6
Fiziki tərbiyə fənninin tədrisi bu fənn üzrə Azərbaycan Respublikasının
Nazirlər Kabineti tərəfindən təsdiq edilmiş dövlət standartlarına
müvafiq olaraq hə-
yata keçirilir. Bu standartlar hər bir sinif və təhsil mərhələsi üçün müəyyən təlim
nəticələrinin əldə olunmasını nəzərdə tutur. 9-cu sinif şagirdləri üçün bunlar aşa-
ğıdakılardır:
Nəzəri biliklər üzrə:
sağlamlığının möhkəmləndirilməsində hərəki fəaliyyəti əhəmiyyəti haq-
qında biliklərini
nümayiş etdirir;
müxtəlif idman növlərinə aid hərəkətlərin icra üsulları haqqında biliklə-
rini nümayiş etdirir;
hərəkətlərdən istifadə və hərəki qabiliyyətlərin inkişaf etdirilməsi haq-
qında biliklərə malik olduğunu nümayiş etdirir.
Hərəki fəaliyyətin təşkili və idarə olunması ilə əlaqədar:
sağlamlığının möhkəmləndirilməsi
məqsədi ilə hərəkətlər, resurslar, va-
sitələr müəyyənləşdirir və istifadə edir;
ayrı-ayrı idman növlərinə aid olan hərəkətləri əlverişli üsullardan istifadə
etməklə yerinə yetirir;
dərs, dərsdənkənar idman tədbirləri, müstəqil məşğələlər zamanı ayrı-ayrı
hərəki qabiliyyətlərinin inkişafı üçün hərəkət, hərəkət kompleksləri, onların icra
rejimlərini, miqdarını müəyyənləşdirir və tətbiq edir;
yaş qrupu üçün müəyyən olunmuş normativlərə müvafiq hərəki qabiliy-
yətlər nümayiş etdirir;
təhlükəsizlik tədbirlərini yerinə yetirir, ilk tibbi yardım göstərməyi ba-
carır;
sinif və komanda yoldaşları ilə əməkdaşlıq edir, təqdiredici davranış
nümayiş etdirir.
Hər birinizin sağlamlığı, fiziki hazırlığınız həyat və yaşamaq üçün ən qiy-
mətli dəyərdir. Sizə bu dəyəri artırmaq istiqamətində uğurlar arzulayıram. Eyni
zamanda bu dəyər sizin bir vətandaş kimi Azərbaycanın inkişafı, onun ərazi bü-
tövlüyünün bərpa olunması istiqamətində səylərinizi genişləndirir.
Hər birinizə həyatda sağlam ,
idmanda
uğurlar
arzulayıram
.
Müəllif
lıq
Çap üçün deyil
7
Sağlamlığın möhkəmləndirilməsi
və xəstəliklərin profilaktikasında bədən tərbiyəsi
və idmanın rolu
İnsan sağlamlığına təsir göstərən amillər sırasında fiziki yük ən əhəmiyyətli
yerlərdən birini tutur.
Təsadüfi deyildir ki, sistemli olaraq idman və sağlamlaşdırıcı
məşqlərdən istifadə edən insanların fiziki hazırlığı və sağlamlığı həmişə diqqəti
cəlb edir .
Müxtəlif istigamətli fiziki yükün insan organizmində ayrı-ayrı funksional
sistemlərə müsbət təsiri ümumilikdə orqanizmin möhkəmlənməsinə səbəb olduğu
üçün baş verə biləcək xəstəliklərin qarşısının alınmasında profilaktika rolunu
oynayır.
Fiziki tərbiyənin və sağlamlaşdırıcı məşğələlərin orqanizmə müsbət təsiri
qədim dövrlərdən məlum idi. Hərəki fəaliyyətin zərurəti və insan sağlamlığının
ondan asılı olmasını qədim Yunanıstan və Romada yaxşı bilirdilər. Beləki, qədim
Yunan filosofu Aristotel (b.e.ə.IV əsr) qeyd etmişdir ki, “hərəkətsizlik kimi insan
orqanizmini məhv edən ikinci bir vasitə yoxdur”. Məhşur, qədim Yunan həkimi
Hipokrat fiziki hərəkətlərdən müxtəlif xəstəliklərin müalicəsində geniş istifadə
etməklə yanaşı, bu hərəkətlərin tətbiqinin əsas prinsiplərini də işləyib hazırlamışdı.
Qədim Romalı həkim Qalin (b.e.ə. 130-200 il) yazırdı: “Mən öz xəstələrimə
onların sağlamlığını 1000 və 1000 dəfələrlə fiziki hərəkətlərdən
istifadə etməklə
qaytardım”.
Göründüyü kimi insan sağlamlığının möhkəmləndirilməsi və onun
bərpasında fiziki hərəkətlərdən istifadənin çox qədim tarixi vardır. Lakin zaman
keçdikcə, insan sivilizasiyası inkişaf etdikcə, insanların yaşam tərzi dəyişir,
hərəkətlərdən gündəlik zəruri istifadə ehtiyacı azalır. Müasir dövrün maddi-texniki
inkişafı insanın gündəlik hərəki fəaliyyətinin azalmasına səbəb olur. Gündəlik
fəaliyyəti yalnız əzələ gücünə əsaslanan qədim insanlardan fərqli olaraq hal-
hazırda bu sahədə kəskin fərqlər nəzərə çarpmaqdadır. Hal-hazırda müasir insanın
sağlamlığını təhdid edən ən təhlükəli problem hərəkət azlığıdır.
