170
olmasındadır. Rus psixoloqu D.A.Leontevin
fikrincə,
“
şəxsiyyət doğulmur, şəxsiyyət təşəkkül tapır.” Sosiallaşma nə
qədər ki, dinamik xarakter daşıyır, şəxsiyyətin təşəkkülü bir o
qədər daimilik kəsb edir. Yazıçı B.Bağırlıda şəxsiyyətin
inkişafı onun ədəbi yaradıcılığındakı müxtəlif insan tiplərinin
cəmiyyətdə onlara qarşı münasibətin formasından və dinamizm
əsas etibarı ilə daha çox sosial mühitdən asılı olduğunu
göstərməsindədir. İ.S.Viqotski isə şəxsiyyəti hər şeydən əvvəl,
fəaliyyətdə olan varlıq kimi araşdırır.
Çünki şəxsiyyətin
məqsədi, vəzifələri, davranışı və hərəkətləri yalnız insanın
fəaliyyətində üzə çıxır. Yazıçı-publisist B.Bağırlının şəxsiyyəti
onun ədəbi fəaliyyətində, sosial mühitdəki insanlarla rəftar və
davranışlarında aydınca görmək mümkündür. O, yaşadığı
cəmiyyətdə ictimai dəyərini bilən, öz yaradıcılıq imkanları ilə
ədəbi mühitdə özünəməxsus atmosfera yaradan və oxucularına,
onu sevənlərə gərəkli olduğunu başa düşən yazarlardandır.
Zamanın özünün daxilində olan insanlar da fərqli olurlar. Eyni
cəmiyyətdə yaşayan insanlardan biri özünü xoşbəxt,
digəri isə
bədbəxt hesab edir. B.Bağırlı özünü xoşbəxt sanan
insanlardandır. Onun xoşbəxtliyi elə cəmiyyətə gərəkli bir
vətəndaş olmağındadır. Onun xoşbəxtliyi Vətəninə, xalqına,
elinə-obasına qələmi ilə xidmət etməsindədir. O, torpağına,
yurduna qırılmaz tellərlə bağlı gözəl insan, böyük şəxsiyyətdir.
Cəmiyyətdə baş verən hər hansı bir neqativ hadisə onu təkcə
yazar kimi deyil, həm də bir vətəndaş olaraq
qəlbən narahat
edir, onun içini sızladır. İnsanların ağrı-acılarını özününkü hiss
edir, onların dərdlərinə şərik çıxır, düşdükləri çətin vəziyyətdən
çıxış yolu göstərməyə çalışaraq, onlara hər zaman kömək
etməyə hazır olduğunu öz əməllərilə sübut etməyə çalışır.
Bəzən insan həyatda çarəsiz qalaraq kimdənsə kömək
gözləmək məcburiyyətində qalır. Belə insanlar öz qüvvəsinə
inamı olmayan şəxslərdir. Amma elə insanlar da vardır ki, hər
hansı çətin vəziyyətə düşməsindən asılı olmayaraq kömək üçün
kiməsə müraciət etmək fikrindən uzaq olur. O, yalnız öz
171
gücünə, potensial imkanına, intellektinə güvənərək qarşılaşdığı
maneəni dəf edə bilir. Yazıçı-publisist B.Bağırlı da öz
bacarığına,
qabiliyyətinə, idrakına əmin olan insanlardandır. O,
həyatda rastlaşdığı hər bir şeyin, hər bir hadisənin mahiyyətinə
varmaq istəyir, onu daha dərindən öyrənməyə çalışır. İnsanın
həyatda qazandığı ən böyük qələbə öz üzərindəki qələbəsidir.
Əgər insan öz nəfsinə qalib gələ bilsə, o, həyatda istədiyinə nail
ola bilər.İnsan özünü dərk etsə, o, həyatı dərk etmiş olar.
Bunun üçün insanın daim öz üzərində çalışması lazımdır.
Böyükxan müəllim də yorulmaq
bilmədən həmişə öz üzərində
çalışaraq mənəvi dünyasını zənginləşdirməyə çalışır. Bu ona
həmişə hörmət və başucalığı gətirib. Bununla bərabər B.Bağırlı
hər yerdə və hər zaman əxlaqını, ləyaqətini, ciddiliyini,
şəxsiyyətini, yüksək insani keyfiyyətlərini qoruyub saxlamağı
bacarır. O, başladığı işi yarımçıq qoymağı qətiyyən sevməyən,
hər şeydə ağlına, idrakına söykəndiyini əsas gətirərək işini
uğurla tamamlamağı xoşlayan çox zəhmətkeş adamdır.
Böyükxan müəllim gördüyü işləri hisslərə qapılmadan,
ağılının gücünə inanaraq həyata keçirir
və eyni zamanda işinin
nəticəsindən zövq alır. O, başqalarına qarşı rəftar və
davranışında həmişə ehtiyatlı və səmimidir. Yazıçı öz
hərəkətlərində Platonun dediyi kimi,
“davranış hislərlə deyil,
ağılla idarə olunmalıdır” prinsipinə həmişə sadiq qalır. İnsan
azaddır və onun azadlığı ağıllı davranışındadır. B.Bağırlı da hər
zaman ağıllı davranışı, səmimi rəftarı, məntiqi mühakimələri,
maraqlı müsahibələri, duzlu-məzəli söhbətləri ilə başqalarına
örnək olmuşdur. Nasirimizdə insana xas olan ən nəcib və
müsbət insani keyfiyyətlər ölçüyüyə gəlməz dərəcədə çoxdur.
O, el arasında deyildiyi kimi, “qızdan-gəlindən həyalı” əsl türk
kişisidir. Böyükxan həm də nəzakətli və xeyirxah insandır.
Konfutsi deyirdi
:”Hər kimdə bu beş keyfiyyət olsa demək o,
insansevərdir. Bunlar: hörmət, nəzakətlilik, düzlük, xeyirxahlıq
və dərrakəlilikdir. Əgər insan nəzakətlidirsə ona dayaq olurlar,
əgər hörmətcildirsə, ona rəğbət bəsləyirlər, düzgündürsə, ona
172
etibar edirlər, əgər o, ağıllıdırsa, uğur, xeyirxahdırsa, hörmət
qazana bilər”.Konfutsinin sadaladığı beş insani keyfiyyətlərin
hamısı Böyükxan müəllimdə vardır.
Ona görə də ona həm
ədəbi mühitdə, həm kollektivdə, həm yaşadığı el-obasında,
həm də ailəsində böyük hörmət və rəğbət bəsləyirlər. İnsan
təbiəti mürəkkəb olduğu üçün bəzi adamların qəlbindəkiləri
bilmək, təbiəti dərk etməkdən çətin olur. İçində həsəd, kin,
paxıllıq, xudpəsəndlik, riyakarlıq, qısqanclıq və s. kimi qeyri-
insani xüsusiyyətlər yuva salmış insanlara da Böyükxan həmişə
səmimi,
mehriban, xoş rəvtar sərgiləyərək insani münasibətlər
bəsləyir. Bu cür insani keyfiyyət şəxsiyyətin böyüklüyünə
dəlalət edir. Bütün dediklərimizi nəzərə alaraq yazıçı-publisist
B.Bağırlını mübaliğəsiz olaraq böyük şəxsiyyət və başqalarına
örnək olası insan adlandırsaq heç də yanılmarıq. Yazıçı
qardaşımıza ədəbi yaradıcılığında bundan sonra da yaşıl işıq və
uğurlu yol diləyirik.
“Ədalət” qəzeti, 09 yanvar 2015-ci il.