Filologiya
məsələləri, № 7, 2017
343
peyğəmbərin və səhabilərinin iş və sözləri ilə bağlı xəbər mənasında işlənmişdir.
Müsəlmanların dini nağıllarının hamısına birlikdə bu ikinci mənada olaraq hədis
və bununla bağlı elmə də - elmül-hədis deyilir” (11, 2 39).
Hz.Məhəmmədin (s.a.s) həyat tərzi, söz və işi ilə əlaqədar rəvayət,
məlumat və xəbərlər hədislərin əsas rüknünü, əsas məğzini təşkil edir.
Hədisləri
mövzu dairəsinə, toxunduğu problemlərin
əhatəliliyinə görə heç bir
humanitar sahə ilə, heç bir ədəbi janr ilə, heç bir tarixi əsərlə müqayisə
etmək olmaz. Hədislər insan fərdinin ən adi əxlaq normalarından, həyat və
məişət problemlərindən tutmuş, dini ehkamlara qədər, yüksək dövləti
siyasətə qədər çoxcəhətli, rəngarəng və zəngin məsələləri özündə ehtiva edir.
Elə bu əvəzsiz mahiyyət və əhəmiyyətinə görə idi ki, islam aləmində
hədislərin toplanması, şərhi xüsusi elm sahəsinə çevrilmişdir.
Hədislər öz yığcamlığı, mövzu konkretliyi ilə daha çox tövsiyə,
nəsihət, dəvət və yönəltmə xarakteri ilə atalar sözlərinə çox yaxındır. Onların
əzbərlənib sürətlə yayılmasının əsas səbəbi də forma və məzmunundakı
məhz bu keyfiyyət idi (6, 42).
Ancaq sonrakı dövrlərdə hədis kitablarının hamısında hədislər
mövzularına görə sıralanmışlar ki, belə əsərlərə “müsənnəf” (təsnif edilmiş)
deyilir. Müsənnəflərin özləri də iki qismə bölünür: camelər və sünənlər.
Bütün dini mövzularla bağlı hədisləri özündə birləşdirən əsərlər came,
təharətdən vəsiyyətə qədər bütün fiqhi mövzulara aid hədisləri ehtiva edən
məcmuələr isə sünən adlanırdı.
Sonralar çoxlu sayda hədis məcmuələri tərtib olunsa da, onların
əksəriyyəti başlıca olaraq “Altı kitab”dan istifadə yolu ilə yazılmış kitablar
idi. Həcm etibarilə müxtəlif olan bu kitablar içərisində “Hədisi-Ərbəin” (qırx
hədisi ehtiva edən məcmuələr) adı ilə tanınan toplular da xüsusi yer alır.
“Hədisi-ərbəin” məcmuələri şəkil, məzmun və mövzu baxımından
müxtəlifdir. Şəkil baxımından “Hədisi-Ərbəin” topluları üç hissəyə ayrılır:
nəsr, nəzm və nəsr-nəzm növbələşməsi ilə yazılanlar. Məzmunun şəkli
(ümumi görünüşü) baxımından da “Hədisi-ərbəin” məcmuələri üç yerə
bölünür: 1) yalnız hədis mətnləri; 2) qısa izahlar və ya tərcümə və
izahlarla hədis mətnləri; 3) ayət və hədislər və ya nəsihət və hekayətlərlə
qüvvətləndirilənlər (7, 10-11).
3. İmam Əli ibn Əbi Talibin hikmətli kəlamlarından ibarət olan
“Nəhcül-bəlağə” kitabı da “ədəb” janrının əsas ideya-estetik qaynaqlarından
biridir. “Nəhcül-bəlağə” Əli ibn Əbi Talibin söylədiyi xütbə, yazdığı məktub
və hikmətli kəlamlarıdır. “Nəhcül-bəlağə” əsəri Allahı vəsf edən bir
xütbədən başlayır və insanları Allahın varlığına inanmaq, ona başlanğıc,
ədəbi, dəyişməz və ilahi qüvvə kimi baxmaq və onun qanunlarına riayət
etməyə çağırır. İmam Əli bu əsərdə Allahın Rəsulunu və “Qurani-Kərimi”
vəsf etmiş, insanlara həyatda hər çətinliyi səbrlə qarşılayan Məhəmməd
Filologiya məsələləri, № 7, 2017
344
Peyğəmbər kimi yaşamağı tövsiyə edir. “Nəhcül-bəlağə” hekayətləri sadə və
ümumi dildə yazılmış bir əsərdir. Kitabdakı dastanlar siyasi-iqtisadi, əxlaqi-
ictimai və dini sahələri özündə əhatə etmişdir. “Nəhcül-bəlağə”də başqa
mövzularla birgə ədəb mövzusuna da geniş yer verilməsi “ədəb” janrının
əsas ideya-estetik qaynaqlarından olmasına gətirib çıxarır.
