44
materialist cərəyanlarla mübarizədə kəlamsayağı düşüncə istehsalında
müsəlmanların yaradıcı imkanlarının yenidən geri qaytarılmasına
çağırır. Bundan sonra isə lazımi metodoloji bazanı inkişaf etdirmək
mümkündür.
Ancaq Əhməd ər‐Rəysuni hesab edir ki, islam metodoloji
düşüncəsinin kəlam elmi ilə əlaqələndirilməsi bütövlükdə xeyir gətirə
bilməz. Klassik islam düşüncəsinin düçar olduğu problemlərdən biri də
kəlam elminə və ondan törəmə sahələrə hədsiz yerin verilməsi, məzmun
və metod baxımından məqsədlərdən xəbərsiz qalma olmuşdur. Elə isə
müasir islam düşüncəsi bugünü və sabahı üçün məqsədlərdən və
məqsəd metodologiyasından istifadə etməlidir
1
.
Rəysuni məqsədlər məsələsinə əhəmiyyət verməyin səbəblərinə
toxunaraq bildirir ki, məqsəd düşüncəsi, əslində metodoloji təfəkkür
deməkdir: “Əsasları, meyarları, ümumi və xüsusi halları, bölmələri,
dərəcələri, üsul və vasitələri baxımından məqsədlər problemi
özünəməxsus metodologiya əmələ gətirir. Bu isə öz növbəsində
düşüncə, mühakimə, təhlil, sillogizm və induksiya metodudur”
2
. Əgər
düşüncə metodologiyası məqsədlərə əsaslanırsa, onda düşüncə
məqsədyönlü olub hədəfi müəyyənləşdirəcəkdir. Bu da məlum
düşüncəyə aid prioritetlərin, layihələrin müəyyənləşməsinə səbəb
olacaqdır. Eləcə də bizim üçün bu metodologiyanın əhəmiyyətini artıran
cəhət ondan ibarətdir ki, bir çox mütəfəkkir və nəzəriyyəçi alim bütün
işlərin xeyir və zərər prioritetlərini izah edən “taktiki” düşüncəyə
möhtacdırlar. Eləcə də onlar ayrı‐ayrı halları öyrənən və ümumi nəticəyə
gəlmək üçün onları kompleksləşdirən induktiv şüur formasına ehtiyac
hiss edirlər. Halbuki məqsəd metodologiyası həm taktiki (diferensial),
həm də induktiv şüur formalarının təmininə xidmət edir. Məqsədlər,
diferensiallığa olduğu kimi, induksiyaya da əsaslanır. “İnduksiya ən
inkişaf etmiş metoddur. Bütöv induktiv biliklər ən mötəbər biliklərdir”
3
.
Nəzəri
baxışın
formalaşdırılması
üçün
Qurani‐Kərimin
metodoloji istifadəsinə olan tələbat haqqında Həsən Cabir maraqlı
mülahizə ilə çıxış edir
4
. Tədqiqatçıya görə, Quranın öyrənilməsinə olan
1
Əhməd ər-Rəysuni. əl-Fikir əl-Məqasidi: qəvaiduh və fəvaiduh (Məqsəd düşüncəsi: qayda-qanunları və
faydaları). “əd-Dar əl-bəyza” nəşriyyatı, 1999 (“əz-Zaman” jurnalında (Mərakeşin) nəşr olunan “Cib
kitabı” seriyasından, № 9).
2
Yenə orada, səh. 99.
3
Yenə orada, səh. 103.
4
Həsən Cabir. əl-Müsəqqəf əl-islami beynə əl-fəqih və işkaliyyə əl-mənhəc (Fəqih və metod problemi
arasında müsəlman ziyalısı). “əl-Və`y əl-müasir” jurnalı, № 4/5. 2000, səh. 6-18.
