Fernan Brodelin sivilizasiyalara dair baxışları
61
yanaşmadır. Bu baxımdan, XX əsrin sonları-XXI əsrin əvvəllərində daha
da inkişaf
edən yeni postindustrial paradiqmanın təməl əsaslarından biri olmuşdur.
Mühüm məqamlardan biri də “sivilizasiya ” anlayışına Brodelin fərqli
yanaşmasıdır. Onun elmi irsini tədqiqi edən rusiyalı alim Y. Afanasyevin fikrinə
görə,Brodelin sivilizasiya konsepsiyası həm Osvald Şpenqlerin, həm Arnold
Toynbinin, həm də Karl Marksın bir-birini əvəzləyən ictimai-iqtisadi formasiyalar
nəzəriyyəsindən fərqlənir. F.Brodel üçün sivilizasiya,
hər şeydən əvvəl, "oykumena"
miqyaslarında başa düşülən qlobal cəmiyyətlərdir. Məhz bu anlama əsaslanaraq,o,
özünün sivilizasiya konsepsiyasınının digər yanaşmalardan fərqli olduğunu göstərirdi.
Bununla bağlı F. Brodel qeyd edirdi: " Tarixi proseslərin ləng, asta gedişatı ilə,
onun qəfil,sıçrayışabənzər sürətlənməsi,strukturun və konyukturun (şərait) arasında
uyğunsuzluq-dissonans, tarixşünaslığın mərkəzində duran, hələ də bitməmiş müza-
kirə olaraq qalır. Bu prosesləri qarşılıqlı asılılıqda dəyərləndirmək lazımdır.Üstəlik
də, burada onlardan hansının əsas, hansının isə ikinci dərəcəli olmasına əvvəlcədən
hökm verilməsi qətiyyən düzgün yanaşma deyil. Tarixi proseslərin eyniləşdirilməsi
(identikləşdirilməsi), təsnifatı və müqayisəsi-bu bizim əsas məsələmizdir. Tarixi
zaman-reallaşdırılan proseslərin yalnız səbəbi, şərti olmayıb, nəticəsidir.”(13)
Sivilizasiyaların tarixi-müqayisəli kontekstdə öyrənilməsindən əldə edilən elmi-
nəzəri qənaətlər də belə bir yanaşmanın doğruluğunu isbat edir və onun müasir
dünyanın siyasi-mədəni quruluşunun inkişaf dinamikasına
düzgün model-konsepsiya
verdiyini təsdiqləyirdi. Həmin qənaətlərin əsas cizgilərini belə ümumiləşdirmək olar
ki, ayrı-ayrı zaman və məkan koordinatlarında yaranan, öz identikliyini formalaşdırıb
seçkinləşən, eyni zamanda, bir-birindən törəyən, hətta bir-birinin daxilində mövcud
olan sivilizasiyalar özlərinin antik dövrdən müasir zamana doğru tarixi inkişafı
prosesində getdikcə daha çox inteqrasiyaya uğramış və daha çox universallıq
keyfiyyətləri əldə etmişlər. Lakin bu proses onların özünəməxsusluğunu əlindən
almamış, hətta qarşılıqlı münasibətlər rəqabət ruhunu möhkəmləndirmiş, iden-
tiklikləri sanki insanın özünüqoruma instinkti kimi onların diri qalmasını təmin
etmişdir. Bütün arxaik və qədim sivilizasiyalar artıq bu gün dünyada mövcud
olmasalar da, onların yaratdığı sərvətlər yalnız muzey eksponatı kimi deyil, müasir
bəşəriyyətin maddi və mənəvi xəzinəsi kimi yaşayır.
Müəyyən transformasiyalara
uğrasa da, mövcudluğunu davam etdirən sivilizasiyalarınsa yeni doğulan siviliza-
siyalarla interaksiyası tarixi-siyasi inkişafın çox maraqlı qanunauyğunluqlarını
meydana çıxarmışdır.
Fernan Brodelin fikrincə, “sivilizasiya həmişə keçmişini, tarixini və müasir
mövcudluğunu bir yerdə yaşayır”- bu “sivilizasiyaların davamlılığı” ideyası onların
“tükənməzliyi” ideyasına da başlanğıc vermişdir. Hətta “mənəvi epoxaların eyni
zamanlığı” və “siyasi epoxaların eyni zamanlığı” ölçüləri ilə yanaşmada məlum olur
ki, ən müxtəlif tarixi epoxaların mədəniyyət və sivilizasiyaları bir-biri ilə səsləşən
forma, məzmun və mahiyyətə malik olmuş, sanki eyni ideyaları və substansional
dəyərləri ayrı-ayrı epizodlarda ayrı cür yaşamışlar. Osvald Şpenqler
isə belə hesab
edirdi ki, sivilizasiyalar mədəniyyətlərin aqoniya və ölüm məqamıdır.(4)
Rəbiyyət Aslanova
62
Sivilizasiya və mədəniyyət mövzusunu ən müxtəlif sivilizasiyaların
materialları əsasında geniş araşdıran tarixçi burada da yeni səviyyələri aşkara
çıxarmış, mədəniyyətin fəlsəfəsi sahəsində də yeni anlayışlar təqdim etmişdir.
