Microsoft Word A. Cemil secilmis eserler temiz variant secilmis eserler 111. doc
Yüklə 1,18 Mb. Pdf görüntüsü
|
Сечилмиш ясярляри 157 QAYNA, MƏNİM İSTİSUYUM Yüz illər bundan əvvəl ərəblər İstisuyu «dirilik suyu» kimi tuluqlara doldurub, dəvələrə yükləyib öz ölkələrinə apararmışlar… Qiymətini billə-bilə, Damcı-damcı, gilə-gilə Tuluqlara dodurdular Dəvələrə yüklədilər, Ölkələrə daşıdılar - O şəfakeş nəfəsindən Nəfəs alıb yaşadılar… Qaynağından tüstü çıxan İstisuyum. Buz içindən isti çıxan İstisuyum. Sən bu qaynar nəfəsinlə Neçə qışı əritmisən, Daş tıxanıb boğazına Sən o daşı əritmisən,.. Bu Dəlidağ şahiddir ki, Sən bir atəş bulağısan - qaynar gözün Damcı-damcı alovlanır… Qayna, mənim İstisuyum, - Bir halda ki, qara daşlar qardaşlaşıb İlhamını cilovlamır… 1978 Адил Ъямил 158 GƏLƏNDƏ YAZ İnsanların damarında Sevincindən daşır qanı. Puçurlayıb çiçək açır Ağacların «yaşıl qanı» - Gələndə yaz. Qərib quşlar qürbət eldən Dönüb gəlir yuvasına, Gül-çiçək ətri qarışır Bu dünyanın havasına - Gələndə yaz. Çaylar sığmır yatağına - Burdan vurub ordan çıxır. Bir ilıqca nəfəs üçün Novruzgülü qardan çıxır - Gələndə yaz. Daş da çıxır daşlığından; Torpağa can - nəfəs gəlir! Ömür-gün də təzələnir, Qəlbə təzə həvəs gəlir - Gələndə yaz!.. 1981 Сечилмиш ясярляри 159 *** Başı buludlu zirvələr Ağ dumanı kürk elədi. Bu dağlara arxalanıb Qoyun qurda ərk elədi… Qara yellər qar gətirdi, Buluddan nübar gətirdi. Gün doğuşu yar gətirdi, Qış dağları tərk elədi… Titrədi qar qalaqları, Cingildədi qulaqlarım… Dilibağlı bulaqları Bulaq könlüm dərk elədi. Çiçəyini dərməyənə, Dumanına girməyənə, Qüdrətini görməyənə Ulu dağlar görk elədi… 1983 Адил Ъямил 160 ÇAYKƏND Çaydanmı çıxmısan Çaykəndim mənim? Evi çay daşından, ay kəndim mənim. Çaylaq daşlarından hörüldüyündən Çayın şırıltısı axar yuxuna, Çayın parıltısı baxar yuxuna…. Asma körpülərdən asılan əlim Çayına bir daş da ata bilmədi. Xallı balıqların sakit ömrünə Qorxunu-ürkünü qata bilmədi. Havası çatmayan balıq ürəyim Balıq günahına bata bilmədi… …Çaykəndin çayını coşqun görəndə Demədim süpürüb aparar məni. Dedim kənddən keçir, aparsa nə qəm - El-oba əlindən qoparar məni. Ovcumu doldurdum içəm o çaydan Əllərim çəkildi gümüş suyuna - Bildim ki, nə imiş gümüş suyu, nə… Sısqa bulaqların çay taleyində Dinlədim ətirli dağ nəğməsini, Çəkdim nəfəsimə dağ nəfəsini. Amma çay kəndinə var gileyim də: Bu kənddə sevənlər «sevirəm» deyib Utan-utana eşitdirsələr Utancaq məhəbbət pıçıltısını, Haraylı-həşirli bu dağ çayının Gərək azaldasan qıjıltısını. 1983 Сечилмиш ясярляри 161 «GÖYÇƏ GÜLÜ» Elə çalma, Yaqub dayı, Saz alışar, pərdə yanar. Elə çalma, elə billəm Saz günəşdir — yerdə yanar… Elə çalma, Yaqub dayı, Kənar eylə tilsimini… İki dünyaya vermərəm Mən o sazın bir simini. Ey anamın tək qardaşı, Ey dağların laçın oğlu, Bu havanı elə çalma, Havalanar bacın oğlu… Yetmiş yeddi hava imiş Yeddi simin mələrtisi. Bir pərdədə birləşərmiş Yeddisinin mələrtisi… Elə çalma, Yaqub dayı — Sən çalanda «Göyçə gülü» Yer yarılır, göy çəkilir, Saz ağlayır, Göyçə gülür… 1983 Адил Ъямил 162 *** Niyə solub bu güneylər, Yoxsa bu il yaz olmayıb? Çiçəkləri dolu döyüb, Dərdi, qəmi yazılmayıb… Qara bulud ötüşməyib, Yara palıd bitişməyib. Göbələklər yetişməyib, Çiyələklər qızarmayıb. Şimşək keçib yuxusundan, Tufan «tutub» yaxasından - Yazıq meşə qorxusundan Bircə qarış uzanmayıb.. Bulud kimi dolan mənəm, Göy talası talan mənəm. Çiçəkləri solan mənəm - Ulu dağlar bozarmayıb… 1979 Сечилмиш ясярляри 163 BU YOLLAR Övladlar yolundan çıxmasın deyə Ata ocağından keçir bu yollar. Üzləri ağardan qara torpağın Yaşıl bucağından keçir bu yollar. Dərə darlığından, bulaq başından, Meşə kölgəsindən, qaya qaşından, Obanın qoynundan, dağın döşündən, Elin qucağından keçir bu yollar. Çatar mənzilinə bu yoldan ötən, Tapılmaz bu yolda əriyən, itən. Azad yolçularıq, nə yaxşı, Vətən, Sənin bu çağından keçir bu yollar! Yüklə 1,18 Mb. Dostları ilə paylaş:
|