305
Allah ona rəhmət eləsin, qəbri nurla dolsun.
Vaxtilə Ağəddin Mansurzadəyə həsr etdiyim bu şeiri Hacı
barədə yazılan almanaxa da daxil etməyi özümə borc bildim.
Bir daha sənin ruhuna üz tutub deyirəm:
Ürəyim çırpınır kəpənək kimi,
Elə ki yolumdan sapıram, Hacı.
Bu kiçik şeirimi gül-çiçək kimi
Sənin yollarına səpirəm, Hacı.
Ünvanın çevrilib söz ünvanına,
Bütün yazarların öz ünvanına.
Harda incidilsəm, sənin yanına
Atımı dördnala çapıram, Hacı.
Haçan ki, bağlanır açdığım qapı,
Elə bil qırılır qəlbimin sapı.
Ürəyi təmizi, vicdanı pakı,
Görcək gözlərimə təpirəm, Hacı.
Yalan ayaq tutur, doğru yerimir,
Bax onda yersizlər tutur yerimi.
Əlimdə şam, çıraq gəzdiklərimi,
Sənin gözlərində tapıram, Hacı.
Torpağın nazını yaxşı çəkəndə,
Bəlkə gül bitirər qaratikan da.
Sən qərar tutduğun yerdə, məkanda,
Mən də bir kiçicik ləpirəm, Hacı.
Hər kim ki, oduna qalanıb sənin,
Mənalı ömrünə calanıb sənin,
O “keçəl” başına dolanıb, sənin,
O “zəhər”dilindən öpürəm, Hacı!
306
ƏLVİDA DEMƏYƏ DİLİM GƏLMƏDİ
Hər yerə tələsirdin. Xeyirə də, şərə də. İşə də, evə də. Dəniz
kənarına da, hətta iclaslara da.. Son vaxtlar bir az da səbirsiz,
hövsələsiz olmuşdun. Tez-tez əsəbiləşir, həyəcansız danışa bil-
mirdin. 26 il redaktoru olduğun “Sumqayıt” qəzetinin hər təzə
nömrəsinin üstündə yarpaq kimi əsirdin. Qəzet ərsəyə gələnə
kimi ürəyini yeyirdin. Abunəçilərin sayını artırmaq, qəzetin
tirajını çoxaltmaq, bədii dəyərini yaxşılaşdırmaq, əməkdaşların
sosial məişət problemlərini həll etmək, eh, daha nələr, nələr ürə-
yinin ağrılarını yadından çıxartmışdı... Dostların, həkimlərin
“Ay Kamran, müalicə olunmaq, bir qədər dincəlmək, istirahət
etmək də gərəkdir.. Vallah can ikinci dəfə ələ düşmür..” sözlə-
rini qəribliyə salır, soyuqqanlılıqla qarşılayırdın. Bircə kəlmə
cavabın vardı: “Vaxt yoxdur..” Bəs ölməyə necə vaxt tapdın,
qardaş?!
“Döyüşçü ömrüdür jurnalist ömrü, o, həmişə səngərdə-yazı
masası arxasında olmalı, ölümü də yaza-yaza qarşılamalıdır”,-
deyirdin. Sevimli xalq şairimiz Məmməd Araz demişkən:
Bir gün səni görməsəm,
Yazı masam, ölürəm.
Ölə-ölə yazmıram,
Yaza-yaza ölürəm.
Və yaxud:
Didərgin düşmüşəm düşmən əliynən,
“Qaçqın” sözündən də acığım gəlir.
Mənim döyüş vaxtı öz əcəliynən
Ölən kişilərə yazığım gəlir.
Fikrimiz necə də üst-üstə düşürdü... Ölüm səni iş başında
yaxaladı. Səninlə yanaşı əyləşən Rauf həkimin gözlərinin
307
qabağında. Nə qədər çalışdısa da, amansız ölümün pəncəsindən
səni xilas edə bilmədi, Rauf həkim... Hardan gəlib çıxdı bu
kəmfürsət ölüm? Axı, çox arzuların, yarımçıq işlərin vardı...
