AZƏRBAYCAN İQTİSADİYYATI: reallıqlar və perspektivlər
67
Nigeriya və s.). Bu ölkələrin bir birində neft-qaz resurslarının ixracı
ilə bərabər, digər iqtisadiyyat sektorları məhsullarının ixrac potensialı-
nın müxtəlifliyi, bu istiqamətlərdə hansısa paralelliyin olmaması diq-
qət çəkir. Bu amillər nəzərə alınmaqla, Azərbaycanda neft strategiya-
sının reallaşdırılmağa başladığı proseslərlə bərabər, “optimal ixrac
konsepsiyası”, “səmərəli ixrac modelləri”, “effektiv ixrac modeli” və
s. bu kimi prioritetlər, meyarlar axtarışı davam etməkdədir. Ölkədə xa-
rici ticarətlə və ixrac potensialının artırılması ilə bağlı institusional və
qanunvericilik bazalarının formalaşdırılması, təkmilləşdirilməsi, ixrac
potensialının maddi-texniki bazasının gücləndirilməsi, nisbətən inves-
tisiya cəlbediciliyinin yaxşılaşdırılmasına baxmayaraq, Azərbaycan
ixracı hələ də birbaşa olaraq mineral məhsulların, yəni neft-qaz xam-
malının ixracından asılılığı ilə seçilir. Tədqiqatçı A.Paşacanov qeyd
edir ki, Azərbaycanın gələcəkdə “Holland sindromu” ilə qarşılaşma-
ması üçün milli iqtisadiyyatın diversifikasiya edilməsi istiqamətləri
müəyyənləşdirilməlidir. Müəllif bildirir ki, qeyri-neft sektorunun inki-
şaf etdirilməsi üçün Azərbaycan beynəlxalq bazarlarda aşağıdakı məh-
sullar üzrə carı və potensial üstünlüklərə malikdir:
- Yeyinti və yüngül sənaye məhsulları;
- Kimya sənayesi məhsulları;
- Metallurgiya sənayesi məhsulları;
- Tikinti materialları;
- Maşınlar, mexanizmlər və avadanlıqlar.
Daha sonra cari və potensial müqayisəli üstünlüyə malik olduğu-
muz sahələrin inkişafının təmin edilməsi nəticəsində istehsalın və ix-
racın sahə strukturunun təkmilləşdirilməsi, mövcud təbii-iqtisadi po-
tensialın fəal surətdə təsərrüfat dövriyyəsinə cəlb edilməsi və elmi-
texniki potensialın inkişaf etdirilməsi zəruri hesab olunmuşdur.
Beynəlxalq Valyuta Fondunun “Xarici ticarət” üzrə hesabatında
qeyd olunur ki, Azərbaycan ixracatının əsasını neft və neft məhsulları,
xam neft təşkil edir. Bu hal, həmçinin Azərbaycanın əsasən xammal ix-
rac etdiyinə və neft emalından çox az gəlir götürdüyünə dəlalət edir.
Özəl sektorun ixrac əməliyyatlarında iştirakı dövlət sektoruna nisbətən
aşağıdır. Kiçik və orta sahibkarlıq subyektlərinin xarici ticarətdə iştira-
kının artırılması həm ixrac, həm də idxal nöqteyi-nəzərindən böyük
əhəmiyyət kəsb edir. Belə bir faktı göstərə bilərik ki, 2003-2010-cu illər
ərzində Azərbaycanda ümumi real iqtisadi artımın təqribən yarısı neft
Arif Şəkərəliyev, Qoşqar Şəkərəliyev
68
sektorunun yüksək templə artdığı, 2004-2008-ci illərdə isə 30 %-i qey-
ri-neft sektorunun hesabına baş vermişdir. Eyni zamanda qeyri-neft sek-
toru üzrə mal və xidmət ixracının ilbəil artımı sektorun diversifikasiya
səviyyəsinin yüksəlməsinə pozitiv təsir göstərmişdir. Müəllif bildirir ki,
hələlik iqtisadiyyatın strukturunda, ixrac və dövlət büdcəsinin gəlirlə-
rində neft sektorunun payı yüksək olaraq qalır. Qeyd olunan mülahizə-
lərə əsaslansaq, Azərbaycanın qeyri-neft sektorunun ixrac potensialının
müasir dövrdə obyektiv təhlilini və qiymətləndirilməsini təmin etmək
üçün, bizə görə, xarici ticarət dövriyyəsinin dinamikası, xarici ticarətdə
qeyri-neft sektorunun payı, qeyri-neft sektoru ixracının quruluşu ilə ya-
naşı, ayrı-ayrı ixrac məmulatlarının dinamikasının – onların potensialı-
nın xarakterizə edilməsinə xüsusi diqqət yetirilməlidir.
Qeyri-neft sektorunun ixrac potensialının obyektiv qiymətlən-
dirilməsi zərurəti ortaya çıxdıqda ilk mühüm meyarlar kimi tədqiqat-
larla, təhlillərlə bərabər, müxtəlif fikir və mülahizələr, beynəlxalq təş-
kilatların və ekspertlərin fikirlərinə də yer verməyi lazım bilmişik.
