Filologiya məsələləri, № 7, 2017
16
YEGANƏ ABBASOVA
filologiya üzrə fəlsəfə doktoru
yeganahuseynova@mail.ru
TABESİZ MÜRƏKKƏB CÜMLƏNİN, ALINMA SÖZLƏRİN
KOMPONENTLƏRİNİ ƏLAQƏLƏNDİRƏN VASİTƏLƏR
Açar sözlər: alınma sözlər,leksika, məfhum, fonetik.
Key words: borrowed words, lexical, understanding, phonetical.
Ключевые слова: заимствование слова, лексика, понятие, фонотичис-
кий.
Tabesiz mürəkkəb cümlənin komponentləri bir-biri ilə semantik, qram-
matik və fonetik vasitələrlə əlaqələnir. Komponentlərin mənaca əlaqələnmə-
si, onların sirası, bağlayıcılar və bağlayıcı birləşmələr, işarə əvəzlikləri və
mənsubiyyət şəkilçisi komponentləri ortaq elementləri, onların zamanca
uyuşmaları, komponentlərdə cümlə üzvlərinin eyni sıra ilə düzülməsi və va-
hid intonasiyaya tabe olması kimi vasitələr tabesiz mürəkkəb cümlənin təş-
kilinə xidmət edən əsas vasitələrdir.
Tabesiz mürəkkəb cümlələri təsnif edərkən komponentlərin mənaca
əlaqəli olmasını birinci növbədə nəzərə almaq lazımdır. Bununla yanaşı, hər
hansı məna əlaqəsinin formalaşmasına kömək edən qrammatik vasitələri də
nazərdən qaçırmaq olmaz. Bu vaxta qədər qrammatika yazanlar tabesiz mü-
rəkkəb cümlələri ya onları komponentləri arasındakı məna əlaqələrinə görə,
ya da onları bağlayan bağlayıcılara görə bölmüşlər. Bağlayıcılara görə böl-
mək özünü doğrultmur, çünki bir bağlayıcı bir neçə məna əlaqəsində işlənə
bilir. Ona görə də bölgü formal xarakter daşıya bilər. Komponentləri məna
əlaqələrinə görə bölmək daha əlverişlidir.
Tabesiz mürəkkəb cümlənin qurulmasında komponentlərin sıralaması-
nın çox böyük rolu vardır. Məlum olduğu üzrə, danışan şəxs öz fikirlərini
müəyyən məntiqi ardıcıllıqla tərtib edir və o qayda ilə də başqalarına bildirir.
Tabesiz mürəkkəb cümlənin komponentlərinin qarşılıqlı əlaqəsi sayəsində
ifadə edilən müxtəlif mənalar məhz möhkəm sıra sayəsində meydana çıxır.
Möhkəm sıra olması, səbəb nəticə,aydınlaşdırma və s kimi mənaları yarat-
maq və ifadə etmək olmaz. Zahirən belə görünə bilər ki, sadalama əlaqəsin-
də, xüsusən də komponentləri eyni olmayan bir düzülüş sisteminə malikdir.
Lakin həqiqətdə isə orada da müəyyən qanunlar özünü göstərir və daha əhə-
miyyətlisi qabağa salınır.
Tabesiz mürəkkəb cümlənin komponentlərini əlaqələndirməkdə bağ-
layıcıların və bağlayıcılı birləşmələrin mühüm rolu vardır. Bunlar kom-
Filologiya məsələləri, № 7, 2017
17
ponentlər arasında məna münasibətinə müvafiq olaraq işlədilir. Mürəkkəb
cümlənin komponentləri arasında aşağıdakı tabesiz bağlayıcılar işlədilir:
1.-da-da // -də-də,-da// də bağlayıcısı:
Dolu da ötüşdü, külək də keçdi (B. Bayramov); Nəriman oxudu, acıqlı-
acıqlı həkimin üzünə baxdı, həkim də ona göz yetirdi (Mir Cəlal) .
2. və bağlayıcısı:
Ümumən çox hay-küy düşüb və narazı olan adamlar fürsət tapıb, aranı
qızışdırıblar ( M. İbrahimov); Qapı açıldı və ev sahibinin qulluqçusu otağa
girdi.
3. isə bağlayıcısı
Şamxal evdən köçəndən sonra Zərnigar xanım bir küncə çəkilib
ağlayır, Salatın isə qorxusundan gözə görünmürdü (İ. Şıxlı). Yanıma gələnlər
əlini üzüb gedir, həkim isə bir şey aşkar edə bilmədiyi üçün başını bulayıb
çıxırdı (B. Bayramov)
4. ancaq, amma, lakin bağlayıcısı
Şəhərin özündə şirin quyulardan başqa, ikinci su mənbəyi Çuxur
məhəllədəki Mehralı bəy bulağı idi, ancaq bu bulağın suyu şor idi
(Y.V.Çəmənzəminli). Qafilə qala qapısını çoxdan tərk etmişdi, lakin hələ də
ikiqat qalmış keşikçilər razılıq etməkdə idilər (Y.V.Çəmənzəminli).
