artıqdır. Qurğuşunun yüksək konsektrasiyası reproduktiv, əsəb, ürək-damar,
immunitet və endokrin sistemlərinin dəyişməsinə səbəb olur.
Qurğuşunun təsirindən fəhlələrdə mərkəzi əsəb sisteminin zədələnməsi,
qorxu hissinin, depresiyanın yaranması baş verir. Qurğuşun uzun müddət
orqanizmə daxil olduqda böyrəklərdə nefropatiyanın inkişafı ilə nəticələnə
bilən böyrək çatışmamazlığı yaranır.
Civə orqanizmə daxil olaraq orqanizmin zülal mübadiləsini və
fermentasiya prosesini pozur. Atmosfer havasından insan orta hesabla sutka
ə
rzində 1 mkq civə udur. Udulan civə buxarının 80%-ə qədəri ağciyərlərdə
saxlanılır və qana daxil olaraq tez oksidləşir. Orqanizmə daxil olan civənin
hamısı praktik olaraq tez ionlaşır. Içməli su və qida məhsulları ilə orqanizmə
daxil olan civənin üzvi birləşmələri daha təhlükəlidir. Sutkada qəbul edilən
su ilə orqanizmə 0,4 mkq-dan az civə daxil olur. Istehsalatda civə ilə
təmasda olmayan hallarda civənin əsas mənbəi qida, başlıca olaraq balıq və
balıq məhsulları sayılır. Antropogen təsirlər nəticəsində yüksək çirklənməyə
məruz qalmış rayonlarda civənin sutkalıq qəbulu 300 mkq-a çata bilər, bu
isə civə ilə zəhərlənməyə səbəb olur. Civənin üzvi birləşmələri qeyri-üzvi
birləşmələrə nisbətən orqanizmdə uzun müddət dəyişməz qalır.
Yuxarıda soylənənlərə əsaslanaraq demək olar ki, antropogen təsirlər
nəticəsində ətraf mühitə atılan çirkləndiricilər ekoloji problemlər yaratmaqla
yanaşı, birbaşa yaxud dolayı yolla insan orqanizminə daxil olaraq, insanların
sağlamlıqlarının zəifləməsinə, xəstəliklərin yaranmasına səbəb olur.
Qeyd etmək lazımdır ki, Azərbaycanda metal tullantılarının təkrar emalı
elə də yüksək səviyyədə inkişaf etməmişdir. Buna səbəb hələlik bu sahədə
bazanın formalaşmamasıdır. Məlum olduğu kimi, respublikada əsasən neft-
qaz və maşınqayırma sənayesinin müəssisələri işləyir. Lakin metal
tullantıları toplayan poliqonlar yoxdur. Pərakəndə şəkildə istismar müddəti
bitmiş metalların yığımı mövcuddur. Belə metal tullantıları təkrar emal
etmək üçün yalnız bir şirkət “Baku Steel Company” fəaliyyət göstərirdi.
Təəssüflə qeyd etmək lazımdır ki, bu şirkət artıq öz fəaliyyətini dayandırıb.
Azərbaycanın iqtisadi inkişaf planı çərçivəsində və ekoloji tarazlığın
qorunması sahəsində Balaxanı ərazisində inşa olunmuş tullantıların
çeşidlənməsi müəsisəsini inkişaf etdirmək olar. Sənaye sahələrinin inkişafı
tullantıların yaranmasını artırır və bununla da tullantıların təkrar emalı və
idarə olunması problemləri yaranır. Lakin balaxanı zibil poliqonunda
zibildən yalnız metal, plastik kütlə, şüşə və s. çeşidlənir. Yerdə qalan zibillər
birlikdə yandırılır. Bu halda havanın çirkləndirilməsi prosesi davam edərək,
bir ekoloji problemin həlli ikinci bir ekoloji problemin yaranmasına səbəb
olacaqdır.
Mövcud olan belə çətinliklərin aradan qaldırılması üçün Bakıda iri zibil
yandırma zavodunun tikilməlidir.
1.3.Köhnəlmiş texniki-rezin və rezin məmulatların yaratdıqları
ekoloji problemlə r
Rezin qarışığının yaxud kauçukun vulkanlaşdırılması ilə qaynar və ya
soyuq üsullarla rezin istehsal olunur. Tərkibində 2-8% kükürd olan rezinlərə
yumşaq, 12-20% kükürd olan rezin yarımbərk, 25-30% kükürd olan rezin isə
bərk rezin adlanır. Rezin-texniki məmulatların (RTM), xalq istehlakı
mallarının, şin sənayesində şinlərin istehsalında rezin tullantılar yaranır
[ 2,3]
.