Axı biz səninlə birlikdə adını adımıza qoşduğumuz Veysəlli
kəndinə getməliydik, o böyük qələbəni öz gözlərimizlə görmə-
liydik.. Axırıncı dəfə nə yazmısan? Kimlə söhbət etmisən? Nə
demisən? Nə tapşırmısan?... Bilmirəm, bilmirəm..
Bir də baxdım ki, həyətinizdəyəm... Ələsgər Cabbarov, Akif,
tələbəlik dostun Çərkəz, qonşun İsfəndiyar, Süleyman əmioğlu,
Fazil... və başqaları məni qabaqlamışdılar. Bir neçə ay bundan
öncə sənin yubileyində görüşdüyüm, özünə qardaş bildiyin
Ələsgərlə qucaqlaşıb ağlaşırıq:
Bu dünya nə olan şeydir,
Bildik ağlaya-ağlaya.
Açdıq ağlaya-ağlaya,
Solduq, ağlaya-ağlaya.
Bir tamsa da, kəsirsə də,
Baş açmadıq nə sirsə də.
Beşiksə də, qəbirsə də,
Gəldik ağlaya-ağlaya...
Sumqayıtı “talelər şəhəri” adlandırırdın. Bu həm də sənin
taleyinin şəhəridir... Vida mərasiminə başda şəhərimizin İcra
Hakimiyyətinin başçısı cənab Vaqif Əliyev olmaqla bütün şəhər
gəlmişdi..
Bu da yaşadığın evin heyəti,
Həyət başdan-başa izdiham idi.
Bu halal zəhmətə, halal sənətə,
Böyük şəxsiyyətə ehtiram idi...
308
“Sən bütün yazarlara ən yaxşı nümunə idin, Vətənimizə,
dövlətimizə, dövlətçiliyimizə sədaqət, jurnalistlik peşəsinə dərin
məhəbbət, zəhmətsevər, qeyrətli sözün dayağı, işində dəqiq,
nizam-intizamı sevən, halal sözü, halal çörəyi bütün sərvətlər-
dən üstün tutan bir insan idin. Sözün əsl mənasında, ziyalı idin.
Sənin ən böyük varın, dövlətin də elə bu keyfiyyətlərin idi... Biz
səni heç vaxt unutmarıq. Allah sənə qəni-qəni rəhmət eləsin,
qəbrin nurla dolsun, ey ana-
sına qovuşan, “kədərinə ox-
şayan, böyük kişi!..” -Bu sə-
tirlər Saray qəbristanlığında
sənin qəbrinin üstündə tutula-
tutula, kövrələ-kövrələ danı-
şan Ələsgərin, Qüdrətin, Süb-
hanın, Çərkəzin, Bədirxanın
dediklərindəndir... Mən isə
hələ də sənin yoxluğuna
inanmırdım.. Divangirin, Vaqifin göz yaşları pərdəsi arxasından
portretin canlanırdı. Səni görürdüm. Elə bilirdim ki, biz bura
əzizlərimizi –Şərqiyyə anamızı, Saray anamızı, Abbas dayımızı,
Novruz dostumuzu, onun qardaşı Feyruzu, oğlu Namiqi ziyarət
etməyə gəlmişik...Səni yanımda hiss edirdim, elə bil əllərin
əlimə toxunur, qırıq-qırıq sözlərini eşidirdim:
-Əşrəf, sən dildən pərgarsan, başda İcra Hakimiyyətinin
başçısı cənab Vaqif Əliyev olmaqla, zəhmət çəkən bütün insan-
lara minnətdarlıq elə.
-Hacı Cəfərə, Seyfəddinə, Elmana xüsusi təşəkkür düşür.
-Səyyarəyə, ömür-gün dostuma de ki, çox ağlamasın xəstə-
dir, ona ağlamaq olmaz.
-Esmira balam özünü üzməsin. Anasına, qayınatasına,
Hamletə və bir də ölümün sərt və amansız qanunlarını hələ
qədərincə dərk edə bilməyən nəvələrimə o çox lazımdır.
Dostları ilə paylaş: |