268
- Polis sistemi haqqında qanunun olmaması işinizə necə təsir
edir?
- Hazırda cinayətkarlığın artdığı bir zamanda polis sistemi
haqqında qanunların olmaması işimizdə ciddi maneələr
yaratmışdır. Günün tələblərini nəzərə almaqla yubatmadan
polis sistemi haqqındakı qanun işlənib hazırlanmalıdır. Bu
günə kimi keçmiş SSRİ dövrünün qanunları əsasında işləyirik.
Bu qanunlar isə artıq bu günün tələblərinə cavab vermir. Polis
işçisi bir sıra imtiyazlardan məhrumdur. Onlar bəzən, hətta,
qanun çərçivəsində belə sərbəst hərəkət edə bilmirlər.
- Hər bir polis rəsinin özünəməxsus iş prinsipi olur. Sizin iş
prinsipiniz necədir?
-Polis rəisi kimi iş prinsipim əmək və icra intizamıdır. Bunların
hər ikisi olan vaxtda qanun şahdır.
“Mühakimə”qəzeti, 1994 - cü il.
269
Şahidlərin təhlükəsizliyinin təmin
edilməsi haqqında qanunvericilikdə heç
bir normativ akt nəzərdə tutulmayıb
(Müsahibimiz Nəsimi rayon Polis İdarəsinin Cinayət
Axtarış Şöbəsinin rəisi, polis podpolkovniki Vaqif
Şərifovdur.
)
-
Vaqif müəllim,respublikamızda yaranmış gərgin ictimai-
siyasi vəziyyət hüquq-mühafizə orqanlarının üzərinə düşən
işin məsuliyyətini daha da artırmışdır. Bu sahədə Sizin
rayonda polis əməkdaşları hansı tədbirlər görürlər?
- Siz respublikamızda ictimai-siyasi vəziyyətin gərgin
olduğunu qeyd etdiniz.Əvvəla,onu deməliyəm ki, biz, polis
işçiləri siyasətə qarışmırıq. Bu barədə nazirimiz də bizə xüsusi
göstəriş verib. Belə ki, polis heç bir siyasi partiyanın üzvü
olmamalıdır. Əgər belə bir şəxs olarsa, onda dərhal həmin şəxs
polis sıralarından xaric ediləcək. Bizim bu gün əsas vəzifəmiz
şəhərdə sabitliyi bərpa etmək, neqativ hallara qarşı barışmaz
mübarizə aparmaqdır. Şəhərdə sabitliyin qorunması sahəsində
rayonumuzun polis əməkdaşları daha çox fəallıq göstərirlər.
Son vaxtlar şəhərə qaçqınların axını ilə əlaqədar olaraq
rayonumuzda gərginliyin yaranması hiss olunmaqdadır. Belə
ki, polis əməkdaşlarımız tez-tez mübahisəli həll olunması
faktları ilə qarşılaşmalı olurlar.
- Bu “mübahisəli məsələlər” konkret olaraq nədən ibarətdir?
270
- Bunlar əsasən qaçqınların icazəsiz olaraq vətəndaşların
evlərini zəbt etməsindən ibarətdir. Bu, mübahisə doğuran
məsələlərin içərisində elələrinə rast gəlinir ki, ev sahibi axşam
işdən qayıdanda görür qapı sındırılıb, evdə isə kənar şəxslər
var.
- Sizcə, bütün bunları “ mübahisəli məsələlər” adlandırmaq
məntiqi baxımdan nə dərəcədə qanunidir?
- Əlbəttə, bu faktlar qanunsuz hərəkət hesab olunur və bizə də
göstəriş verilib ki, bu cür məsələləri qanun çərçivəsi daxilində
həll etməyə çalışaq.
- Bəs belə olan şəraitdə bu “mübahisəli məsələlər”i necə həll
edirsiz?
- Belə olan tərzdə, biz onlarla söhbət zamanı lazımi
qanunçuluğu nəzərlərinə çatdırırıq. Daha sonra bu sahədə
ağsaqqalların köməyindən istifadə edirik. Əlbəttə, onları da
qınamaq olmaz, bütün var-dövlətini qoyub gəliblər. Bunlar bizi
bir insan kimi ağrıtmaya bilməz. Bu ağır dərdə vəzifəsindən,
tutduğu mövqeyindən asılı olmayaraq hamımız şərik olmalıyıq.
- Hamımıza məlumdur ki, əllərdə çoxlu silah vardır.
Silahların yığılması sahəsində sizin şöbənin əməkdaşları
hansı operativ tədbirləri görürlər?
- Silahların yığılması üçün şöbəmiz tərəfindən kompleks
tədbirlər hazırlanıb həyata keçirilir. Belə ki, son 2 ay ərzində 9
avtomat silahı, 5 tapança (müxtəlif növ) 4735 ədəd müxtəlif
patronlar, 103 ədəd əl qumbarası, 3 ədəd AQS qurğusu və
müxtəlif sursatlar müsadirə olunubdur.
271
- Hamımız üçün, eləcə də dünya ictimaiyyəti üçün son dərəcə
təhlükəli olan “ağ ölümə” qarşı sizin rayonda hansı mübarizə
tədbirləri görülür?
- Bu sahədə bizim əməkdaşlar gərgin mübarizə aparır. Elə
bunun nəticəsidir ki, bu ilin 6 ayı ərzində narkomaniya işi üzrə
102 cinayət işi açılıb. Bunlardan 10-u “narkotik maddəni
satan”cinayət işi kimi qeydə alınıbdır. Bu da ən ağır cinayət
hesab olunur.
- Son zamanlar şəhərdə maşın oğurlanması halları sanki
“epidemiya xəstəliyinə” çevrilib. Təbiidir ki, bu faktların
Sizin də rayonda olması istisna deyildir...
- Bəli, maşın oğurlanması faktları bizim rayon üçün də
xarakterik haldır. Yaxın zamanlarda şöbəmiz tərəfindən 6
avtomaşın oğurluğu qeydə alınıb. Bu cinayət işindən 4-ü açılıb.
- Elə hallar olur ki, mürəkkəb bir cinayət işi ilə əlaqədar
istintaqın gedişinə hər vasitə ilə bu işdə “maraqlı tərəflər”
təsir göstərməyə cəhd edirlər. Bu cür faktlarla Sizin şöbəniz
də qarşılaşıbmı?
- Bəli. Belə hallar çox olub. İstintaqın gedişi zamanı müxtəlif
cür hədələr gəlir.Xüsusən, bu zaman şahidləri daha çox
qorxudurlar. Ancaq qeyd etmək istəyirəm ki, belə olan tərzdə
şahidlərin təhlükəsizliyi təmin olunmalıdır.
Təəssüflə deməliyəm ki, bu barədə qanunvericilikdə heç bir
normativ akt nəzərdə tutulmayıb. Eyni zamanda bu akt digər
respublikalarda da yoxdur.
“Mühakimə” qəzeti, 21 avqust 1993-cü il.
Dostları ilə paylaş: | 