45
metodoloji baxış iki metoddan asılı olmuşdur: birincisi ayələrdəki
kəlmələrin leksik izahıdır. İkinci metod isə bu və ya digər mövzu ilə
əlaqəli ayələrin təfsirini ifadə edir. Hər iki metod empirik metodlardır.
Bu iki metodun əvəzinə təklif olunan üçüncü metod isə Qurana əlaqəli
epistemoloji struktur kimi baxır və onu bütöv şəkildə tədqiq edir. Bu
metoda görə, ayə və mövzular ümumi Quran çərçivəsində bütöv halda
öyrənilməlidir. Təklif olunan bu üçüncü təfsir metodu tə`vildən, rəvayət,
dirayət (qnostik) və mövzu təfsiri növlərindən yaralansa da əsas diqqət
dinin ümumi məqsədlərinin nəzərə alınmasına yönəldilir. Quranın da
doğru yol olaraq göstərdiyi bu ümumi məqsədlər digər görüşləri və hər
hansı bir dini mətnlə münasibətin təminini tənzimləyir. Fəqihlər
induktiv metodda fiqhi hökmlərin deduktiv hasilinə üstünlük vermiş,
kompleks baxışa nail olmaq üçün ümumiləşdirmədən istifadə etmişlər
1
.
Metodologiya təsisinin bu növü də professor Taha Cabir əl‐
Ülvaninin Qurana münasibət metodologiyasının təkmilləşdirilməsinə
olan çağırışında daha da aktuallıq kəsb edir. Ülvani də bildirir ki, məlum
metodologiya Qurana bütöv baxışı əks etdirməlidir; “Surədəki bir ayə
onun digər ayələrindən biri olub ya öz‐özü, ya da qonşu ayələrdən biri
ilə əlaqədar mənaya malik ola bilər. Surələr də belədir; bir surə Quranın
vahidlərindən biridir və o, ya özlüyündə, ya da qonşu surələrlə birlikdə
hər hansı bir məna daşıyır. Ancaq hər hansı bir məsələyə dair şəriət
hökmlərinin çıxarılması və ona münasibətdə dinin məqsədlərini
reallaşdırmaq yalnız və yalnız Quranın kompleks halda götürülməsi
zamanı və onun barəsində bütöv şəkildə mülahizə bildirildikdə
mümkündür. Çünki Quran ayələr, surələr və onun özü səviyyəsində
struktur bütövlüyünə sahib bir kitabdır. Və biz öz irsimizdə bu
bütövlüyün böyük izinə rast gəlmirik”
2
.
İbn Hişamın, Əbu Əli əl‐Farisinin, əl‐Haris əl‐Mühasibinin
əsərlərində və fundamentalistlərin verdikləri hökmlərdə rast gəlinən
1
Həsən Cabir bildirir ki, belə metodoloji zədələnmə forması özünü məqsəd metodunun yoxluğu
şəraitində Qurana olan münasibətdə büruzə verir. Alim misal olaraq azyaşlı qızla izdivaca girməyin
icazəliliyinə dair fiqhi görüşü göstərir. İctihadda söz sahibi olanların az qala yarısı bu kimi izdivaca icazə
vermişdir. Ancaq Həsən Cabirə görə, belə izdivaca icazə vermək insanın, şərəfinə, möhtərəmliyinə zidd
məsələdir. Belə icazəyə isə əlaqədar dini mətnin mövcudluğu ilə yanaşı, onun bütöv rasional baxışa
imkan verməyəcək dərəcədə “qapalı” olduğunu düşünmək səbəb olmuşdur. Quran ayələri zəruri edir ki,
insana ehtiram göstərilsin, onun seçim və iradə azadlığı təmin edilsin. Bu haqqın qəsb edilməsi hər halda
dini mətnlərin ümumi prinsipi deyildir!
2
Taha Cabir əl-Ülvani. Müqəddəmə fi islamiyyə əl-mə`rifə (Düşüncənin islamlaşdırılmasına giriş).
Beyrut, “Dar əl-Hadi” nəşriyyatı, 2001, səh. 86.