Adi və ya “güzəran” mədəniyyətinin, ciddi elmi təhlilini də ilk dəfə F.Brodel
özünün qeyd edlən “Gündəliyin strukturları. Mümkün və qeyri-mümkün olan”
əsərində vermişdir. O, XV-XVIII əsrlərdə ən müxtəlif xalqların, ən müxtəlif həyat
tərzləri, yaşayış, geyim, qida, pul və s. kimi aspektlərini ciddi təsvir və təhlil edərək
güzəran mədəniyyətinin çoxçalarlığını əks etdirir. Onun fikrinə görə, insan bütün
ömrü
boyu fəaliyyətini, adi “güzəran şüuru” səviyyəsində qərar və seçimlərinə uyğun
olaraq qurur.” İctimai şüur hər hansı bir dövr üçün əsas, rəhbər sayılan ideyanı
mənimsəməyə meylllidir və onu həm ictimai həyatda, həm də elmdə tətbiq edir.“Əqli
komforta” nail olmaq üçün faktlar müəyyən “məntiqi sapa” düzülür, məntiqsiz,
“ağlabatmaz” görünən faktlar diskomfort effektini yaratdığı üçün kənarlaşdırılır.
Nəticədə rəhbər sxem və modellər şüur kimi sadələşdirilmiş ideyada konkretləş-
dirilir”. (10;c.44)
Məhz gündəlik mədəniyyətdə sabit,
təkrarolunan həyat tərzi, sosial-mədəni
mikro-nizamın təşkilində, dəstəklənməsində mühüm rol oynayır. Burada insan, etnik
qrup, yaxud başqa birliyin üzvləri öz fəaliyyətlərini qura, təşkilatlandıra, energetik və
psixoloji potensiallarını sərf edə bilirlər. Bu güzəran mədəniyyəti rəsmi təsisatlar
tərəfindən nizamlanmanın təsirinə ən az məruz qalan sahədir. Gündəliyin
mədəniyyətini mənimsəməklə insan hələ uşaq yaşlarından
zəruri ünsiyyət təcrübəsinə
malik olur, mədəniyyətin “böyük dünyası”na daxil olmağa qabil olur. Adi həyatda
insan özünü nə qədər azad hiss etsə də bu azadlığın çərçivəsi məhdud olur. Ancaq
“gündəlik-güzəran” mədəniyyəti insanı sonralar bütün həyatı boyu davranış və
fəaliyyətini müşayiət edəcək, onun maraq və tələbatlarım təmin edə biləcək, adət və
ənənələrə çevrilərək nəsildən-nəslə ötürülə biləcək mikromühiti, ab-havanı aşılayır.
Bu mühit isə iyerarxik olaraq ev, ailə, təhsil, iş yeri, yaşayış məkanı, ölkə,
bəşəriyyət,
dünya müstəvilərinə qədər variasiya edir. Yüksək mədəniyyətlə, güzəran mədəniyyəti
arasında uçurum, “Çin səddi” yoxdur. Yüksək mədəniyyətin element və fraqmentləri
tədricən, yeri gəldikcə adi səviyyəyə keçir. Yüksək ideyalar, ideallar və s. carçısı olan
insanlar camaatın, adi insanların fikrinə, “adi həqiqətlərə” nə qədər biganə olsalar da
məhz gündəlik və güzəran səviyyəsində yeni ideyaların, innovasiyaların taleyi həll
oluna bilər.
Digər tərəfdən məlumdur ki, adi mədəniyyət bəzən qarşısına çıxan
problemləri müstəqil həll etməyə qadir olmaya bilir. Hər halda insanlar və ölkələrarası
münasibətlərdə baş verən münaqişələrin həlli, dəyişən həyatla ayaqlaşma,
innovasiyaların reallaşdırılması və s. bütün bunlar yalnız gündəlik, güzəran
mədəniyyəti səviyyəsində insanların mühitə münasibətini dəyişməyə sövq etməklə,
varlığın və yaşamın yeni tələblərini anlamağa hazır olmaları ilə bilavasitə
şərtlənmişdir.(1;s.45-46)