94
juda
kuchli tasir etib, turli gil, qum va shag’allardan tashkil topgan. Er sharining nurash qobig’ini hosil qiladi.
Nixoyat tuproq g’ovak bo’lganligi uchun yog’in-sochin suvlarini shimish, saqlash va ostki qatlamlarga
o’tkazish xususiyatiga ega.
Tuproqning chuqur qatlamlariga suvning shimilib borishi bilan u erda ham suvda eruvchi xilma-xil
kimyoviy birikmalar paydo bo’lishiga sharoit tug’iladi. Bu erning chuqur qatlamlarida paydo bo’lgan yangi
birikmalar tabiatdagi turli jarayonlarda ishtirok etib, yana yangi minerallar hosil qiladi. Agar suvni shimib, uni
ostki qatlamlarigacha etkazib bera olish xususiyatiga ega bo’lgan g’ovak tuproq qavati bo’lmaganda edi,
yog’in-sochin suvlari er yuzasi orqali oqib ketgan bo’lar edi.
Tuproqga to’g’ri munosabatda bo’linsa, u doimo yaxshilanib boradi. Buning uchun tuproqni ishlashda
ilg’or agrotexnikaga rioya qilish, erni doimo o’g’itlab turish, tuproqda iloji boricha ko’proq nam saqlash,
almashlab ekishni joriy qilish zarur. Agar bu tadbirlar amalga oshirilmasa, tuproqda oziq moddalar kamayib
ketadi, strukturasi o’zgaradi va oqibatda eroziyaga
tez uchraydi, yani tuproq qashshoqlashib boradi. Natijada,
unumdor erlar kam unum bo’lib qoladi va kishilik jamiyati uchun salbiy oqibatlar kelib chiqadi, kelajak
avlodga tabiiy holati o’zgarib, yomonlashgan, kam unum erlargina meros bo’lib qoladi. Shuning uchun
sayyoramizdagi har bir kishining muqaddas burchi, kelajak avlodga erlarimizni yaxshi saqlangan holda
qoldirishdan iboratdir.
Insonning tuproqga tasiri va uning asosiy shakllari. Insonning tuproqga ijobiy va salbiy tasiri
ajratiladi. Inson tuproqlarning hosildorligini oshirishi, erlarning holatini yaxshilashi mumkin. Shuning bilan
birga shahar ko’rishi, atrof - muhitning ifloslanishi, agrotexnik tadbirlarning talabga
javob bermasligi
natijasida tuproqlar bevosita yo’q qilinishi, yaroqsiz holga kelishi, emirilishi mumkin. Hozirgi kunda tuproqlar
maydonining kamayishi uning tiklanishidan minglab marta tezroq amalga oshmoqda.
Er sharida tuproq qatlami tabiatning boshqa komponentlari kabi ekvatordan shimolga va janubga tomon
zonal o’zgarib boadi, tog’lik erlarda esa balandlik mintaqalari hosil qiladi. Joyning geologik tuzilishi, iqlimi,
o’simliklari va boshqa tabiat komponentlari tasirida har bir tabiat zonalarining tuproqlari turlichadir. Er shari
quruqlik yuzasi umumiy maydonning 31 foizga yaqini tuproqlari uncha rivojlanmagan joylarga to’g’ri keladi (
15 foizini muz va tundra zonalari, 1,2 foizini tog’lar, 0,7 foizini quruqlikdagi suvlar ishg’ol qiladi). Qolgan 60
foizi esa tuprog’i yaxshi rivojlangan o’rmon, o’rmonli dasht, chala cho’l, cho’l, savannlar, subtropik, tropik
zonalar va daryo vodiylardagi allyuvial tuproqli erlardir.
Ammo har tabiat zonasida tuproq qoplamining xarakteri va qishloq xo’jaligida foydalanishi tabiiy
faktorlar tasirida turlicha bo’ladi.
Mo’tadil mintaqada joylashgan keng barglik va aralash o’rmonlar (sur tusli o’rmon tuproqlari), o’rmonli
dasht va dasht (qoramtir va qora tuproqlar) zonalar xozircha ko’proq o’zlashtirilgan. Bu
tuproq zonalarida
butun er maydonning 26 – 35 % ini ekinlar va o’simliklar eqilgan joylar egallaydi. Dexqonchiliqda foydalanish
darajasi jixatidan qizil tuproqli subtropik zona (13 %)- ikkinchi o’rinni; kashtan hamda qo’ng’ir tuproqli
cho’llar zonasi (7 %) esa uchinchi o’rinni; issiq mintaqada joylashgan bo’z tuproqli cho’l zonasi (2 %) va qizil
qo’ng’ir tuproqli savanna (2 %)- to’rtinchi o’rinni egallaydi. Tabiiy sharoitni noqulayligi tufayli tundra
zonasidagi dexqonchiliqda foydalaniladigan (qisman ekiladigan rezavor ekinlarni hisobga olinmaganda) erlar
yo’q.
