11
gecikməmişəm?..”
Nihad əl-üzünü yuyaraq divanda otur-
du və düşünməyə başladı. Bəlkə, bu səhvliklə
gəlib? Axı bu da
ola bilməzdi, o söz, o yazılan
söz ona ismarıclanmışdı. Axı o həmişə bu
sözü deyirdi. Həm indiyədək onun doğum
gününü bilən bir kəs yoxdu axı. Bu kimdisə,
Nihadın qaranlıq qalan bütün suallarına
bəlkə də tək cavab idi. Nihad sevincindən
ağlayırdı, harda itirdiyini belə bilmədiyi
keçmişini bu gün Bakıda, kirayə qaldığı bir
otaqlı evdə tapmağa çox yaxın idi. Birdən
Nihad telefonu tez götürüb saata baxdı, işə
yubana bilərdi. Yenicə qazandığı işi itirmək
istəməzdi. 8:30,
20:03: 2010.
Nihad saatı götürdü və diqqətlə onu
süzməyə başladı. Bu bilinirdi ki, çox dəyərli
bir qızıldır. Onu qoluna taxaraq tələsik qazı
yandırdı, çaydanı üstünə qoyub hamama tə-
rəf yüyürdü. Sevincindən saatı belə çıxart-
madan bir daha əl-üzünü yudu və otağa keç-
di. Sonradan fərqinə vardı ki, saatı qolunda
imiş və xoşbəxtlikdən saat su keçirmirdi.