5. yəni bağlayıcısı
Ara qarışan kimi oldu yəni elə bil Şərəf ananın özü də, ona verilən sual
da arada itdi (B. Bayramov).
6. gah-gah da bağlayıcısı
Elə bil gah ayaqlarım yerdən üzülürdü, gah da torpaq məni çəkirdi,
aparmaq istəyirdi (B. Bayramov).
7. həm-həm (də), həm də bağlayıcısı
Qız həm qorxudan sərsəmləmişdi, həm də soyuqdəymə ciyərlərinə
işləmişdi (B. Bayramov).
8. nə-nə (də) bağlayıcısı
Nə anam dillənir, nə də mən düşüncələrimi dağıtmaq istəyirdim
(B.Bayramov).
Əvəzliklərdən o, bu, və onların müxtəlif halları sonrakı komponentdə
işlədilir, digər bağlayan vasitələrlə yanaşı, komponentlərin əlaqələnməsinə
xidmət edir.
Dilini bilmədiyim adamları nəfəsindən başa düşürdüm, onlar da məni
dərhal anlayırdılar (B.Bayramov).
Bəzən bu vəzifəni birinci komponentdəki xüsusi ismə qarşı işlənən
ümumi isim də yerinə yetirir.
Sonrakı komponentdə işlənən mənsubiyyət şəkilçisi (III şəxsdə) əvv-
əlki komponentdəki ismi təkrardan azad edir və onu dinləyiciyə xatırladır.
Filologiya məsələləri, № 7, 2017
18
Anamın qaşları çatıldı, baxışlarında kədərlə-ələmlə iftixar hissi bir-birinə
qarışdı (B.Bayramov).
Tabesiz mürəkkəb cümlədə kompomentlərin əlaqələnməsində ortaq
cümlə üzvlərinin və cümlə üzvü olmayan sözlərin də mühüm rolu vardır. Hər
bir komponentə cümlə üzvləri, ara sözlər və ədatlar eyni dərəcədə aid olur.
Daha çox işlənən ortaq üzvlər zərfliklərdir. Bundan əlavə, tamamlıq və
təyinin də ortaq işlənən vəziyyəti müşahidə edilir.
1) Ortaq yer zərfliyi
Yaylaqda həm səliqə yaranar, həm də rahatlıq olar (B.Bayramov).
2) Ortaq zaman zərfliyi
Səfəri görəndə için-için yanar, dilavələr hörmət edər, qocalar isə
igidliyi və mərdliyi üçün onu çox sevərdilər (Y.V.Çəmənzəminli)
3) Ortaq tərzi-hərəkət zərfliyi
Birdən qulaqbatırıcı gurultu eşidildi, ayaqlarımızın altında yer titrədi
(B.Bayramov)
4) Ortaq səbəb zərfliyi
Onun istisindən çöllərin otu quruyur, biçilib qurtarmamış zəmilərin
sünbülləri yerə töküürdü (M.İbrahimov).
5) Ortaq məqsəd zərfliyi
Oxumaq üçün mən Bakıya gəldim, qardaşım isə Kirovabada getdi.
6) Ortaq tamamlıq
Bunu mən çox gözəl bilirəm, ancaq anam bilmir...(B.Bayramov)
2. Ortaq ara sözlər
Deyirəm, bəlkə, duman açıldı, aydınlıq oldu (B.Bayramov). İntəhasız,
dava var uzun olur, dava var qısa (Mir Cəlal).
3. Ortaq ədat
Yalnız çəyirtkələr ora-bura uçuşur; cırcıramaların laylalı səsi
kəsilmirdi (M.İbrahimov).
Ədat digər ortaq üzvlərlə birlikdə də işlədilə bilər:
Bəs nə üçün o böyüdükcə atası qeydkeş və iztirablı görünür, anası
həyəcanlı bir ürəklə başının üstündə titrəyir? (M.İbrahimov).
4. Ortaq bağlamalar və şəkilçilər
Maq-qara özünü kölgəliyə verib köyşəyir, quşlar budaqlarda gizlənir,
itlər dilini bir qarış çıxararaq ləhləyirdi (M.İbrahimov). Gah peşəkar artistlər
tamaşa göstərir, gah da özfəaliyyət kollektivləri çıxış edirdilər.
Həmin misallarda hekayə forması şəkilçilərinin, eləcə cəm şəkilçisinin
sonuncu komponentdə iştirak edərək, bütün komponentlər üçün ortaq olması
həmin komponentlərin əlaqəli olmasını təmin edir.Tabesiz mürəkkəb cüm-
lənin komponentləri arasında zaman uzlaşması olur ki, bu da onların əlaqəli
olmasına xidmət edir. Belə ki, əvvəlki komponentdə hansı zaman və ya şəkil
iştirak edirdisə, sonrakı da ona uyğunlaşır.
Dostları ilə paylaş: |