MDH da mavjud tuproq zonalari ichida dexqonchiliqda eng ko’p foydalanilayotgan erlar qora tuproqli
dashtlar (63%), bargli o’rmonlar zonasining sur tusli o’rmon tuproqlari (44%), subtropik zonasining qizil
tuproqlari (80 %), cho’l zonasining bo’z va madaniy bo’z tuproqlari (24%) va chala cho’l zonasining kashtan
tuproqlari (12 %) ni tashkil etadi.
Agar quruqlik yuzasida er fondining strukturasi : dunyo bo’yicha 13393 mln.ga (100 % ) bo’lsa, shundan
4041 mln. ga (30,1%) o’rmonlar bilan qoplangan erlar, 2987 mln. ga (22,3 %) o’tloq va yaylovlar, 14,7 mln. ga
(10,8 %) haydaladigan va ekin ekiladigan erlar, qolgan 4908 mln. ga (36,8 %) qumli cho’llar, muzlik va
qorliklar, qishloq va shaharlar, sanoat obektlari ishg’ol qilingan erlarga to’g’ri keladi.
So’ngi yillarda planetamiz tuproq qoplami tabiiy holatining o’zgarishiga qishloq xo’jalik
ishlari bilan
bog’liq bo’lgan tadbirlar tasir etmoqda. Chunonchi, o’rmonli erlarda daraxtlarni kesib, xaydab ekin ekish;
almashlab ekish; erlarni xaydab kultivatsiya qilish; tuproqqa ko’plab organik moddalar va mineral o’g’itlar
solish; tuproqni sug’orish va sho’rini yuvish; zax va botqoq erlarni quritib o’zlashtirish; erlarni planirovka
qilish va tekislash; ko’plab mevali va dekorativ daraxtlar o’tkazish va boshqalar. Qayd qilingan bu ishlarning
tasiri sug’orib ekin ekiladigan erlarda ayniqsa kuchli bo’lib, bir tamondan, tuproqning tabiiy holati tez o’zgarsa,
ikkinchi tomondan, uning unumdorligi ortib boradi va tuproqning holati yaxshilanadi.
Tabiiy omillardan
tashqari, tuproq paydo bo’lishida inson faoliyatining tasiri ham katta ahamiyatga ega.
Chunki inson tamonidan qilinadigan ishlar tuproq paydo bo’lish jarayonini tezlashtiradi va uning sifatini
o’zgartiradi. Masalan, erni xaydash, o’g’itlash, sug’orish, botqoqlarni quritish va boshqalar natijasida tuproq
anchagina o’zgaradi. Inson ixota daraxtzorlari barpo qilish orqali malum zona iqlimini, shuningdek bu zonadagi
95
boshqa tabiiy sharoitlarni keskin o’zgartiradi. Bu dexqonchilik tadbirlari ongli va agronomiya fanining
ko’rsatmalariga muvofiq olib borilgan taqdirda tuproqning unumdorligi oshadi.
Bizda uzoq vaqtlar davomida qaxrab yotgan dasht va cho’llarga suv chiqarish uchun kanallar va yirik
inshoatlar qurilmoqda, botqoqliklarni quritish uchun zovurlar qazilmoqda, sho’rxok erlarning sho’ri
yuvilmoqda va qurg’oqchiliq zonalarida ixota daraxtzorlari barpo qilinmoqda. Bu tadbirlarning hammasi
erlarni o’zlashtirish, tuproqning sifatini yaxshilash va unumdorligini oshirishga qaratilgandir.
Tuproqning ifolslanishi va uni muhofaza qilish. Tuproqlar
sanoat korxonalari, transport chiqindilari,
kommunal-maishiy chiqindilar bilan ham ifloslanadi. Kimyo va metallurgiya korxonalari, tog’-kon sanoati
chiqindilari tuproqlarni ayniqsa kuchli ifloslaydi va ishdan chiqaradi. Tuproqda simob, ko’rg’oshin, ftor va
boshqa judayam zaharli birikmalar to’planadi. Bu o’simliklarga salbiy tasir ko’rsatadi, bazilari nobud bo’ladi
va insonlarda turli xavfli kasalliklarni keltirib chiqaradi.
Tuproqlarni maxsus tadbirlar o’tkazib tozalash qiyin. Shuning uchun tuproqlarni ifloslanishdan saqlash
tadbirlari o’z vaqtida o’tkazilishi va qonuniy nazorat qilinishi kerak.
Respublikada er va er resurslaridan foydalanishni tartibga solish maqsadida «O’zbekiston
Respublikasida Er to’rrisida»gi qonuni qabul qilingan. (1990 yilning 20 iyunida).
Biosferadagi o’ziga xos tabiiy muvozanat ko’p jihatdan o’simlik va hayvonlarning biologik rang -
barangligining saqlanishi bilan bog’liqdir.
