301
nizamnaməsi əsasında qurultay idarə sədri Şeyxülislam Hacı
Allahşükür Paşazadə həzrətlərinin hesabatını dinləyib müzakirə
etməli və yeni Qazılar Şürası seçməklə bərabər, qarşıda duran
vəzifələri müəyyənləşdirilməlidir.
- Qəribədir, dini qurultay, demək olar ki, hər beş ildən bir
keçirilən prezident seçkilərinin növbəti kompaniyası ilə üst-
üstə düşür. Bu, təsadüfidir, yoxsa...
- Bostanda qarpızla qovun, bağda alma ilə armud da, demək
olar ki, eyni vaxtda yetişir. Bu mənada konstitusion bir
dövlətdə prezident seçkiləri ilə qurultayın keçirilməsi və azad
əqidə sahibləri olan Qazılar Şürasının yeni tərkibdə seçilməsi
eyni vaxtda düşürsə, bu, söz yox, təsadüfi hadisədir. Lakin
konstitusiyaya və Qurana əl basıb and içən prezidentlə ürəyi
Allah eşqi ilə dolu olan və hər ibadətində Vətənin və xalqın
səadəti naminə dualar edən qazıların, bütün dindarların və
onların, mən deyərdim, dünyanın bütün müsəlmanları
tərəfindən sevilən dərin zəkalı, uzaqgörən, tədbirli və təmkinli
Şeyxülislamı hörmətli Hacı Allahşükür Paşazadənin birlikdə
bütün səy və arzuları ölkəmizin rifahı, müstəqilliyi və qüdrətilə
bağlıdırsa, bu, sevindirici haldır. Hər ölkədə belə deyil. “Pis
gözə tikan batsın”, deyiblər. Məgər bu birliyə həsəd aparanlar
və dövlətlə dini qarışdırmaq istəyən qüvvələr azdır? İstər
hakimiyyət hərisi olan qüvvələr, istər onları qızışdıran xarici
düşmənlərimiz.
- Prezident Heydər Əliyev cənablarının dinə münasibəti
barədə...
- Bu barədə məsləhət bilərdim “İrşad” İslam Araşdırmaları
Mərkəzinin direktoru, fəlsəfə elmləri doktoru, professor Rafiq
Əliyevin “Heydər Əliyev, din və mənəvi dəyərlər” kitabını
tapıb oxuyasınız. Gözəl kitabdır.
302
Müstəqil Azərbaycanda dinə və dinlə bağlı mənəvi dəyərlərə
münasibət məsələsində dövlətin mövqeyinin mahiyyəti və əsas
yönümləri Prezident Heydər Əliyevin müxtəlif yığıncaq və
toplantılarda müxtəlif münasibətlərlə söylədiyi fikirlərində öz
yığcam və konkret ifadəsini tapmışdır. Müəllif möhtərəm
Prezidentin son illərdəki çıxış və nitqlərində din və mənəvi
dəyərlərlə bağlı fikirlərini izləməklə həmin mövqeyi
açıqlamağa çalışmışdır. Müəllif göstərir ki, bu gün Azərbaycan
öz sivilizasiyalı inkişafı üçün dünyəvi dövlət quruculuğu
yolunu seçmişdir. Prezident Heydər Əliyev Azərbaycanın
inkişaf yolunu belə səciyyələndirir: “Ümumiyyətlə, bilin,- biz
Azərbaycanda demokratik, hüquqi, dünyəvi dövlət qururuq. Bu
müstəqil Azərbaycanın gələcək yolunun ana xəttidir, indiki
ifadə ilə desək, strateji yolumuzdur. Çünki bu, xalqımızın
gələcəyi üçün ən düzgün və xalqımızı səadətə aparan ən ağıllı
yoldur. Biz bu yolu seçmişik və bu yolla gedirik.” Bu hər
şeydən əvvəl Azərbaycanda dövlətin dindən ayrı olduğunu
nəzərdə tutur. Lakin vətəndaş, bütövlükdə isə millət dindən
ayrı deyildir.
Müstəqil Azərbaycanın tutduğu bu yol millətin özünü
dərindən dərk etməsini tələb edir, milli özünüdərk isə öz
növbəsində millətin ictimai fikrinə, fəlsəfəsinə, adət- ənənəsinə
müraciət edilməsini labüd edir, çünki burada bir tərəfdən milli
substansiyanın - zatın özünüdərki, təcrübəsi, digər tərəfdən isə
bu zatın nisbətən güclü və aydın təzahürləri cəm olmuşdur.
-Keçmişin mənəvi dəyərlərindən danışanda bizim ölkəmiz,
müsəlman ölkəsi kimi, bütün dəyərlərimizi əxz etməlidir? Bu,
geriyə qayıtmaq deyilmi?
- Mən buna da professor Rafiq Əliyevin sözləri ilə cavab
vermək istəyirəm. O, bu barədə yazır: “Müsəlman ölkəsi kimi
Azərbaycan şəraitində varislik prosesində eyni sosial psixoloji
varislik mexanizmi vasitəsilə keçmişin gözəl əxlaqi dəyərləri
303
ilə yanaşı, o dövrün sosial bəlaları - çoxarvadlılıq, müvəqqəti
nikah forması kimi siğə, qızların erkən vaxtlardan məktəbdən
təcrid edilərək ərə verilməsi, qadın hicabı, dini təəssübkeşlik,
mövhumat və xurafat da müasir nəsillərin şüuruna və əməli
həyatına yol tapır. Dini ənənələrə münasibətdə mövqeləri
müəyyən edərkən bu amili nəzərə almamaq düzgün olmazdı”.
- Bu sahədə Qafqaz Müsəlmanları İdarəsinin Elmi- Dini
Şürası nə işlər görür?
- Elmi-Dini Şüranın fəaliyyəti müsbət mənada çox əhatəli və
genişdir. Şüraya tanınmış teoloq, həqiqətən misilsiz din alimi
olan professor Vasim Məmmədəliyev rəhbərlik edir. Söz yox,
şüraya ümumi rəhbərlik Şeyximiz tərəfindən həyata keçirilir.
Biz şura üzvləri, onun dərin mənalı qeyd və təşəbbüslərini
həmişə diqqət və rəğbətlə qarşılayırıq. Bu, məgər adi bir
halmıdır ki, şuraya daxil olan alim və yazıçılar, hüquqçular və
din xadimləri respublikamızın ən hörmətli ziyalılarındandır?
Şeyx özü də tarix elmləri doktoru, professordur, bir sıra elmi-
dini kitabların məsləhətçisi, redaktorudur. Vasim müəllimin adı
isə tariximizə mühüm akademik Ziya Bünyadzadə ilə birlikdə
Qurani-Kərimin tərcüməçisi və izahçısı kimi əbədi daxil
olubdur. Şura üzvləri- istər hüquqçu Abdulla İbrahimov olsun,
istər filologiya doktoru, akademik Bəkir Nəbiyev, istər fəlsəfə
doktoru, Elmlər Akademiyasının müxbir üzvü Fuad
Qasımzadə- biz hamımız böyük anlaşılma şəraitində işləyirik.
Din xadimlərindən Hacı Salman Musayev, tanınmış
teoloqlardan Hacı Sabir Həsənli, Axund Mirəziz Seyidzadə,
Hacı Akif, Hacı Cəbrayıl və digər hörmətli şura üzvləri həm
təşkilati, həm də elmi-nəzəri fəaliyyətimizdə böyük xidmət
göstərirlər.
- Qurultay barədə qəbul edilən qərarlarınız hansı
problemlərin həllini nəzərdə tutur?
Dostları ilə paylaş: |