289
Dörd tərəfdən dağlarla əhatə olunmuş Ostayır
kəndi də görün-
məz oldu. Sanki təbiət bizə imkan yaradırmış ki, səni öz evinə
çatdıraq....
28 martda, gündüz saat 1 rədələrində səni öz doğmalarının
yanında torpağa tapşırdıq.... Kəndin mömin adamları, qohum-
lar, dostlar, qonşular səninlə vidalaşmağa gəlmişdilər. Hələlik
sonuncu sayılan “İki dostum bir ürəyi”kitabındakı sözün
yadıma düşdü: “Əşrəf Şəfiyev ən yaxşı sözünü mənim qəbrimin
üstə deyəcək”. Hər yerdə, hər məclisdə söz deməyi bacaran,
danışmağa çətinlik çəkməyən dostun sənin məzarın üstə danışa
bilmədi. Gözlərimi sənsiz kədərin toru bağladı. Dodaqlarım
titrədi. Bir tərəfə çəkilib üzümü sənin sevdiyin və səni sevən
dağlara tutdum, ağladım, ağladım... Qəbrin üstə iş yoldaşın,
qələm dostumuz İldırım Dəmirov çıxış etdi. Deyilənə görə
yaxşı danışıb və sonda deyib ki: “Sən həmişəlik səni sevənlərin
ürəyinə köçürsən...”
Ayın 28-də Sumqayıta qayıtdıq. Biz gələn günün axşamı
dağlara möhkəm qar yağıb dedilər. 30 martda Sumqayıtda sənə
“üç-yeddi” verirdik, qardaşım.. Respublikamızın və şəhərimizin
bir çox tanınmış ziyalıları, iş yoldaşların, Əlimirzənin, Emilin,
Ramilin dostları gəlmişdilər... Kaş Hacı Cəfərin, Hacı
Təvəkgülün, Hacı Ağəddinin, Mustafa Salahovun, Zümrüd
xanımın necə kövrəlib ağladıqlarını görəydin. Əllərimizdə
nekroloqun yazılan qəzetlər olsa da, qələm dostumuz Sabir
Sarvanın ürək ağrısı ilə yazdığı şeiri ağlaya-ağlaya oxusaq da,
inanmırdım ki, bir daha səni görməyəcəyəm.... İnanmırdım ki,
barmaqlarının telefonumu titrədən sızıltısını bir daha eşitməyə-
cəyəm.. İnanmırdım ki, bir daha ərkyana “bacı” dediyin ömür-
gün yoldaşıma “Çox da lovğalanma,səni boşatdıraram...”,
“Daha qaş-qabağını niyə sallamısan, deyirsən duraq gedək?”,
“Nəyiniz çatmır?”, “Keçən həftədən qalma dolmadan-zaddan
gətir yeyək” və yaxud məndən çox xətirlərini istədiyin övlad-
290
larıma: “Nəyiniz çatmasa, sizə nə lazım olsa, atanıza deməyin,
mənə-mən əminizə deyin”... sözlərini təkrar eşitməyəcəyəm...
İnanmıram, inanmıram, inanmayacağam da!... Bütün məclis-
lərimizdə yerin görünəcək, qardaşım. Müqəddəs ruhun başımı-
zın üstündə olacaq həmişə..
Həyətinizdəki “xeyir-şər” evinin qapısında dayanıb gələnləri
qarşılayırdım. Elə bu vaxt 1-ci sinifdə oxuyan nəvən Cəlal
qəmli-qəmli mənə yaxınlaşdı. Əyilib qulağına “nə istəyirsən?”
dedim... O, bapbalaca toppuş əlini uzadaraq məclisin baş tərə-
fində, xalçanın üzərində asılmış qara haşiyəli şəklini göstərdi.
Nə deyim, bu məsum körpəni hansı sözlərlə ovundurum,
qardaş?..
Doğrudanmı dilimizin bütün incəliklərinə dərindən bələd
olan, dünyanın bədii söz xəzinəsindən ürəklə söhbət açan, şirin
yumorla cilalanan zərif, incə zarafatlarından xüsusi zövq aldı-
ğımız, halal sözün, təmiz bir ürəyin sahibi olan sənət qardaşı-
mızı, əməl dostumuzu həmişəlik itirdik?...
Doğurdanmı bədii söz xəzinəsinə öz qiymətli töhfələrini-
sevimli şairimiz Əli Kərim haqqında “Dinmə, ey kədər”, gənc-
lik dostumuz Vaqif İbrahim haqqında “Ölənlər evə qayıdırlar”,
kimya elmləri doktoru Mustafa Salahovun həyat və yaradıcılı-
ğından bəhs edən “Fikrin yükü”, yazıçı-publisist dostumuz Hacı
Ağəddin Mansurzadəyə həsr olunmuş “Mən bu qəlbin sahibi-
yəm”, şəhərimizin adlı-sanlı ziyalısı Nərçə Ağayev haqqında
“Ürəyinə borclu adam”, “Sumqayıt” qəzetinin redaktoru, jurna-
list Kamran Veysəllidən danışan “Kədərinə oxşayan insan”
kitablarının, yüzlərlə oçerklərin, publisistik məqalələrin müəl-
lifi, şeir dili ilə nəsr əsərləri yazan, çoxlarımıza nümunə ola
bilən nadir şəxsiyyət, gözəl insan, müdrik, qayğıkeş, əvəzsiz
dostumuzu itirdik?!.. Elə bu suallarla da evə qayıdanda qızım
Səadətin əlində “Dinmə, ey kədər” və oğlum Cavidin əlində
“Ölənlər evə qayıdırlar” kitablarını gördüm, qardaş!.. Ölümün-
dən sonra redaktoru olduğun “Azərbaycan kimyaçısı” qəzetində
291
şair dostumuz İbrahim İlyaslıyla həsr olunan “İbrahimə oxşa-
maq istəyən İbrahim”adlı səmimi bir yazını oxudum... Və bu
qənaətə gəldim ki, Feyzi Mustafayev yaşayır, Feyzi ölməyib. O
hələ, neçə-neçə evlərdə ürəkləri ovsunlayacaq..
Qardaşımın qalın-qalın qovluqlarda imkansızlıq ucbatından
çap olunmayan yazıları işıq üzü görəcək və bu yazılarda onun
heç zaman susmaq bilməyən ürəyi döyünəcək...
“Burdan bir atlı keçdi”,
Bir yel qanadlı keçdi.
Gün kimi şölə saçdı,
Ay kimi batdı keçdi.
Gün kimi şölə saçanlar, ay kimi batanlar heç vaxt ölmürlər,
ölmürlər.. adına ölməzlik deyilən əbədiyyətə qovuşurlar...