Rejissorluğun üslub problemləri
53
Leonidin üç müxtəlif mərhələdə qarşılaşdırılması dövrün
mənəvi mənzərəsini də yaradır. Hər iki gəncin cəbhəyə
yollanması hadisəlilik prinsipini növbəti mərhələyə çıxarır.
Qələbədən sonrakı növbəti mərhələdə döyüşlərdə
qızıl ulduz qazanmış güclü, ağıllı Maratın ictimai həyatda
da fəal mövqe tutması fonunda, döyüşdə bir əlini itirmiş
yazıq Leonidikin zəif şeirlər yazmağı davam etirdiyini
boynuna alması personajları yeni müstəvidə təqdim edir.
Likanın sevgisini dilə gətirə bilməyən qalib Maratı deyil,
ailəyə ehtiyacını bacarıqla izhar edən məğlub Leonidə ya-
zığı gəldiyindən onu ər kimi seçməsi rəhmdilliyi önə çə-
kən xristianlığın təzahürünə çevrilir. Beləliklə artıq 1946 –
cı ildə əlini itirməklə arzularından əl çəkmiş, şeirlərini
yazmaqla kifayətlənən Leonidin, tədqiqatçı ola bilməsə də
sadə həkim kimi çalışan Lika ilə yeknəsək həyatı sevgisiz
yaşam tərzinin dözülməzliyinin təsdiqinə çevrilir. Özünün
sağ qalmasına qürrələnən Leonidikdən fərqli olaraq mü-
haribənin dağıntılarını aradan qaldırıb körpülər salan
Marat yeni dövrün qurucusuna çevrilir. Nəhayət ki, uzun
ayrılıqdan sonra 1959-cu ildə gəlib çıxan Marat tərəfindən
bu üçlüyün həyatının dəyişdirilməsi hadisələri yeniləşdirir.
Lika ilə Maratın münasibətinin daha dərin olduğunu
duyan Leonidin onlara sərbəstlik verməklə evdən getməsi
məhəbbətin qələbəsinin təsdiqi kimi verilir.
10 aprel 1976-ci ilin “Ədəbiyyat və incəsənət” qəze-
tində pyesin məzmununun sadalandığı “Mənim zavallı
Maratım” məqaləsində: “Tamaşanın quruluşçu rejissoru
C.Səlimova hadisələrin mənəvi və psixoloji ruhunu düz-
gün duyur” yazan teatrşünas Mahmud Allahverdiyev:
“Marat Likanın Leoniklə ailə qurmasına razı olur. Lakin
həm tamaşada, həm də aktyor ifasında mühüm əhəmiyyətə
malik bu psixoloji məzmun kifayət qədər açılmamışdır.
Aydın Dadaşov
54
Qəribədir ki, Paseçnı da, müxtəlif vəziyyətlərdə eyni boya
ilə kifayətlənir. Marat Lika ilə ailə qurduğu zaman və ayrı-
lıq səhnəsində aktyor psixoloji gərginliyi artırmır. Buna
görə də obrazın emosional təsiri zəifləyir. Müəllif fikrinə
görə, əsas obraz Maratdır. Lakin dinamikanı və gərginliyi
Leonidik (Y.Q.Mitrofanov) çiynində daşıyır. Aktyor ağır,
çətin sınaqlardan keçən Leonidikin daxili əzab və iztirab-
larını bədiiliklə canlandırır, ara-sıra fəci boyalardan məha-
rətlə istifadə edir. Lakin Leonidik həyatı, insanları dərin-
dən duymaqda çətinlik çəkir. Hadisələrin sonunda bu hə-
qiqəti anladığı üçün qəlbində təbəddülat yaranır; o zahirən
təmkinli, həlim görünsə də, daxilən narahatdır, əzab çəkir,
sarsılır, ailə həyatını dəyişmək, yaradıcılıq işlərinə yeni-
dən başlamaq istəyir. Belə də edir. Həm də Lika ilə Maratı
birləşdirir”
47
cümlələri ilə bir aktyorun ifasını dəyərləndir-
sə də, digərinin (əsas personajın) zəifliyi ucbatından per-
sonajlararası münasibətin pozulduğunu göstərir.
