Ömrün etməyəcək vəfa dedilər
383
Bir çox folklorşünaslarımız, xüsusilə filologiya elmləri
doktoru Mürsəl Həkimov aşıq yaradıcılığına ifaçılıq baxımından
yanaşmışdır. O, aşıq havaları ilə aşıq şeir formalarının uyğunluqla-
rını, saz melodiyaları və aşıq mahnıları oxunarkən kök, pərdə və
məqamları izləyib oxuculara çatdırmağa çalışmış, müəyyən dərə-
cədə buna nail olmuşdur. Alimin axtarışları davam edir.
Ümumiyyətlə, çoxsahəli və çoxşaxəli aşıq yaradıcılığı müx-
təlif cəhətlərdən tədqiq olunur. Bu sahədə indiyə qədər onlarca na-
mizədlik və doktorluq dissertasiyaları, monoqrafiyalar yazılıb və
yazılmaqdadır. Xüsusən, XIX və XX əsrin əvvəllərində yaşamış el
aşıqlarının həyat və yaradıcılığının araşdırılıb bu günki oxuculara
çatdırılmasında V.Vəliyev, A.Nəbiyev, M.Həkimov, O.Sarıvəlli,
N.Həsənzadə, H.Hüseynzadə və başqa alim və yazıçılarımız diq-
qətəlayiq işlər görmüşlər. Realist aşıq poeziyasından danışarkən
xalq yazıçısı M.İbrahimov və akademik H.Araslı, F.Qasımzadə və
başqaları yada düşür.
Aşıq sənəti, aşıq poeziyası bu gün də davam və inkişaf edir.
Onun yeni istedadlı nümayəndələri meydana çıxır. Aşıq Mikayıl
Azaflı, Aşıq Əkbər Cəfərov, Müseyib Abbasov, İmran Həsənov,
Murad Niyazlı, Allahverdi Qəmkeş, Aşıq Pənah və başqaları iste-
dadlı yaradıcı və ifaçı aşıqlarımızdandır.
Folklorumuzun bu aparıcı qolunun toplanılması, tədqiqi sa-
həsində nə qədər çox iş görülsə də, yenə həyat və yaradıcılığı təd-
qiq olunmalı sənətkarlarımız çoxdur. Onlardan biri də zəngin ədə-
bi irs qoyub getmiş tovuzlu aşıq Nəcəf Hüseynovdur ki, biz bu ya-
zımızda onun həyat və yaradıcılığını araşdırmağa çalışacağıq.
Aydın Çobanoğlu
384
I FƏSİL
AŞIQ NƏCƏFİN HƏYATI VƏ
ƏDƏBİ İRSİNİN TALEYİ
XX əsrin birinci yarısında yaşayıb-yaratmış el sənətkarla-
rı, yaradıcı aşıqlar arasında öz dəsti-xətti, öz sənət cığırı, özünə-
məxsus yaradıcılıq üslubu ilə seçilən aşıqlar çoxdur. Aşıq Hü-
seyn Bozalqanlı, Aşıq Əsəd, Aşıq Mirzə, Xəyyat Mirzə, Şair
Vəli, Aşıq Nəcəf və başqaları öz gözəlləmələri, ustadnamələri
ilə sənətsevər Azərbaycan xalqının ürəyində yurd salmış aşıq-
lardandır. Bu sənətkarlar içərisində Aşıq Nəcəfin özünəməxsus
yeri vardır.
Nəcəf Alı oğlu Hüseynov Tovuz rayonunun Əlimərdanlı
kəndində yoxsul kəndli ailəsində anadan olmuşdur. Aşıq Nəcə-
fin anadan olduğu il müxtəlif mənbələrdə müxtəlif şəkildə qeyd
olunmuşdur. Belə ki, Bəzi mənbələrdə aşığın 1899
*
, bəzilərində
1900
**
, başqa bir mənbədə 1902
***
, bir ayrısında 1903
****
, bəzi
yerdə isə 1905
*****
-ci ildə doğulduğu göstərilir. Bunlardan ən
doğrusu aşığın rəsmi dövlət sənədi olan pasportunda
******
yazılan 1900-cü il tarixi hesab edirik.
