43
Cismi insan o mövladır, hökm edir qafdan-qafa,
Xəstə düşdüm təbib gəldi, dərdimə verdi şəfa.
O gün ki, müşkülə yetdi, münkirə verdi cəfa,
Çox şükürlər xaliqimə buldum inamı Ərəb.
Cahangir də eşq oduna yar haqqında yanandı,
Bu gecə bir röya gördüm könlüm şəhri talandı.
Uzax eldən sorax etdim özü cavan tərlandı
Həm abınnan nuş eylədim, həm yedim nanı Ərəb.
Söz tamama yetdi. Cahangirin anası irəli yeriyif oğluna üz tut-
du, ay oğul, dedi, başına nə müsübət gəlif ki, sən belə dağdan-də-
rədən oxuyursan. Mən ananam, oğul, bəlkə dərdini mana deyəsən.
Cahangir üzünü anasına tutuf görək onu işdən nejə halı
elədi?
Aldı Cahangir:
Ana, dur get şah babamdan izin al,
Gedirəm yola sal, ay ana, məni.
Misir eli indi olar qeyli-qal,
Salmaynan dillərə bəyana məni.
Ana:
Oğul, nə deyirsən divana kimi,
Eşidən nə deyər qoyana səni.
Gözəl sevsən bizim eldən sev barı,
Qoymaram gedəsən o yana səni.
Cahangir:
İndi özüm yar elinə yetirrəm,
Qəhramantək cəngi liba götürrəm.
Ya can verrəm, ya sevgimi gətirrəm,
Canım qurban ola qoy, ana, məni.
Ana:
Oğul, uzun çəkər bu qeylü-qalın,
Qürbət el gəzməyə varmıdır halın?
44
Fərasətin olsun, əqlin, kamalın,
Qoymaram gedəsən o yana səni.
Cahangir:
Cahangir sözünü yazan olarmı?
Dərdini dəftərə düzən olarmı?
Allah sövdasını pozan olarmı?
Canım qurban ola qoy, ana, məni.
Ana:
Nələr gəldi bu Zeynəbin dilinə,
Həsrət qalma ulusuna, elinə.
Əlin çatsa gözəl yarın əlinə
Qorxuram qoymaya bu yana səni.
Söz tamama yetişəndə hamı başa düşdü ki, oğlan eşq
soydasına tüşüf. Cahangir saznan dediklərini söznən də dedi:
– Əziz ata-anam, qohum-əqrəbam. Bu gejə mana bir ağ əbalı
nurani qoja Hindistan padşahının bajısı Mələksuma xanımı buta
verif, yolunu da göstərif. Gərək söygülümün dalıncan gedəm. Bu
işdə tavaqqı eliyirəm heç kim qarşımı kəsməsin. Onu da deyək ki,
Cahangir bu söydasını əvvəlcə Lələsinə danışmışdı. Demişdi,
Lələ, mən sana örgəşmiş adamam, bu səfərə də sənnən çıxajam.
Bəli, Lələ əhvalatı nejə var, eləjə də Cahangirin valideyin-
lərinə, qohum-əqrəbasına danışdı.
Əziz şah çox fikirləşif vəzirə üz tutdu:
– Vəzir, amandı bu işə bir tədbir gör, mən burdan Yəmən
şəhərinə oğlumu tək-tənha buraxa bilmərəm.
Vəzir dedi:
– Qibleyi aləm sağ olsun, əgər mənə qalsa mənim tədbirim
buduku xeyli zərrin mətahlar, bir qəflə qatırnan ver mana mən
oğlunu da götürüm bir bəzirgan kimi həmən Hindistan şəhərinə
gedim. Qoşun-ləşkər töküf camahatı qırğına verməkdənsə icazə
ver gedək, Cahangirnən bir yerdə orda tükan açax, alverimizi
45
eliyək, bu minvalnan da saraya yol tapax. Bu yolnan oğluyun
vüsala yetməsi daha hasand olar.
Bəli, Əziz şah bu söhbətin savaxsı vəzirnən Cahangiri bə-
zirgan libas elədi, bir qəflə zərrin-tac, al-qumaş yüklətdirif
bunnarı Yəmən şəhərinə yola saldı.
Aşıxlar dili yüyrək olar, o zaman aynan-ilnən, bu zaman
müxtəsər dilnən bir neçə günnən sonra vəzirnən Cahangir Hin-
distan şəhərinin yaxınlığına, yəni şəhərin bir kənarına çatanda
vəzir dedi:
– Oğlum, indi mən gərək şaha layıx bir xon
1
bəziyəm, apa-
ram həm özümüzə bir yer alax, həm də mallarımızı neçiyə
satasıyıx qiymətini öyrənim.
