Microsoft Word A. Cemil secilmis eserler temiz variant secilmis eserler 111. doc
Yüklə 1,18 Mb. Pdf görüntüsü
|
Адил Ъямил 164 QIŞDA BAHAR Orda - ilin qış günü, Orda - qışın xoş günü Çiçəklərin gözündən Al günəş boylanırdı. Ləçəklərin gözündən Od-alov paylanırdı. Zərrə-zərrə ümidi Zərrə-zərrə işığı Torpağa bağışlayıb, Torpağı naxışlayıb Yoxa çıxmışdı günəş. Yox, yoxa çıxmamışdı — Dağa çıxmışdı günəş… Zaqalata, fevral, 1980 Сечилмиш ясярляри 165 BİR DƏ YA QİSMƏT Qismətim olmur ki, görəm yazını - Dağlar mənə yaxın, mən uzaq kimi. Çəkim ciyərimə dağ havasını, Yayılsın canıma sarı yağ kimi. Öpüm nərgizlərin xumar gözündən, Qızarsın lalənin üzündə ismət. Haçan bir də keçəm Meydan düzündən, Haçan yolum düşə bir də, ya qismət… Ağlayım dağılmış quş yuvasına, Uçan «divarını» hörəsi olum. Qarışıb meşənin yaz havasına Bir yuva ömrünə dayaq olmağa Çevrilib bir ağac pöhrəsi olum. O Cinli qayanı nişangah edim, Cinləri «dağılsın» qayanın qəfil… Bulaq laylasına yuxuya gedim, Tərtər qıyyasına oyanım qəfil. Dalğası durulan çay «güzgüsündə» Yenə «kefli» görüm o balıqları. Meşə kölgəsində, qaya üzündə Axtarım elləri, obalıqları. Gözümü açanda görüm ki, indi Evlər «addımlayır» üzü sabaha; Mənim ürəyimə sığışan kəndim Dağların köksünə sığmayır daha… 1983 Адил Ъямил 166 ÇİÇƏKLƏR ÜŞÜYÜR Payız küləyinin buz nəfəsiylə Çiçəklər üşüyür soyuq talada. Bu soyuq çəməni öz nəfəsiylə İsidə bilməyir Allahtala da… Çiçəklər üşüyür, üşüdür məni Bu soyuq talanın soyuq havası. Bir təzə ümidlə yaşadır məni Körpə çiçəklərin «həyat davası». Çiçəklər ağlayır gözündə şəbnəm — Axı çiçəyin də çiçək dərdi var… Çiçəyin baxtına biçilib bu qəm, Tikana dəyməyə kimin həddi var?.. 1979 Сечилмиш ясярляри 167 DAĞ HAVALI DÜŞÜNCƏLƏR Qovuşduğum bu yaşıllıq Kəndimizin meşəsidir. Qayaları oyub çıxan Palıdların rişəsidir. Dağ başında meydan salan Buludları heydən salan, İldırımı göydən salan Qayaların tişəsidir. …Deyirlər ki, çoban Nağı Küsdürübdür Murovdağı… Barışmasa göy qurşağı Göy tağından düşəsidir. Gədikləri daşdan aşmaq, Zirvələri başdan aşmaq, Bu dağlarda başqalaşmaq Dağ oğlunun peşəsidir. 1976 Адил Ъямил 168 TƏRTƏR ÇAYI Taleyimdən bir çay axar, Axıb gedər xısın-xısın, Çiçəkləyər yosun-yosun. Gileyimdən bir çay axar – Çay deyilmiş bu pir olmuş; Kəndimizə gedən yolmuş… Ürəyimdən bir çay axar – Mən bu çaya təşnəyəmmiş, Mən bu çaysız heç nəyəmmiş… 1979 Сечилмиш ясярляри 169 HEYİF O dəli ildırım ilan diliylə Palıdın bağrını yeyib ki, yeyib. Saralmış saplaqdan sallanıb bahar, Ağaclar payızı geyib ki, geyib. Saralıb yaşılbaş sonalar burda - Ovçu ova çıxsa yanılar burda… Harasa köç edən durnalar burda Vida nəğməsini deyib ki, deyib. Dərəyə sığmayır çayın gileyi, Torpağı yalayır payız küləyi. Əsir ağacların yarpaq ürəyi - Saralan çöllərə heyif ki, heyif… 1979 Адил Ъямил 170 BU MEŞƏ BƏNZƏMİR BİZİM MEŞƏYƏ Meşəyə kollardan «sərhəd» çəkiblər, «Sərhəd» kollarının başı qırxılı. Əlləşib əl ilə meşə əkiblər Torpağı ütülü, daşı qırxılı, Bu meşə bənzəmir bizim meşəyə. Əl ilə göyərən ağac bitimi Meşə görən üçün meşə deyilmiş… Çoxları çox yerdə görməmiş kimi Ağac sıxlığına «meşə» deyirmiş - Bu meşə bənzəmir bizim meşəyə. …Bəzən ağaca da ağac tay deyil, Bu kök ağacların kökü dayazdır. Ucalan ağaclar ucaboy deyil, Düzünü axtarsan uzundrazdır - Bu meşə bənzəmir bizim meşəyə. Çinarlar bu yana çin-çin düzülüb, Qovaqlar o yana «qovulub» qəsdən. «Baş alan» budağın başı üzülüb Xal düşən yarpaqlar «sovulub» qəsdən - Bu meşə bənzəmir bizim meşəyə. Ey vəhşi təbiət, qanımda qansan - Fayda yox bəslənmiş quş iliyindən… Qoynundan yarımçıq çıxarmış insan Təbiət çıxanda vəhşiliyindən - Bu meşə bənzəmir bizim meşəyə… 1982 Yüklə 1,18 Mb. Dostları ilə paylaş:
|