RTM rezin sənayesinin əsas məhsullarından biri sayılır. Konveyer lentləri,
ötürücü rezin kəmərləri, müxtəlif formalı məmulatlar, rezin tərkibli parçalar,
texniki lövhələr, əsas rezin-texniki məhsullar sayılır.
RTM istehsalı zamanı vulkanlaşmamış və vulkanlaşmış rezin tərkibli
parçalar, tekstil və rezinmetallı tullantılar yaranır. Vulkanlaşmamış rezin
tullantılar birbaşa istifadəsi mümkün olmayan rezin qarışığından və onun
qalıqlarından ibarətdir. Belə rezinin tərkibində ən qiymətli komponent
kauçukdur və onun miqdarı 90% olur. Belə tullantıların tərkibi əsas rezin
qarışığının tərkibinə təxminən oxşar olur.
Vulkanlaşdırılmış rezin tullantılar (VRT) rezin istehsalı prosesində rezin
qarışığının vulkanlaşdırılması mərhələsində yaranır. Bu tullantılar eyni
zamanda VRT-dən məhsul istehsalı prosesində ayrılan qırıntılardır.
Tullantıların tərkibində 50% qədər kauçuk olur. Bu kauçuk rezin qarışığının
tərkibindəki başqa inqradientlərlə sıx kimyəvi əlaqədə olur və təkrar emal üçün
qiymətli xammal hesab olunur.
Vulkanlaşmamış rezintərkibli tullantı parçalar rezintərkibli parçaların
qalıqlarıdır. Rezin – texniki məmulatların istehsalı zamanı yaranır. Belə
tullantıların tərkibində kauçuk ilə yanaşı öz xassələrini qoruyub saxlayan
kapron, terplen, anid, ipək, pambıq-kətən və s. qiymətli materiallar olur. Təkrar
emal üçün qiymətli xammal hesab olunur. Lakin təkrar emal çox vəsait tələb
etdiyindən yandırılır. Yandırılması isə tərkibində kimyəvi sintetik məhsullar
olduğuna görə ətraf mühitdə sintetik kimyəvi maddələrin yaratdığı ekoloji
problemlər yaradır, Atmosferə atılan tullantı qazların tərkibində isə karbon
oksidlərinin miqdarı normadan artıq olur.
2012-ci ilin statistik məlumatına görə Qərbi Avropa ölkələrində hər gün 2
milyon ton şin tullantısı və təxminən bir o qədər də rezin-texniki məmulatı
(RTM) tullantısı əmələ gəlir. Şin və RTM istehsalı ilə məşğul olan
müəsisələrdə yaranan bu tullantılardan demək olar ki, istifadə olunmur.
Yaranmış belə tullantıların təkrar emalı çox zəif olduğundan onları yandırırlar.
Bu isə ekologiyaya böyük ziyan vurmaqla yanaşı, çox qiymətli xammalların
itkisinə səbəb olur.
RTM əsasında olan tullantıların təkrar emal üsuluna çəkilən xərclər böyük
məbləğ təşkil etdiyindən iqtisadi cəhətdən əlverişli hesab olunmur.
RTM tullantılarının ən əlverişli emal üsulu onları doğramaqla, regenerat
almaqdır. Doğranma müxtəlif üsullarla aparılır. Doğranma prosesində əsasən
vərdənələrdən istifadə edilir. Bu məqsədlə Rusiya Federasiyasında, Polşada,
ngiltərədə, ABŞ-da doğrayıcı vərdənələrdən, Almaniyada, Çexiyada diskli
dəyirmanlardan istifadə edilir. şlənmiş RTM doğrayarkən əsas zəncirdəki
karbon əlaqələri qırılır və rezin tam destruksiya olunur. RTM tullantılarının
doğranması zamanı yaranan vulkanizasiya tozunun miqdarı və tərkibi
məmulatın tərkibində olan polimerdən asılı olur. Belə tozların müəyyən
qarışıqlardan təmizlənmədən atmosferə ötürülməsi yolverilməz hesab olunur.
Digər tərəfdən rezin məmulatı xırdalamaq üçün elektrik enerjisindən istifadə
olunur.
Rezin məmulatının daha xırda hissəciklərə salınması daha çox elektrik
enerjisi tələb edir. Bu zaman xüsusi fikir verilməlidir ki, alınan rezin ovuntusu
hissəciklərinin ölçüləri alınacaq son məhsul olan regeneratın alınmasını təmin
Dostları ilə paylaş: |