37
fərdi, kollektiv həvəsləndirmə formaları) tərəflərinin verə biləcəyi səmərə
də əvvəlcədən proqnozlaşdırılmalıdır.
Stimullaşdırma müasir dövrdə onun yüksək səviyyədə, elmi əsaslar üzrə
təşkilini tələb edir. Bununla əlaqədar olaraq bir sıra tələbləri nəzərə almaq
lazımdır. Bu tələblər aşağıdakılardan ibarətdir:
a)
stimullaşdırmanın kompleksliyi (bütün stimullaşdırma forrmaları və
növlərinin vəhdətliliyi);
b)
stimullaşdırmanın differensiyalanması (onun ayrı-ayrı sosial qruplardan, iş
yerlərindən asılı olaraq fərqli qaydada seçilməsi);
c)
stimullaşdırmanın aşkarlığı (bu barədə kollektiv üzvlərinin xəbərdar
edilməsi);
d)
stimullaşdırmanın çevikliyi və operativliyi (dəyişən təşkilati-texniki,
sosial-iqtisadi, sosioloji-psixoloji, şəraitə uyğun olaraq çevik qaydada
stimul növlərindən istifadə olunması, mənfi və müsbət stimullaşdırmanın
qısa müddət ərzində tətbiqi);
e)
stimullaşdırmanın təşkilində işçilərin, əməkçilərin özünün iştirakı (bu
stimullaşdırmanın özünün demokratik məzmununu artmasına imkan verir).
Müəssisələrdə və təşkilatlarda əməyin təşkili dedikdə əmək prosesində
adamların və texnikanın konkret forma və üsulları başa düşülür. Əməyin təşkilinin
məzmunundan və həll olunması vəzifələrindən irəli gələn bir sıra istiqamətləri
(ünsürləri) ayırırlar. Onlardan əsasları:
-
əmək bölgüsü və əmək kooperasiyası;
-
əməyin normalaşdırılıması;
-
iş yerinin təşkili və ona xidməti;
-
heyətin seçilməsi və onun inkişafı;
-
əmək şəraitinin yaxşılaşdırılması;
-
iş vaxtından səmərəli istifadə, əmək rejiminin və istirahətin
optimallaşdırılması;
-
əmək proseslərinin səmərəlləşdirilməsi;
-
əmək intizamının möhkəmləndirilməsi.
38
Müəssisədə əmək fəaliyyətinin stimullaşdırılmasında əmək haqqı, onun
ödənilməsi xüsusi rola malikdir və məlumdur ki, insan istehsal prosesinə iqtisadi
düşüncə ilə yaşamaq üçün qazanc məqsədi ilə daxil olur. Əmək haqqı (əməyə görə
gəlir) eyni zamanda istehsal alətləri ilə insanı birləşdirən həlqə olmaqla əməyin
səmərəli təşkilinin amilidir (ünsürüdür). Əməyin təşkilinin bu və ya digər
variantının müəyyən edilməsində iqtisadi məqsədəuyğunluq müəyyən qədər
istehsalın səmərəliliyini, əmək məhsuldarlığının yüksəldilməsini, heyətin
məşğulluğunun səmərəliliyinin, bərabər əmək gərginliyini, avadanlıqdan, digər
maddi ehtiyatlardan daha yaxşı istifadə olunmasını və s. təmin edir.
Müəssisənin kadr siyasəti dedikdə heyətlə aparılan işin əsas istiqamətlərini
müəyyənləşdirən nəzəri baxışların, tələblərin, prinsiplərin, həmçinin yüksək
məhsuldarlıqlı möhkəm kollektivin yaranmasına imkan yaradan bu işin üsulları
sistemi başa düşülür.
Heyətin idarə edilməsi metodlarının tətbiqi əmək kollektivinin norma və
dəyərlərinin durumundan, həm də müəssisənin məqsədindən asılıdır. Kadr siyasəti
müəssisənin təsərrüfat siyasətinin bütün sahələri ilə sıx bağlıdır. Kadr siyasəti
sahəsində qəbul edilən qərarların müəssisənin bütün funksional yarım
sistemlərində baş verir: elmi-texniki fəaliyyətin, istehsalın, iqtisadi fəaliyyətin və s.
idarə olunması.
