Microsoft Word A. Cemil secilmis eserler temiz variant secilmis eserler 111. doc
Yüklə 1,18 Mb. Pdf görüntüsü
|
Адил Ъямил 224 BÖYÜYƏNDƏ Böyüyəndə özümə yaxşı oyuncaqlar alacağam… Xəyalə Ağlın böyüyəcək sən böyüyəndə - Gəlincik gülməli gələcək sənə. Unutma, uşaqlıq qalır arxada, Oyuncaq gətirmir gələcək sənə. Arzun böyüyəcək sən böyüyəndə, Ay-ulduz olacaq oyuncaqların. Yada düşməyəcək oyuncaq üstdə Məni küçələrdə qoyan çağların. Sözün böyüyəcək sən böyüyəndə, Ağlından gələcək dilindən gələn. Mən bunu səndən də yaxşı bilirəm — Yaxşılıq olacaq əlindən gələn. Atan qocalacaq sən böyüyəndə, O vaxt baxacağam səndə özümə. Bu qəmli təsəlli su çiləyəcək Könül atəşimə, ürək közümə… 1985 Сечилмиш ясярляри 225 DÜNYA, MƏNİ DARA ÇƏKMƏ Gah gündüzəm, gah gecəyəm, Dünya, məni dara çəkmə. Açılası bir qönçəyəm, Ağ günümə qara çəkmə. Bu boranda, qarda nə var - Boran – başsız, qar – dənəvər… Qərib mənəm – yurda nə var, Dağlar, məni ora çəkmə. Birisinin cah-cəlalı, O birinin dərd-məlalı… Kimə qalıb dünya malı, Tamah, məni vara çəkmə. Sinəm dolu, dilim laldır, İnsan ömrü bir xəyaldır… Günəş, məni göyə qaldır, Torpaq, məni gora çəkmə. 1984 Адил Ъямил 226 QƏLBİMİN SELİYƏM, GÖZÜMÜN GÖLÜ Mən öz ürəyimdən başlayan seləm, Ürəyim təntisə selim səngiyər. Vaxtını itirmir vaxtında ölən - Həyat şirin olsa ölüm ləngiyər. Mən öz gözlərimə yığışan göləm - Gözümə yığmışam ağrı-acımı. Bilmirəm nə üçün yarandım belə - Ağrıyan ürəyim ağrı acımı? Qəlbimin seliyəm, gözümün gölü, Gör hardan başlayıb, harda bitirəm. Mən də bu aləmdə bir novruzgülü- Baharın eşqiylə qarda bitirəm… 1986 Сечилмиш ясярляри 227 HEÇ NƏ Bəşər ağacıyam, torpaq köklüyəm, Torpağa tay olmaz yanımda heç nə. Budağım xor baxsa kökümə bir gün İlkim də heç nədir, sonum da heç nə. Mən elə dərdliyəm - bənzərim yoxdur, Xalqa əsər edən əsərim yoxdur… Sıyrılsam qınımdan kəsərim yoxdur, Çəkilsəm qınıma - qınım da heç nə. Ayrılsam ilhamın qol-qanadından, Düşsəm inadımın bədöy atından, Danışa bilməsəm elin adından Adım da heç nədir, sanım da heç nə… 1986 Адил Ъямил 228 *** Ömür bölüm-bölümdür, Yuxu da bir ölümdür. Kirpiyim keşik çəkir Gözümün sərhəddinə - Bu sərhəddi pozmağa Bu yuxunun həddi nə… Bu gecənin ömrünü Bada verən deyiləm. Yuxu kimi yağıya, Yada verən deyiləm. Üzümün ünvanında, Gözümün ümmanında Kor yuxu köç salmağa Ada verən deyiləm, Bu gecənin ömrünü Bada verən deyiləm. Bəsdir yatdım il boyu - Xəyallarla qol-boyun… Ömrüm yarı yoldadır, Yatıbmışam yol boyu. Yatıbmışam sən demə, Zəndimə bax, zəndimə… (Baxıb yatdığın ömrə Oğulsansa təntimə…) Сечилмиш ясярляри 229 Düşünürkən özüm - düz, İşim - niyə tərs gəldi? Ulu səslər içindən Qulağıma səs gəldi; - Ay oğul, hər yatana Buta verən deyiləm… 1985 Адил Ъямил 230 BƏLƏDÇİNİN TƏQDİMATI - Gördüyünüz bu qalanı Bir zaman türklər dağıdıb; Çölünə bax - oyum-oyum, İçinə bax - parça-parça. İlim-ilim itdiyindən ilmələri Məhlim deyil divar-xalça. Bu körpünü türklər basıb - Əyilməyən tağı varmış, Yenilməyən çağı varmış… …O, danışır…düşünürəm Nə yaxşı ki, yer üzündə Türklər kimi «yağı» varmış - Yoxsa yersiz bu böhtanlar Hansı millətin adına, Ünvanına yapılardı? Özü uçan bu qalanın, Özü gələn bu bəlanın Kökü harda tapılardı?.. Kutaisi, 1985 Сечилмиш ясярляри 231 NƏ YAXŞI İlahi, nə yaxşı şair doğuldum - Hər gün soğan kimi soyan var məni. Kiminsə hardasa düşməniyəmsə Deməli hardasa sayan var məni. Vermişəm ömrümü qələm-kağıza - Söz ömrüm uzundur, öz ömrüm qısa… Salıb «söhbətimi» dildən ağıza Özündən xəbərsiz yayan var məni. Payız yağışında, yay qurağında, Dəniz sahilində, çay qırağında, Ulduz işığında, ay çırağında Uzaqdan uzağa «duyan» var məni. Yolçuluq çətinmiş nədən bu yolda, Tapılan bu yolda, itən bu yolda. Olumdan ölümə gedən bu yolda İkicə şahıya qıyan var məni. Sinəmə dağ boyda «dağlar» qoyaraq, Könlümə «amanlar-ahlar» qoyaraq, Gülən taleyimi «ağlar» qoyaraq, Gözümün yaşında «yuyan» var məni. Mini dostum olub, yüzü düşmənim, Özünə düşməndir özü düşmənin. Deyirəm kor olsun gözü düşmənin - Öpüb göz üstünə qoyan var məni… 1984 Yüklə 1,18 Mb. Dostları ilə paylaş:
|