Dünya Bankının mütəxəssisləri tərəfindən hazırlanan “Azərbaycan
2011-2014-cü maliyyə illəri üçün ölkə tərəfdaşlıq Strategiyası” sənə-
dində qeyd olunur ki, Azərbaycanın qarşısında duran vəzifə, inkişaf
prosesində impulsu saxlamaq və davamlı, yuxarı orta gəlirli ölkəyə
çevrilməkdir. Bunun üçün 2 meyar tələb olunacaq. Birincisi, qeyri-
neft iqtisadiyyatını gücləndirmək və rəqabət qabiliyyətini yüksəltmək
üçün Azərbaycan xarici bazarlara daha çox yönəlməlidir. İkincisi,
Azərbyacan bu gəlir artımından tam və effektiv istifadə imkanlarını
gücləndirməlidir. Azərbaycanın “Holland sindromu”nu idarəetmə
mexanizmləri yalnız qismən uğurlu olmuşdur. Nominal ifadədə qeyri-
neft ixracı artsa da, onun ÜDM-də payı aşağı düşmüşdür. Azərbaycan
dünyanın ÜTT-ə daxil olmamış azsaylı ölkələrindən biridir. Azər-
baycan hökumətinin yaxın illərdə ən mühüm vəzifələrindən biri rəqa-
bətli qeyri-neft iqtisadiyyatının qurulmasıdır. Bunun üçün səmərəli
makroiqtisadi idarəetmə təmin olunmalı, qeyri-neft sektorunun daha
yüksək templə artması üçün işgüzar mühit yaxşılaşdırılmalı və qeyri-
neft ixracının artım səviyyəsi əsas meyarlardan birinə çevrilməlidir.
Qeyri-neft sektorunun ixrac potensialını daha dolğun təsəvvür etmək
və təhlilini vermək üçün, ilk növbədə Azərbaycanda xarici ticarət dövriy-
yəsinə, o cümlədən, ixracın dinamikasına nəzər salmağı vacib saymışıq.
AZƏRBAYCAN İQTİSADİYYATI: reallıqlar və perspektivlər
69
Azərbaycan Respublikasında xarici ticarət dövriyyəsinin, o cüm-
lədən ixracın 1995-2013-cü illər üzrə müqayisəli dinamikası
(mln. ABŞ dolları ilə).
o cümlədən
İllər
xarici ticarət
dövriyyəsi
əvvəlki ilə
nisbətən, %-lə
ixrac
əvvəlki ilə
nisbətən, %-lə
1995 1304,9
91,2 632,2
97,6
2000 2917,3
148,4 1745,2
187,7
2005 8558,4
120,0 4347,2
120,2
2008 54925,5
466,6 47756,0 788,3
2010 27960,8
134,0 21360,0 145,0
2011 36326,9
130,0 26570,9 124,4
2012 33560,9
92,4 23908,0
90,0
2013 34687,9
103,4 23975,4 100,3
Cədvəl xarici ticarət dövriyyəsinin və ixarcın həcminin paralellik
nisbətində artdığını göstərir. Bu, şübhəsiz, bir neçə dəfə, əvvəllərdə
qeyd etdiyimiz kimi, neft və neft məhsullarının ixracının dinamikası
ilə birbaşa bağlı olmuşdur. 1995-2013-cü illərdə xarici ticarət dövriy-
yəsi 26,6 dəfə artdığı halda, ixracın həcmi 37,6 dəfə artmışdır. 2008-ci
ildə xarici ticarət dövriyyəsinin əvvəlki illə nisbətdə 4,7 dəfə, o cümlə-
dən, ixracın 7,9 dəfə artması həmin ildə neft xammalının ixracı həcmi-
nin artması və əsasən dünya bazarında xam neftin qiymətinin yüksək
həddə çatması ilə bağlı olmuşdur. 2012-2013-cü illərdə xarici ticarət
dövriyyəsinin və xüsusilə ixracın artımında problemlər özünü göstər-
mişdir. Xarici ticarət dövriyyəsi 2008-ci ilə nisbətdə 2013-cü ilin ye-
kunu üzrə 1,6 dəfə, ixrac isə 2 dəfəyə yaxın azalmışdır. 2013-cü ildə
xarici ticarət dövriyyəsi 2011-ci ilə nisbətən 4,5 %, ixracın həcmi isə 9
% azalmışdır. Lakin bu göstəricilər hələlik ölkənin ixrac potensialı,
qeyri-neft ixracı barəsində dolğun təsəvvür yaratmağa imkan vermir.
Baxılan göstəricilər əsasında belə bir mülahizəni qeyd etmək olar ki,
ölkə iqtisadiyyatının ixrac potensialı son 2 ildə artmadığından, ölkənin
xarici ticarət dövriyyəsinin artım tempində qeyd etdiyimiz kimi, prob-
lemlər yaranmağa başlanmış və artım dinamikası zəifləmişdir.
Dostları ilə paylaş: |