38
edirdilər ki, ümmətin həyat ruhu canlanacaqdır. Ancaq qərbliləşdirmə
uğur qazanmadı; bəzi ölkələrdə müsəlmanların bir hissəsi islamdan
uzaqlaşdı. Bəzi ölkələrdə isə ənənəvi dini və dünyəvi Qərb təhsil sistemi
yerini möhkəmlətdi
1
.
Bununla da ümmət – Faruqiyə görə ‐ bu gün özünü iki
metodologiya növü arasında görür: birincisi ümməti dirçəldib islah
etməyə qadir olmayan dünyəvi qərbliləşdirmə metodologiyasıdır.
İkincisi isə ümmətin real problemlərini həll edə bilməyən ənənəvi
təqlidçi islam metodologiyasıdır. Faruqi ənənəvi təqlidçi metodo‐
logiyanın gücsüzlüyünü iki məsələ baxımından izah edir: birinci məsələ
budur ki, ənənəvi islam metodologiyası ictihad anlayışını yalnız fiqh
sahəsi ilə məhdudlaşdırır. Həmçinin, bu metodologiya fiqh məfhumuna
dar çərçivədə toxunur və bildirir ki, fiqh islam məzhəblərinə məlum olan
hökm və qanunlar məcmuyu deməkdir. Bununla da böyük fəqihlərin
başa düşdüyü geniş mənalı fiqh anlayışı cılızlaşdırılır. Böyük fəqihlərin
fəhmi elmi və biliyi qazanma yollarını, həyatı və reallığı dərketmə
prinsiplərinin müəyyənləşdirilməsini əhatə edirdi. Müasir dövrün
fəqihləri fitva çıxarmada halalsayma və harametmə ilə kifayətləndikləri
üçün əvvəlki alimlərin məsuliyyətini dərk etməkdə aciz qalıblar.
Ənənəvi metodologiyanın gücsüzlüyünün ikinci tərəfinə gəlincə,
bu, dünyada qəribləşməkdə, ona etinasız yanaşıb onu müstəbidlərə,
zalımlara, pozuculara “təhvil” verməkdə, sufilik idealları səmasında
süzməkdə ifadə olunub. Sufiliyin donuqluğun yeganə mənbəyi olması
bir həqiqətdir. Düzdür, sufilik psixoloji və ruhi saflanma yolu ilə nəfsin
qorunması və nəfsin tərbiyəsində böyük rol oynayır və o, gözəl nümunə
sayəsində bir çox insanın islam dinini qəbul etməsinə səbəb olmuş və
bəzi dövrlərdə cihada və düşmənlərə qarşı çıxmağa stimul vermişdir.
Ancaq, o, ümumiyyətlə, donuqluq mənbəyidir; o, insanları ağıl və vəhy
arasında məchulluq yaradan intuisiya və mistik təcrübə əsasında
qurulmuş tərki‐dünyalıq metodologiyasına çağırır.
Faruqi
müsəlmanları
yeni
metodologiyaya
çağırır.
O
metodologiyaya ki, təqlidçi fəqihlər onu təsəvvür etməyə qadir deyillər.
Bu metodologiya islamdakı fundamental məsələlərin yeni növ dərkinə
əsaslanır. Bu yeni növ fəhmə görə, dinin fundamental məsələləri
1
Yenə orada, səh. 33.
39
yamsılayıcı fiqhin təqlidçi əsasları rolunu oynamır. Əksinə, onlar islam
düşüncəsi və biliyinin mənbələri hesab edilməlidirlər
1
.
Bu səbəbdən Faruqi məfkurənin islamlaşdırılmasına çağırır və
hesab edirdi ki, təhsil sistemi və ümmətin həyatındakı ikiliyin aradan
qaldırılması, ənənəvi metodologiyadakı gücsüzlüyün dəf edilməsi üçün
düşüncənin islamlaşdırılması olduqca zəruridir. Alim bu metodolo‐
giyanın bir neçə xüsusiyyətindən söz açsa da əsas diqqəti onun islam
nöqteyi‐nəzərindən birləşdirici əsasa malik olmasına yönəltmişdi.
Faruqiyə görə, bu metodologiyanın əsasında Yaradıcının, məxluqatın,
düşüncənin, həyatın və insanlığın birliyi dayanır
2
.
Bəziləri bildirirlər ki, “islamlaşdırma” sözü metodologiya
anlayışı ilə o qədər də uyuşmur. Onlar hesab edirlər ki, bunun səbəbi
metodologiyanın tədqiqatçının mədəni səviyyəsindən və tədqiq etdiyi
mövzulardan asılı olmayan obyektiv vasitə olmasında gizlənib.
Bu fikrə
qarşı çıxan Əbdülhəmid əbu Süleyman digər millət və mədəniyyətlərin
metodologiyalarından fərqlənən islam metodologiyasından söz açır
3
.
Ancaq alim vurğulayır ki, bu metodologiya insan oğlunun qəbul etməli
olduğu hazır dini mətnlərdən ibarət deyildir. Əksinə, o, dinin
məqsədlərinin reallaşması üçün dini mətnlərlə real problemlər arasında
tələb olunan qarşılıqlı münasibətlərin dərk edilməsinə yönəlmiş bəşəri
səy və zəhmətdir. Bu metodologiya inkişaf etdirilərsə, real yeniliklərlə
davamlı şəkildə ayaqlaşar.
Metodologiya anlayışı və inkişafı, əvvəlki uğurları və sonrakı
müvəffəqiyyətsizlikləri kimi məsələlər tədqiqat və əqli mühakimə tələb
edir. Əbu Süleyman bildirir ki, islam ümmətinin erkən dövrlərində
inkişaf etdirilib tətbiq olunmuş, bilik mənbələri olan vəhy və varlıq
aləmini vəhdətdə götürmüş, təfəkkürün imkanlarına ehtiram bəsləmiş
islam metodologiyası müsəlman mədəniyyətinin sütunları üçün kafi
əsas rolunu oynamışdır. Bu metodologiya dünyanın müxtəlif xalqlarının
bütün sahələr üzrə inkişafına stimul vermişdir. Ancaq sonralar təqlidçi
forma alan bu metodologiya dini mətnlərin başa düşülməsi ilə bağlı bir
1
Yenə orada, səh. 35.
2
Yenə orada, səh. 38-52.
3
Əbdülhəmid əbu Süleyman islam düşüncəsinin metodologiya probleminə və metodoloji təfəkkür
formasının əhəmiyyətinə nəzərlərin cəlb edilməsində böyük rola malik az-az şəxsiyyətlərdən biridir. Bu
istiqamətdə alimin xidməti bundan ibarətdir ki, o, metodologiya problemi ilə məşğul olan bir çox
müəssisənin qurulmasında, fəaliyyət proqramlarının icrasında iştirak etmişdir. Eləcə də bu görkəmli alim
məlum problem haqda kitablar və yazılar qələmə almışdır. Əbu Süleymanın yazdıqları və ya danışdıqları
ilə tanış olan kəs görəcəkdir ki, o, “metod” və ya “metodologiya” sözlərindən az qala hər sətirbaşı istifadə
etmişdir.