Fernan Brodelin sivilizasiyalara dair baxışları
59
FERNAN BRODELİN SİVİLİZASİYALARA DAİR BAXIŞLARI
Rəbiyyət Aslanova
Bakı Dövlət Universitetinin Fəlsəfə tarixi və
mədəniyyətşünaslıq kafedrasının müdiri,
fəlsəfə üzrə elmlər doktoru, professor
Açar sözlər: tarix fəlsəfəsi, Fernan Brodel, “Annallar Məktəbi”, iqtisadi
sistemlər, “uzunmüddətli tarix”, “qlobal tarix”, “gündəlik strukturlar”
Keywords: philosophy of history, Fernand Braudel, "School of Annals", "the long
duration", "global history", "world-system theory", "everyday structures"
Ключевые слова: философия истории, Фернан Бродель, «Школа Анналов»,
«время большой длительности», «глобальная история», «миросистемная
теория», «повседневные структуры»
“Tarix mənim üçün bütövlükdə-dünən, bu gün, sabah və perspektivlərdə olacaq
mümkün tarixlərin məcmusudur. Onların yalnız birini seçib, digərlərindən imtina
etmək-məncə bu çox böyük bir səhv olardı. Bu-əslində səhvlərin “tarixiləşdirilməsi”
demək olardı”. Fernan Brodel
Azərbaycan dövlət müstəqilliyini bərpa
etdikdən sonra, xüsusilə də
ictimaiyyətşünaslıq sahəsində müxtəlif tədqiqat ənənələrinin (məs. sovet dövrünə
qədərki, sovet dövrü və müasir dövr və s.) formalaşdığı, milli və dünya
tarixşünaslığında, tarix fəlsəfəsində mövcud olan çoxsaylı nəzəriyyə və məktəblərin
bir-birindən tamamilə fərqli, bəzən də ziddiyyətli olduğu ortaya çıxdı. Qədim və
müasir dövlətçiliyimizlə bağlı siyasi-tarixi proseslərin tədqiqinə yenidən baxmağın
zəruriliyi, öz növbəsində bu da, bəhs edilən sahələrdə mövcud
olan elmi irsə bələd
olmağı gündəmə gətirdi.
Müstəqillikdən əvvəlki yetmiş il ərzində mövcud olan tarixi araşdırmalarla,
müstəqillik dövrünü tədqiqat metodları və üsulları arasında nə qədər böyük fərqin
olmasının, tarixi proseslərin interpretasiyasının fərqli təhlil ənənələrinin
formalaşmasının hamımız şahidiyik.
Yaşadığımız hazırkı dövrdə dünyada yalnız siyasi-tarixi proseslərin deyil,
ictimaiyyətşünaslıq sahəsində də tədqiqat üsullarının böhran yaşaması, elmlərarası
əlaqələrin zəifliyi və elmi axtarışların nəticələrinin daha da səmərəli olması üçün
multidissiplinar tədqiqatların genişləndirilməsinə dair fikirlər səslənir. Bu gün artıq
mövcud olan və formalaşan paradiqmaların yenə də tarixin obyektiv reallıqlarını
Rəbiyyət Aslanova
60
təhrif etməyə, qloballaşan tarixi gerçəkliyin subyektiv ideoloji, geosiyasi maraqlara
tabe edilməsi yönündə istiqamətlənməsi sirr deyil.
Belə ki, dünyada
baş verən böhran vəziyyəti, bir tərəfdən baş verən proseslərin
səbəb və nəticələrini aşkara çıxarmağı, digər tərəfdən isə, tarixi proseslərin ənənəvi
tədqiqat üsullarının natamam olmasına, kifayət etmədiyinə dəlalət etməklə, yenidən
və yenidən tarixi-elmi irsə müraciət etməyi aktual məsələyə çevirir.
Həmin elmi irsdən
söz düşdükdə, milli və dünya tarixşünaslığına öz yaradıcılığı
ilə böyük töhfə verən epoxal isimlərdən biri kimi ilk olaraq yada düşən alimlərdən
biri- Fernan Brodeldir. Onun elmi yaradıcılığını və tarix fəlsəfəsi bir məqalədə əhatə
etmək, dəyərləndirmək nəinki çətindir, demək olar ki, mümkün deyil. Bununla belə
F.Brodelin tarix fəlsəfəsinə gətirdiyi yeni istiqamətin yaşadığımız XXI əsr üçün
əhəmiyyətini nəzərə alaraq mühüm məqamlara toxunmağa cəhd edəcəyik.
Fernan Brodel (1902-1985) XX əsr dünya, Avropa və Fransa
tarixçilərinin ən
görkəmli simalarından biri, tarixə dair tədqiqatlarda inqilabi yeniliklər yaratmış
məşhur “Annallar Məktəbi”nə (“Salnamələr Məktəbi”) rəhbərlik etmiş dünya şöhrətli
tarixçidir.
F.Brodel tarixin yaranması və tədqiqində geniş-epoxal miqyaslı sosial-iqtisadi
faktorların həlledici rola malik olmasını aşkara çıxaran müasir tarixşünasların
sırasında ən görkəmli şəxsiyyətlərdən biridir. O, həmçinin qeyd edildiyi kimi, “dünya
sistemləri nəzəriyyəsi”nin (world-systems theory) banilərindən hesab edilir.
Tarixi zaman, sivilizasiyalara, sosial-tarixi dinamikaya dair nəzəri qənaətləri
cəmiyyət həyatının təcrübəsi və tarixi faktlarla təsdiq edilməsi baxımından böyük
əhəmiyyətə malikdir.
Məlum olduğu kimi, tarixi inkişaf və proseslərə formasion yanaşmadan fərqli
olan sivilizasion yanaşmanın yaranması və geniş yayılması da F.Brodelin
fəaliyyəti
dövründə elmdə baş verən metodoloji yeniliklər sırasında mühüm istiqamətlərdən
birini təşkil edirdi.
“Keçən əsrdən başlayaraq ictimai fikir tarixində ən aktual məsələlərdən biri bəşər
cəmiyyətinin min illərdir qarşılaşdığı müxtəlif sivilizasiyalar arasındakı münasibətlər
olmuşdur. Təsadüfi deyildir ki, fəlsəfə və geopolitikada, hətta iqtisadiyyat və
ədəbiyyatda belə bu mövzu əsas oriyentir kimi götürülməyə başlanmışdır.
Məşhur
sivilizoloqlar Samuel Hantinqton, Arnold Toynbi, Fernan Brodel, Kristofer Dauson
və başqaları qlobal siyasətdə əsas yeri sivilizasiyalararası münasibətlərin tutduğunu
iddia edir və bu mülahizəni əsaslandırmağa çalışırlar”. (s.3- 4)
Ümumiyyətlə Brodelin Aralıq Dənizi haqqında fundamental tədqiqatında, böyük
imperiyaların (məs. İspaniya və Osmanlı kimi), dünya dinlərinin, məsələn,
katolik-
islam qarşıdurmasında əksini tapan ixtilafının təhlili- ən parlaq mövzulardan biri
olmaqla yanaşı sivilizasiyalar arası münasibətlərə böyük aydınlıq gətirir.
Sivilizasiyalara dair qeyd edilən nəzəri yanaşma F.Brodelin bu sahədə mövcud
olan konsepsiyaların davam etdirilməsi olmayıb,əksinə, fəlsəfi-tarixi idrakın yeni
üfüqlərini açan, fənnlərarası düşüncə məkanını genişləndirən prinsipial olaraq yeni