əsaslı yuma adi qaydada – yuma suyunu ləklərə verməklə aparılmalıdır;
- süzülmə əmsalı 0,10-0,30 m/sut, hesabat yuma normasının həcmi 10-30 min m
3
/ha olan torpaqlarda əsaslı
yuma əlavə tədbir olaraq, müvəqqəti dayaz drenlər tətbiq etməklə aparılır;
- süzülmə əmsalı 0,05-0,10 m/sut, zəif su keçirən qatın yerin səthindən dərinliyi 0,6-0,7 m-dən az, hesabat
yuma normasının həcmi 10 min m
3
/ha-dan az olan halda əsaslı yuma qabaqcadan dərindən yumşaldılmış
torpaqda adi qaydada aparılır;