Bəli, vəzir bir avırrı xon bəzədi, gəlif oturdu İzzət şahın elçi
daşının üstündə. Daşın üstünə oturan kimi qul-qaravaş gəlif onu
İzzət şahın hüzuruna apardı. O vaxtın irəhbərrəri indikilər kimi
saymazdıx bilməzdilər. Elçi daşına əyləşəni bir baş aparardılar.
Nəsə... vəzir soyqatını şaha təqdim elədi. Vəzir qaldıxları yerə
qayıdıf Cahangiri də, mətahları da götürüf bir baş şahın nişan
verdiyi məhliyə köçdü. Mənzillərinə çatdılar, yetirən kimi vəzir
dəvələri dəyər-dəyməzinə satıf yüklərini tükana boşaltdırdı.
Həmən günnən mallarını satmağa başladılar.
Deyəllər Mələksumuyu Cahangirə göstərən nurənin qoja
Mələksumuya da Cahangiri göstərmişdi. Oydu ku şəhərə səs
düşdü kü, bəs deməzsənmi, Misir vilayətinnən şəhərə bir tacir
gəlif yanında bir cavan var, rüzgarın gözü belə gözəl oğlan gör-
müyüf. Bu xəvəri eşidən Mələksuma səhərisi 40 incəbel qıznan
bütün şəhəri dolanıf oğlanın tükənini tapıf uzaxdan Cahangiri
seyr elədi, əmbə gözünə görünmədi. Hicab etmiş kimi qayıdıf
mənzilinə gəldi. Yaxın kənizdərini yanına çağırıf tapşırdı ki, bü-
tün şəhərə car çəkin nə ki, qız-gəlin var bizim güllü bağa qonax
1
Xon – xonça, layiqli hədiyyə
46
gəlsinlər. Doğrusu belə də oldu. Aşıx, sazandar, toy
1
, zurna-qaval
bir-birinə qarışdı. Hamı dedi, güldü, oynadı. Növbə Mələksuma
xanıma gələndə minnət elədilər, oynamadı. Dedi, bir şərtəən oy-
nuyaram ki, şəhərimizə təzə gələn bəzirgan oğlu bura gəlsin, saz
çalsın, mən oynuyum. Deyillər o cavan oğlan çox yaxşı saz çalır.
Qızdarın arasında xanımın bir lotu kənizi varıydı. Bu lotu
kəniz işi başa düşdü. Yerinnən hövləng duruf davana tüpürdü bir
baş bəzirganın tükəninə üz qoydu. Gəldi tükənin qavağında qapı-
nın qənşərində bir müddət dayandı. Vəzir baxdı ki, bu qız ba-
yaxdan duruf tamaşa eliyir, əmbə heç şey alımır. Yaxınlaşıf dedi:
– Qızım, niyə bu qədər dayanıf-durursan, utanma hası
maldan istəyirsən seç-bəyən.
Qız dedi:
– Əmi, mənim alacağım çoxdu. Şahın qardaşı qızı Mələk-
suma xanım bu gün gülşən bağında şəhərin qızdarına qonaxlıx
verir. İstəyirəm ki, həmən qızdara xanımın tafşırığıynan bu
parçalardan alım. Əmbə bilmirəm kimin hasından xoşu gələcək?
Vəzir dedi:
– Qızım, onda sən bu parçaların hərəsinnən 2-3 top götür
apar, qızdarın hasınnan xoşdarı gələr onnan da kəsif verərsən.
Lotu kəniz dedi:
– Əmi, yadımnan çıxıf pulları unutmuşam, özümnən götür-
məmişəm. Əgər mümkünsə bu cavan oğlan da mənnən getsin,
həm mana kömək eləsin, həm də pulları verim gətirsin.
Vəzir dedi:
– Qızım, o gedə bilməz, onun tükəndə işi çoxdu. Yaxşısı
budu sən get pulunu gəti, mallarını da sonra apararsan.
Cahangir nəsə elə bil işdən duyux düşmüşdü. Ürəyinə dam-
dı ki, bu qızda bir xeyirri kələk var. Odu ku üzünü vəzirə tutuf
dedi:
1
Toy – Borçalıda toy dedikdə həm də nağara aləti nəzərdə tutulur
Dostları ilə paylaş: |