Filologiya
məsələləri, № 7, 2017
350
universitetləri ilə müqayisədə çox yüksək səviyyəyə sahib idi. Bu səbəblə
bəzi ingilis səyyahları və tələbələri elm öyrənmək üçün bu bölgələrə səyahət
etməkdə, Qərb dünyası İslam-Ərəb universitetlerinin metodlarından istifadə
etməkdə idi. İstifadəsi çox çətin olan Roma rəqəmlərinin Ərəb rəqəmləri ilə
dəyişdirilməsi bunun bir örnəyidir. Xüsusilə riyaziyyat, fizika və kimya
sahəsində Ərəblərin kəşflərinin çoxu eyni ilə İngilis dilinə keçmişdir.
Məsələn İngilis dilində ki cəbr (algebra) və kimya (chemistry) terminlərinin
Ərəb mənşəli olması, İslam mədəniyyəti ilə İngilis mədəniyyəti arasındakı
yaxın əlaqəni göstəricisidir. (4. 19-20).
Bu münasibətlərin qurulmasında ən mühüm vasitə İngilislərin dəniz
sərhədləri ilə uzun müddət Müsəlmanlarla qonşu olması olmuşdur. Əndəlüsdəki
yüksək İslam mədəniyyəti, qonşu ölkələrin diqqətini cəlb etmiş, İslamı və təbii
elmləri öyrənmək üçün İspaniyaya gedən İngilis tədqiqatçılar, İngilis
oryantalizminin başlanğıcı sayıla biləcək ilk addımları atmışlar. Bunlar arasında
ilk sayıla biləcək elm adamı Batlı Adelarddır. XII əsrin əvvəllərində İspaniya və
Suriyada uzun səyahətlərdə olan Adelard, Ərəb dilini öyrənmiş və Ərəb
mədəniyyətini incələmiş, bununla yanaşı bir çox Ərəbcə əsəri Latın dilinə
tərcümə edərək, Xristiyan aləminə təqdim etmişdir. (4. 20)
Adelarddan sonra Çesterli Robert, İspaniyaya gedərək riyaziyyat
öyrənmiş və tərcümə fəaliyyəti ilə məşğul olmuşdur. Daha bir şəxs Morlili
Daniel İngilis universitetlərindən razı qalmayaraq "kainatın daha güclü
filosoflarını" tapmaq niyyəti ilə Əndəlüsdə səyahət etmişdir. Danielin
İngiltərəyə gətirdiyi bir çox Ərəbcə əl yazması tədqiqatçıların maraq
dairəsində olmuşdur. Demək ki, o gün üçün Ərəb mədəniyyəti İngiltərə ilə
müqayisədə daha irəlidə idi. Bunun təbii nəticəsi olaraq dövrün Qərbli
tədqiqatçıları elm sahəsində faydalandıqları mədəniyyətə qarşı daha
təvazökar olmuş və bu mədəniyyətin böyüklüyü qarşısında öz heyranlıqlarını
gizlədə bilməmişlərdir.
Professional mənada İngilis oryantalist araşdırmalarının başlan-
ğıcının XVII əsr olaraq qəbul olunması məqsədə uyğundur. Çünki bu
tarixdən etibarən oryantalizm tədqiqatları daimi və fasiləsiz bir şəkildə da-
vam etdirilmişdir. 1632 ci ildə Ser Tomas Adams tərəfindən Kembricdə, bu
tarixdən dörd il sonra isə Baş Yepiskop Laud tərəfindən Oksfordda Ərəb dili
kafedraları yaradılmışdır. Beləliklə Ərəb dili bir elm və din dili olaraq İngilis
təhsil sistemində öz yerini almışdır. Laud onun kitabxanasının formalaş-
masına da şəxsən kömək etmişdir. Laudun bu uzaqgörənlyi sayəsində
Oksford qısa müddətdə bir Ərəb və İslam elmləri mərkəzinə çevrilmişdir.
Nəticə etibarı ilə Oxford, İslam araşdırmaları sahəsində bugün də irəli bir
dərəcəyə sahibdirsə bunun səbəbi Laudun uzaq görənliyidir. (4.22).
Erkən dövr İngilis oryantalizmi XV- XVI əsrləri əhatə edir. Bu dövr daha
çox səyyahlar və din adamlarından ibarət tədqiqatçıların ön plana çıxdığı bir