Microsoft Word A. Cemil secilmis eserler temiz variant secilmis eserler 111. doc
Yüklə 1,18 Mb. Pdf görüntüsü
|
Сечилмиш ясярляри 171 *** Saflığına diz çökdüyüm Qız baxışlı buz bulaqlar, Hara getdim bu dünyada Ürəyimlə tapışdınız, Ətəyimdən yapışdınız, Gedirkən gedə bilmədim — Axışınız tutdu məni. Başım üstdə boz buludlar, Başımın kölgəsi təki Sizdən qaça bilmədim mən. Hara getdim, hardan gəldim Yağarlıq «ölkəsi» təki Yağışınız tutdu məni. İldırım döymüş palıdlar, Qabığı dəymiş palıdlar, Dərdiniz dərdim olalı Gövdəniz elə böyüdü Koğuşunuz tutdu məni… Sevmədiyim qara qızlar, Xəyalımdan çox baxdınız Baxışınız tutammadı, «Naxışınız» tutammadı, Qarğışınız tutdu məni… Tutquçayın tutqun çağı Tor atıban tutmadığım — Günahına batmadığım Xallı-pullu balıqlarım, Alxışınız tutdu məni!.. 1982 Адил Ъямил 172 DAĞDAN BİR ATLI GƏLDİ Dağdan bir atlı gəldi – Ayrılıb səmanın ayaz donundan, Sıyrılıb dumanın bəyaz qınından Bəyaz köhlənini oynatdı gəldi. Dağdan bir atlı gəldi – Günəşin nurundan nəmər istədi; Göyün qurşağından kəmər istədi, Buluddan bir salxım qopartdı gəldi. Dağdan bir atlı gəldi – Qayalar qorxudan paralandılar, Zirvələr yol verib aralandılar, Dağları yuxudan oyatdı gəldi. Dağdan bir atlı gəldi – Bu dəli gəlişdən dəyişdi zaman, Oğlan Koroğluya bənzədi yaman, Köhlən elə bildim Qıratdı gəldi… 1978 Сечилмиш ясярляри 173 LÖVHƏ Dağların boynuna dolanan cığır Torpaqdan göyərən göy sətir imiş… Soyuq daş altından isti su çıxır, Yan-yörəm əfsanə, əsatir imiş… Bu gözütoxluğa eylədim heyrət — Quşların əl boyda yuva bəsiymiş… Mağara içindən boylanan zülmət Vecsiz vəhşilərin vahiməsiymiş… «Boğduğum» canavar, «vurduğum» ayı Uşaq qürurumda bitən yalanmış. Qayanın dibini oyan dağ çayı Özünə yol açan gümüş ilanmış… Şirinli-acılı o illərimin Uşaqlıq izləri itib talada. Nəsili quruyan dağ kəllərinin Buynuzu göyərib bitib talada… 1983 Адил Ъямил 174 YÜZBULAQ «Su» deyənin dondurursan dilini, Yalayırsan göy çəmənin telini. Bu dağların çiçəyini, gülünü – Mirvaritək yığ boynuna düz, bulaq – Yüzbulaq. *** Yüz bulağın yüzündən də içmişəm, Dəlidağı bir nəfəsə keçmişəm… Sən olmasan, zirvələrdə heçmişəm, Sərin-sərin ürəyimə süz, bulaq – Yüzbulaq. *** Payız bizi aparanda arana, Tənha qalıb düşsən qara, borana, Yetimləşib buz bağlama «yarana», Qış gətirən ayrılığa döz, bulaq – Yüzbulaq. *** Hər damlanın özü qalar qanımda, Həsrətinin közü qalar canımda. Hara getsəm qaynayarsan yanımda, Qəriblikdən əllərini üz, bulaq – Yüzbulaq. 1977 Сечилмиш ясярляри 175 UMU-KÜSÜ Uşaq idim…çağırdılar İməklədim əllər boyu. Boyum qalxdı… tərs quzumu Qaçıb tutdum sellər boyu. Tale məni məndən aldı, Şəhər məni kənddən aldı… Mənə olan dərddən oldu - Hey ağladım yollar boyu. Fikrim oldu pərən-pərən - Küsdü məndən dağım, dərəm. Əl uzatdım bir gül dərəm Tikan gördüm güllər boyu. Bir gün o kənd məni çəkdi, Ya yuxuydu, ya gerçəkdi; Gördüm anam ağbirçəkdi - Dərd düzülüb tellər boyu. Bu nə görüş, bu nə fürsət — Zalım tale verməz rüsxət; Anamıza həsrət-həsrət Yaşayırıq illər boyu… 1980 Адил Ъямил 176 QAYALIQDA BİTƏN MEŞƏ Taxça-taxça qayalarda Öz baxtının açığına Tac qoyub taxta çıxmısan, Qayalıqda bitən meşə… Sıldırımlar qucağında, İldırımlar ocağında Qorxa-qorxa puçurlayıb, Qorxa-qorxa yarpaqladın… Qayalıqda bitən meşə, Söylə, necə meşə oldun, Bu dağları eşə-eşə, Bu daşları deşə-deşə? Eh, bəlkə də nə zamansa Tərs babamın şum yerində Bitən tənha ağacsanmış — Babam səni bir ziyankar ağac sanmış və qolundan yapışaraq Tolazlamış bu daşların arasına… Sən də dözüb bu «cəzaya» Yalvarmısan göy fəzaya — Buludların ətəyindən yapışmısan; Bu minvalla yaşamağa alışmısan. Belə-belə, bala-bala törəyibdir nəslin sənin. Qayalıqda bitən meşə, Gör bir necə yaşayıbdır Kökün sənin, Əslin sənin… İndi sənə baxdıqca mən Bilirəm ki, Əcdadının övladısan — Сечилмиш ясярляри 177 Torpaq gəzən boz köklərin Üzə çıxıb; Damarları üzə çıxan Titrək qoca əli kimi… Bu köklərlə qayalardan Yapışmısan zəli kimi - Tufan qopa laxlamazsan Qorxaqlığı, mütiliyi Öz üstündə saxlamazsan… Qayalıqda bitən meşə, Qayaların arasından, Çuxurundan, çalasından Göyərib üzə çıxmısan Yamyaşıl fəvvarə kimi. Ağacların ucaboydur Göydələn minarə kimi… Qayalıqda bitən meşə, Sən bu çopur qayaların Yaşıl rəngli bəzəyisən. Uzaqlardan boylananda Bu dağların Daş ovcunda göyərdilmiş Səməniyə bənzəyirsən!.. 1981 Yüklə 1,18 Mb. Dostları ilə paylaş:
|