Zülalın keyfiyyətli olması onu təşkil edən əvəzolunmayan amin turşularının
tərkibi və miqdarından xeyli asılıdır. Lizin, metionin, izoleysin, valin, treonin,
fenilalanin, triptofan, leysin və histidin amin turşuları insan və heyvan
orqanizmində sintez olunmadıqlarına görə orqanizmə mütləq qida ilə daxil
edilirlər.
Qida və yemlərin əsas zülal mənbəyini taxıl bitkiləri təşkil edir. Lakin taxıl
bitkilərində zülalın miqdarı az olmaqla bərabər, onların tərkibində bir çox amin
turşuları, ilk növbədə fenilalanin, treonin, triptofan və valin yoxdur.
Tərkibində keyfiyyətli zülal olan qidalar ət, balıq, süd və yumurta kimi
heyvan mənşəli məhsullardır. Heyvandarlığın intensiv inkişafı ilk növbədə
keyfiyyətli yemlə təmin olunmasından asılıdır. Heyvani yemlərin əksəriyyətində
zülalın miqdarı az olmaqla bərabər həm də aşağı keyfiyyətlidir.
Müəyyən edilmişdir ki, heyvanların yem rasionuna mikroorqanizmlərdən
alınan biokütlə əlavə etdikdə onların zülala olan təlabatı ödənilir.
Mikrob zülalının istehsalı iqlim və hava şəraitindən asılı olamyan, geniş əkin
sahələri tələb etməyən, yüksək sürətlə və fasiləsiz gedən prosesdir.
Mikroorqanizmlərin qidalanma tipləri, növ tərkiblərinin müxtəlifliyi səmərəli
xammal və produsent seçməyə imkan verir. Mikrob zülalları amin turşularının
tərkibinə görə bir-birindən xeyli fərqlənir. Tərkibində yüksək miqdarda lizin olan
zülala maya göbələklərində rast gəlinir. Biokimyəvi xassələrinə görə göbələk zülalı
heyvani zülala daha oxşardır.
Mikrobiologiya sənayesində yem zülalının alınmasında əsasən Candida
cinsli maya göbələklərindən istifadə olunur.
Onların qida keyfiyyəti kimyəvi tərkiblərinə görə təyin olunur. Maya
göbələyi hüceyrəsinin tərkibində 50-60% zülallar, 25-26% nukleotidlər, 2-3%
yağlar, 9-12% karbohidratlar (şəkərlər), vitaminlər (tiamin, riboflavin, piridoksin,
nikotin turşusu, D və C vitaminləri) və mineral elementlər (K, Mg, Ca, S, P, Fe,
Zn, B və s.) vardır. Maya göbələyi hüceyrəsinin əsas xüsusiyyəti qiymətli qida
maddələri ilə zəngin olmasıdır. Belə maya göbələyi kütləsi insan və heyvan
orqanizmi tərəfindən asan mənimsənilir və tam zərərsizdir. 0,5 kq maya göbələyi
kütləsi 1 kq təzə əti, 33 ədəd toyuq yumurtası və ya 4,1 litr inək südünü əvəz edir.
Buna görə də onu heyvan və quşların yem rasionuna əlavə edirlər.
Yem rasionuna eyni zamanda lizin, vitamin və antibiotiklər əlavə etdikdə
məhsuldarlıq 2 dəfədən çox artır. Deməli, yem kimi zülal-vitamin qarışığından
istifadə edilməsi daha böyük iqtisadi səmərə verir.
Yemin tərkibində amin turşuları və vitaminlərin miqdarı müəyyən normada
olmalıdır. 100 qr xam zülalda amin turşularının miqdarı göstərilən normal çəkidə
olmalıdır: lizin – 5-6 qr, metionin + sistein – 3-4 qr, triptofan – 1,2-2,0 qr, leysin –
4-7, izoleysin – 3-4 qr, fenilalanin + tirozin – 4-6 qr, treonin – 3 qr, valin – 3,5 qr,
histidin – 1,5-2,0 qr. Zülalda metionin, triptofan və fenilalaninin miqdarı normadan
artıq olduqda heyvanlara zərərli təsir göstərir.
1 qr quru yemdə vitaminlərdən B1 – 1,2-2,0 mq, B2 – 2,4 qr, B3 – 10-15
mq, B6 – 2,0-4,0 mq, B12 – 30-60 mq, nikotin turşusu – 15-30 mq, K – 0,5-1,0
mq-dan çox olmamalıdır.
Yem zülalı alınmasında birhüceyrəli Chlorella yosunundan istifadə edilir.
Xlorealla hüceyrəsinin 40-60%-ni zülal, 15%-ni vitaminlər və başqa fizioloji
aktiv maddələr təşkil edir.
Maya göbələyi biokütləsindən ayrılmış zülaldan qida kimi istifadə etmək
daha məqsədəuyğundur. Bunun üçün hüceyrələri parçalayır və zülalı su vasitəsilə
ekstraksiya edirlər (ayırırlar). Məhlulda 50%-ə qədər zülal və xeyli miqdarda
nuklein turşuları və lipidlər olur. Nuklein turşularını parçalamaq üçün məhlula
nukleaza fermenti əlavə edilir.
Neft parafinləri, spirtlər və qaz maddələrindən mikrobioloji zülal
alınması. Yemi əvəzedən zülali biokütlələrin alınmasında istifadə edilən substrata
müvafiq olaraq onlara texniki adlar verilmişdir. Parafinlərdən alınan yem zülalı
paprin, etil spirtindən alınan eprin, metil spirtindən alınan meprin, təbii metan
qazından alınan qaprin və s. adlanır.
Birhüceyrəli mikroorqanizmlərdən (həm göbələk, həm bakteriya) zülali yem
məhsulu alınma texnologiyasının ümumi sxemi belədir.
1.Qida mühitinin hazırlanması;
2.Qida mühitinin sterilizə olunması;
3.Su vasitəsilə fermentyorun soyudulması;
4.Fermentyora vurulan hava;
5.Havanı sterilizə edən filtr;
6.Fermentyor;
7.Biokütlənin seperatorda ayrılması;
8.Biokütlənin sentrifuqa ilə çökdürülməsi;
9.Biokütlənin qurudulması;
10. Hazır yem məhsulu.
Normal parafinlərdən alinan zülali biokütlə. Rus alimi Tauson ilk dəfə
olaraq göstərmişdir ki, Candida cinsli maya göbələkləri neftdən alınan parafinləri
asan mənimsəyirlər. Sənaye miqyasında ilk dəfə olaraq maya göbələyinin
kütləsinin alınması erusalimski və Skryabin tərəfindən praktiki olaraq həyata
keçirilmişdir. Bu üsulla alınan biokütlədə zülaldan başqa çoxlu miqdarda
vitaminlərdə olduğu üçün zülal vitamin kansentratı adlanır. Hazırda hər il 1mln
tondan çox zülal vitamin konsentratı istehsal edilir. Neftin tədricən tükənməsi ilə
ə
laqədar parafin ehtiyatının azalması paprin istehsalının genişləndirilməsinə imkan
vermir ki, nəticədə yeni xammalın axtarılması tələb olunur.
Metil və etil spirtindən alinan zülali biokütlə. Metil və etil spirtləri
ZVK-nın alınması üçün əlverişli xammaldır. Maya göbələkləri bu spirtləri
asanlıqla mənimsəyib çoxlu miqdarda biokütlə əmələ gətirirlər.
Dostları ilə paylaş: |