Tuproqning og’ir metallar bilan ifloslanishi. Foydali qazilmalarni qazib chiqarish va ularni ishlatish
bo’yicha odamlar bir qancha geokimyoviy jarayonlarni yaratdilar. Bu jarayoni akademik A.E. Fersman
“texnogenez” termini bilan atagan.
Texnogenezning birdan-bir belgisi Er shari sirtini temir bilan boytishdir. Akademik A.E.Fersman XIX
asrda metallar qazib chiqarish qanchalik o’sganligini hisoblab chiqdi. Uning hisobiga qaraganda, chuyan
sanoati (Fe, Mn, Mo, NiCr), elektrotexnika va havoda uchish (AL, Cu va kamchil elementlar), oziq-ovqat
sanoati (N,P, K elementlari) juda tez suratlar bilan o’sgan.
Og’ir
metallarga ftor, vanadiy, xrom, marganets, kobalt, nikel, mis, rux, mishyak, molibden, kadmiy,
simob, qo’rg’oshin, volfram, vismut, temir, surma va boshqalar kiradi. Atrof-muhit uchun xavflilari simob,
qo’rg’oshin, kadmiy, mishyak, selen, ftor elementlari bo’lsa, bular ichida o’ta xavflilari simob, qo’rg’oshin va
kadmiy hisoblanadi.
Og’ir metallar tuproqqa yana biotsidlar va mineral o’g’itlar bilan ham tushadi. Og’ir metallar tuproqda
asosan o’simlikka, undan oziqlanish zanjiri buylab odam va hayvonga zararli tasir qilish mumkin. Zaharli
kimyoviy elementlar ichida xavflisi simob bo’lib, uning metilsimob birikmasi tabiatdagi anorganik
birikmalardan anaerob sharoitida organik moddalar ishtirokida hosil bo’lishi mumkin.
Tuproqning og’ir metallar bilan ifloslanish manbalari asosan metall ishlab chiqarish sanoati
chiqindilari, turli yokilgilarning yonish maxsuloti, avtomobil dudlari va chiqindi gazlar, qishloq xo’jaligida
ishlatiladigan ximikatlar va boshqalardir. Xisoblarga qaraganda metallurgiya sanoati har yili juda ko’p
miqdorda mis, rux, qo’rg’oshin, nikel, moibden, kobalt, simobni atrof-muhitga chiqarib yuboradi.
Simob, qo’rg’oshin, kadmiy, mishyak, ftor, rux va boshqalar bilan tuproqning ifloslanishi.
Zaharli kimyoviy elementlar ichida eng xavflisi simob bo’lib, uning metilsimob tabiatdagi anorganik
birikmalardan anaerob sharoitda organik moddalar ishtirokida hosil bo’lishi mumkin. Simob atmosferaga
toshko’mir yoqishdan hosil bo’lgan dud va simob bilan zaharlangan suv havzalari suvini bug’lanishida
chiqadi. Bunda simob havo oqimi bilan ko’p joylarga tarqalishi va bazi erlarga o’tirib qolishi mumkin. Simob
birikmalari,
jumladan metilsimob suv, tuproq, o’simlik va boshqa oziqlanish zanjirlari orqali o’tib borib, oxiri
odam organizmiga tushishi mumkin.
Odam organizmdagi simob miqdori ruxsat etilgan miqdordan oshib ketsa, u vaqtda buyrak, jigar va
hatto miyaga kuchli tasir qilib asab kasalini keltirib chiqishi va bu kasallik hatto o’limga olib kelishi mumkin.
Tuproqning og’ir metallar bilan ifloslanishidan muhofaza qilish. Mamlakatimizda
texnogenezisning yomon oqibatlarini qaytarish bo’yicha puxta ishlab chiqilgan qatiy choralar qurilmoqda.
Atrof-muhitni og’ir metallar bilan ifloslanishidan muhofaza qilish uchun, birinchi navbatda shu metallarni
ishlab chiqaradigan sanoatni xar tamonlama takomillashtirish kerak bo’ladi. Sanoatni chiqindisiz yoki oz
chiqindili yopiq texnologiyaga o’tkazish atrof-muhitni og’ir metallar bilan ifloslanishidan saqlaydi.
Keyingi vaqtlarda o’zida metallarni to’plovchi mikroorganizmlar ham borligi ko’pchilik diqqatini jalb
qilmoqda. Bunday mikroorganizmlar mis, uran, mishyak, kadmiy va boshqa elementlarni olishda
ishlatilmoqda. Bu xil mikroorganizmlardan
keng foydalanish shaxtalar, karerlar va metallurgiya sanoatida
chiqadigan turli gaz chiqindilarini keskin kamaytirish imkonini beradi.
Kimyo va mashinasozlik sanoati chiqindilaridan qishloq xo’jaligi uchun qimmatli mineral o’g’itlar
olish mumkin. Shunday qilib, chiqindilarni zararsizlantirishning hamma imkoniyatlaridan to’liq foydalanish
kerak.