*
H.Quliyev. Tovuzda çıxan “Həqiqət” qəzeti, 3 dekabr 1974-cü il.
**
A. Musayev. “Döyüşçü aşığın mahnıları”, “Sovet kəndi”, 20 mart 1975-ci il.
***
H.Əlizadə. Azərbaycan aşıqları. Bakı, 1930-cu il, səh.188.
****
H.Əlizadə. Aşıqlar. Bakı, 1935-ci il, səh.311.
H.Əlizadə. Aşıqlar, I hissə, II çapı, Bakı, 1937-ci il, səh.475.
*****
Tovuz rayon hərbi komissarlığının arxivi, “Aşıq Nəcəf” (nekroloq),
Ədəbiyyat” qəzeti, 22 sentyabr 1946-cı il.
******
Aşığın pasportu hazırda Əlimərdanlı kəndində böyük oğlu Şahniyarın evində
saxlanılır.
Ömrün etməyəcək vəfa dedilər
385
Nəcəf 8-9 yaşlarında olarkən, atası Alı kişi onu bir savad
sahibi etmək məqsədi ilə qonşu Qaraxanlı kəndində Molla İs-
mayıl adlı bir nəfərin yanına qoyur. Lakin ailənin güzaranı ağır
olduğundan kiçik Nəcəfin bu təhsili çox uzun sürmür. Bir qədər
keçdikdən sonra 12 yaşlı Nəcəfi Şamxor rayonunun Qaraca-
əmirli kəndindən olan Məhəmməd kişiyə nökər verirlər.
Binnət Məhəmməd oğlu Abdullayevin və onun həyat yol-
daşı Mülküxanım Alıqoca qızı Abdullayevanın
*
dediklərinə gö-
rə Nəcəf quzu çobanı olmuş, sürü sahibinin evinə gediş-gəlişi
olmazmış. Binnət Məhəmməd oğlu xatirələrində qeyd edir ki,
mən Nəcəfi cəmi iki dəfə gördüm. Onda atamla bərabər sürülə-
rə baş çəkməyə getmişdim. Axşamüstü quzuları arxaca gətirir-
di, nə barədəsə şirin-şirin oxuyurdu. Bizi, daha doğrusu, atamı
görən kimi oxumağın arasını kəsdi və başını aşağı salıb, sakitcə
yanımızdan keçdi. Nəcəf 1924-cü ilə qədər çobanlıq etdi. Hə-
min il mən gimnaziyanı qurtarıb gəldim. Atam təzəcə vəfat et-
mişdi. Mən bir neçə qoyun-quzu, inək saxlayıb qalanını yeni
təşkil olunan kolxoza verdim. Nəcəf və onunla birlikdə gələn
Qaraxanlı Musa, Süleyman, tütəkçalan Yusif daha lazım olma-
dıqlarına görə öz kəndlərinə qayıtdılar.
1924-cü ilin axırlarında doğma Əlimərdanlı kəndinə qayı-
dan Nəcəf Alı oğlu bir sənət sahibi olmaq məqsədi ilə dəmirçi
yanında şagird olur. Artıq həyat dəyişmiş, Azərbaycanda Sovet
hakimiyyəti qurulmuşdu. Yeni quruluş Nəcəfi hədsiz dərəcədə
sevindirir. Bir yandan bu fərəh hissi, digər tərəfdən də iti zehni,
*
Binnət Məhəmməd oğlu Abdullayev (1904) və onun həyat yoldaşı Mülküxanım
Alıqoca qızı Abdullayeva (1906) hazırda Şamxor rayonunun Qaracaəmirli kəndin-
də yaşayır. Böyüyüb tərbiyə etdikləri 9 uşağın hamısı ali təhsil almışlar. Bir çoxu
ali məktəblərdə müəllim işləyir.
Dostları ilə paylaş: |