Ərəb-islam ədəbiyyatı tarixində nadir şəxsiyyətlərdən biri olan gözəl
xətib, filosof, şair Əli ibn Əbi Talibin (ə) hikmətli kəlamlarından ibarət olan
“Nəhcül-Bəlağə” kitabı da “ədəb” janrının əsas ideya-estetik qaynaqlarından
biridir. “Nəhcül-Bəlağə” Əli ibn Əbi Talibin (ə) söylədiyi xütbə, yazdığı
məktub və hikmətli kəlamlarıdır. Böyük alim Seyid Rəzi Məhəmməd ibn
Əhməd (h.q 359-406) hicri qəməri tarixi ilə 400-cü ildə İmam Əlinin (ə)
xütbə, kəlam və məktublarını toplayıb adını “Nəhcül-Bəlağə”
adlandırmışdır. “Nəhcül-Bəlağə”-nin lüğət mənası “bəlağətin yolu” və ya ”
aydın, gözəl danışmağın yolu” deməkdir (10,6). “Nəhcül-Bəlağə” əsəri
Allahı vəsf edən bir xütbədən başlayır və insanları Allahın varlığına
inanmaq, ona başlanğıc, ədəbi dəyişməz və ilahi qüvvə kimi baxmaq və
onun qanunlarına riayət etməyə çağırır. İmam Əli (ə) bu əsərdə Allahın
rəsulunu (s) və ali kitab “Quranı” vəsf etmiş, insanlara həyatda hər çətinliyi
səbirlə qarşılayan Məhəmməd Peyğəmbər (s) kimi yaşamağı tövsiyə edir. Əli
ibn Əbi Talibin (ə) xütbələri özünün gözəl bədii xüsusiyyətləri ilə
fərqlənərək, insan və təbiət gözəlliklərini bədii ifadələrlə, məcazlarla təsvir
edir. “Nəhcül-Bəlağə”-nin məzmunu və mətni üç hissədən ibarətdir:
I hissə 241-242 xütbədən ibarət olub, İmam Əlinin (ə) müxtəlif
hadisələr və şəraitlə bağlı etdiyi söhbətlərdir.
II hissə 78-79 məktubdan ibarət olub, İmam Əlinin (ə) müxtəlif
şəxslərə yazmış və onları
düzgün yola, gözəl işlərə yönəldən məktublarıdır.
III hissə isə 480-489 hikmətamiz sözdən ibarət olub, İmam Əlinin (ə)
müxtəlif yerlərdə söylədiyi əxlaqi, elmi, tarixi, psixoloji və digər hədislər
yığımıdır.
“Nəhcül-Bəlağə” hekayətləri sadə və ümumi dildə yazılmış bir əsərdir.
Burada müxtəlif dastanların əksəriyyəti İmam Əlinin (ə) xilafəti dövründə
baş verib. Kitabdakı dastanlar siyasi-iqtisadi, əxlaqi-ictimai və dini sahələri
özündə əhatə etmişdir (10,7).
“Nəhcül-Bəlağə”-də başqa mövzularla birgə ədəb mövzusuna da geniş
yer verilmişdir. Ədəb mövzusunda İmam Əlinin (ə) bu kəlamlarını qeyd
etmək olar:
“Xalqın əxlaqı ilə uyğunlaşmaq kindən və şərdən qorunmaq üçün
vasitədir” (10, 275). “Təqva əxlaqın rəisidir” (10,27).
4. Məlum olduğu kimi, “Min bir gecə” yazılı abidəsi orta yüzilliklərdə
çox məşhur olan nağıllar məcmuəsidir. Bu abidənin “ədəb” janrında yaranan
əsərlərin əsas ideya-estetik qaynaqlarından hesab olunması təbii haldır. Ət-