I BÖLMƏ
Nəzəri biliklər
və informasiya təminatı
Çap üçün deyil
8
Müasir dünyada cəmiyyətin sürətli inkişafı şəraitində əhalinin sağlamlıq
vəziyyətinin pisləşməsi və ömrün qısalması müşahidə olunur. Müxtəlif
tədqiqatlar
əsasında müəyyən edilmişdir ki, gənclərin yalnız 10 %-ində sağlamlıq və fiziki
durum normal vəziyyətdədir. Orta hesabla insan ömrü 7-9 il azalmışdır, cəmiyyətin
istehsal potensialı əhəmiyyətli dərəcədə aşağı düşmüşdür.
Bu günki insan hətta 50-100 il bundan əvvəl yaşayanlarla müqayisədə daha
az hərəkət edir və deməli, onun tənəffüs, qan dövranı, əzələ sistemləri daha az fəal-
dır,
az inkişaf edir, tez qocalır. Eyni zamanda qeyd etmək lazımdır ki, sənayenin,
nəqliyyatın inkişafı böyük şəhərlərdə insan sayının artması ilə əlaqədar olaraq
yaşam şəraiti – ekologiya getdikcə pisləşir və bu faktorda insanın hərəki fəaliy-
yətinin azalması ilə birgə orqanizmin zəifləməsinə səbəb olur. Bunun da nəticə-
sində insan müxtəlif xəstəliklərə tutulur. Yuxarıda qeyd olunan neqativ halların
qarşısını almağın yeganə yolu orqanizmin müxtəlif funksional sistemlərini möh-
kəmləndirmək, yəni davamlı olaraq bədən tərbiyəsi və idmanla məşğul olmaqdır.
Sistemli olaraq fiziki hərəkətlərin yerinə yetirilməsi insan sağlamlığına
olduqca müsbət təsir göstərir. Sağlamlıq yalnız xəstəliklərin və fiziki qüsurların
olmaması deyil, o eyni zamanda tam fiziki, mənəvi və sosial rifahdır.
Fiziki rifah
– insan orqanizmində fəaliyyət göstərən bütün orqan və
funksional sistemlərin norma daxilində ahəngdar fəaliyyəti kimi başa düşülür.
Mənəvi rifah
– insanın
xoş əhval-ruhiyyəsinin, öz gələcəyinə inamın,
qarşıya çıxması ehtimal olunan hər hansı çətinliyin dəf ediləcəyinə əminliyin
mövcudluğudur.
Sosial rifah
– insanın cəmiyyətdə sabit mövqedə olması, uğurlu ailə şəraiti,
yaxşı qazanc gətirən işinin, maddi təminatının olmasıdır .
Sübut olunmuşdur ki, insan sağlamlığı yalnız 8-10 % səhiyyə müəssisə-
lərinin fəaliyyətindən, 18-22% genetik faktorlardan, 17-20% ətraf mühitin vəziy-
yətindən və 49-53% həyat tərzindən və şəraitindən asılıdır. Həyat tərzi isə hər bir
insanın özü tərəfindən müəyyən olunduğu
üçün inamla demək olar ki, hər bir yeni-
yetmənin sağlam olması onun özünüzdən asılıdır. Sistemli və düzgün dozalaşdı-
rılan fiziki yük orqanizmin ürək-damar, tənəffüs və digər sistemlərinin xarici mü-
hitin əlverişsiz təsirlərinə uyğunlaşma qabiliyyətini artırır və orqanizmin müxtəlif
xəstəliklərə qarşı dayanıqlılığını təmin edir.
Orta intensivlikli fiziki yükün təsiri ilə ürəyin iş qabiliyyəti artır, qanda
eritrositlərin sayı və hemoqlabinin miqdarı yüksəlir, qanın müdafiə funksiyası yax-
şılaşır.
Orqanizmin fiziki yükə qarşı reaksiyasını bir qayda olaraq ürək vurğularının
sayı göstəricisi ilə müəyyən edilir. Bu göstərici həm də orqanizmin funksional
sistemlərinin hazırlıq səviyyəsi haqqında müəyyən qənaətə gəlməyə əsas verir. Fi-
ziki cəhətdən fəal olmayan insanlarda ürək vurğularının 1 dəqiqədə göstəricisi 72-
84 vurğu/dəqiqəyə bərabərdir. Bu cür insanlarla müqayisədə yüksək dərəcəli,
idmançıların ürək vurğularının sayı xeyli aşağıdır. Və təxminən 60-65 vur/dəq.
bərabərdir. Bu göstərici yüksək dərəcəli uzaq məsafəyə qaçan stayerlərdə, üzgü-
çülərdə daha aşağı olub, təxminən 36-38 vur/dəqiqədir.
Beləliklə, fiziki cəhətdən
Çap üçün deyil