Kadr siyasətinin əsas məqsədləri:
-
müəssisənin, onun bölmələrini müasir və keyfiyyətli, lazımi sayda heyətlə
təmin etmək;
-
kadr potensialından səmərəli istifadə etmək;
-
nəzərdə tutulmuş əmək qanunvericiliklə işçilərin hüquq və vəzifələrinin
realizə şərtlərinin təmini.
Kadr siyasətinin əsas növ müxtəlifliyinə kadr seçimi, təhsil, əmək haqqı,
müəssisədə sosial münasibətlər aiddir.
Hər bir müəssisə özünün xarakterik xüsusiyyətlərini nəzərə alan kadr
siyasətini yaradır. Bütün variantlar üçün ümumi kadr siyasəti odur ki, onların
39
yaranması və həyata keçirilməsi vahid prinsiplər əsasında aparılır. Kadr siyasəti
sənədlərlə rəsmiyyətə salınır ki, bu da şöbələrin qarşılıqlı əlaqələrinin
yaxşılaşmasına müəssisənin rəhbərliyinin mövqeyini görməyə, kadrlar üzrə
qərarların qəbul edilməsi prosesində ardıcıllığı təyin etməyə, daxili qarşılıqlı
münasibət qaydaları haqqında heyəti məlumatlandırmağa, mənəvi-psixoloji mühiti
yaxşılaşdırmağa imkan verir. Müəssisənin kadr siyasəti bir sıra amillərlə təyin
edilir ki, bunu da xarici və daxili amillərə bölmək olar. Xarici amillərə əmək qanun
vericiliyi, həmkarlarla qarşılıqlı münasibət, əmək bazarının inkişaf perspektivləri,
daxili amillərə müəssisənin struktutu və məqsədi, ərazi üzrə yerləşdirilmə,
korporativ daxili mədəniyyət, kollektivdə mənəvi-psixoloji mühit aiddir.
Kadr siyasətinin əsas istiqamətləri bunlardır:
1.
müəssisənin ümumi inkişaf konsepsiyası çərçivəsində heyətə olan ixtisas
tələblərinin təyini;
2.
yeni kadr strukturunun təyini;
3.
heyətin idarə olunmasını nizamlayan prosedurların işlənməsi;
4.
əmək haqqı konsepsiyasının yaranması, işçilərin maddi və mənəvi
stimullaşdırılması;
5.
heyətin cəlb olunma, istifadə olunma və azad olunma mexanizmlərinin
təyini;
6.
sosial münasibətlərin inkişafı;
7.
heyətin inkişafının, təhsilinin, yenidən oxunmasını, ixtisasını
yüksəlməsinin təmini;
8.
müəssisə kollektivində mənəvi-psixoloji mühitin yaxşılaşdırılması.
Kadr siyasəti gələcək dövrün kadr siyasəti, kadr planlaşdırılması ilə sıx
bağlıdır. Burada təşkilatla işçi heyəti, iş verənlə işə girənlər arasında tarazlı
mənafelər birliyinə xüsusi fikir verilməlidir, həm də elə etmək lazımdır ki, kadr
planlaşdırması ilə heyətlə aparılan iş bir-birilə vəhdətlik təşkil edə bilsin. Məhz
burada kadr planlaşdırılması strategiyası başlıca yer tutur. Təşkilatlarda kadr
planlaşdırılması bir qayda olaraq dörd məsələni əhatə edir. Bu, aşağıdakılardan
ibarətdir:
-
kadr strategiyası (strategiyanın, siyasətin əsaslarını işlənib hazırlanması,
işçilərin yeni şəraitə uyğunlaşması, peşə irəliləyişi və s.);
-
kadr məqsədi (işçilərlə təşkilatların məqsədli birliyinin təmin edilməsi);
Dostları ilə paylaş: |