Bütövlükdə isə bəşəriyyət üçün təhlükəli faşizmlə
mübarizədə ölümdən xilas olanların yaşam haqqını göstə-
rən, dramaturji qanunlarla yazılmış pyesin bədii dəyərləri-
nə baxmayaraq qadının ər dəyişdirməsi ilə bağlı süjet xət-
ti, görünür milli mentalitetdən uzaq olduğundan tamaşa da
uzun müddət repertuarda qala bilmədi.
***
Viktor Rozovun mübahisələrə səbəb olan “Rosa stan-
siyasının atlıları” pyesinə Cənnət Səlimovanın 1976-cı il-
də verdiyi quruluş da diqqəti cəlb edir. Məlumdur ki, sen-
zuranın bəyənmədiyi bu pyesin adını müəllif “Axşamdan
günortaya qədər” adı ilə əvəz etmişdi. Nikita Xuruşovun
47
M.Г.Allahverdiyev. Mənim zavallı Maratım. Ədəbiyyat və incəsənət . 10-04-1976.
Rejissorluğun üslub problemləri
55
“ilıqlaşma” dövrünü əvəzləyən Leonid Brejnevin “buzlaş-
ma” mərhələsində “Rosa stansiyasının atlıları” pyesinin
“imkanlılar kasıbların, yəni atlılar piyadaların belinə çıxa
bilməzlər” ideyasının gerçəkləşməsi olduqca aktual idi.
Əsas ona görə ki, sovetlər ölkəsində sinifsiz cəmiyyətdən
söhbət getdiyi halda təbəqələşmənin təzahürü göz önündə
idi. Pyesin, tamaşanın da gücü məhrumiyyətlərə baxmaya-
raq cəmiyyətdəki sosial aşınmanın nəticəsində təhlükəyə
məruz qalan mənəvi dəyərlərin qorunması yollarını göstər-
mək bacarığında idi.
İstedadlı, məşhur yazıçı Andrey Konstantinoviç Jar-
kovun (S.İ.Yakuşev) ailəsində baş verənlər ölkənin psixo-
loji mənzərəsini canlandıra bilməklə mövcud problemin
dar çərçivəyə tətbiq olunmasına imkan yaradır. Andrey
Konstantinoviç Jarkovun oğlu Kimi (Lev Qruber) sevsə də
ayrıldığı Braziliyaya köçən arvadından olan yeniyetmə
Alberti (İ.İKoşeleviç) ölkədən kənara buraxmaq istəmə-
məsi, paralel olaraq yazıçının qızı Katyanın səkkiz ilin ay-
rılığından sonra elmlər namizədi kimi geriyə qayıdan bəd-
güman sevgilisi Lev İvanoviçlə yeni həyat başlayacağına
ümid bəsləməsi hadisələrin mərkəzində dayanır. Kimin
oğlu ölkədən gedərsə mənəvi bağların itiriləcəyini düşü-
nüb əzab çəkdiyi halda Albertin harada olursa olsun keç-
mişlə əlaqənin itirilməyəcəyinin üzə çıxması qloballaşan
dünyada da mənəviyyatın vacib rolunu vurğulayır.
Finalda Lyova Qruzdyevin timsalında yalnız bu gün-
lə yaşamaqla mənəvi dəyərlərin üzərindən xətt çəkən vəzi-
fəli, imkanlı “atlılar”ın təzyiqinə dözməyən Kimin oğlu
Albertin xaricə getməsi ilə razılaşması, atası Andrey
Konstantinoviç Jarkovun yazdığı romanın əlyazmasını
yandırması mövcud quruluşa qarşı üsyan kimi səslənir.
Dostları ilə paylaş: |