Cənubi ərəb dövlətlərinin siyasi quruluşu və dövlət idarəetmə sistemi
üçün nümunə Səba şahlığı idi. O, 6 tayfadan ibarət idi ki, onlardan üçü im-
tiyazlı mövqe tuturdu. Bütün tayfalar, əsasını ayrı- ayrı nəsillərin təşkil et-
diyi daha xırda şaxələrə bölünürdülər. Tayfaların idarə olunması onların
başçıları, kollegial orqanı təşkil edən kübar nəslin nümayəndələri (“kəbir-
lər”) tərəfindən həyata keçirilirdi. İmtiyazlı tayfalar kübar nəsil nümayən-
dələrindən müəyyən müddətə, dövlətin - torpaq və sudan istifadə ilə bağlı
olan kahinlik və təsərrüfat, həmçinin astronomik, astroloji və təqvim müşa-
hidələri funksiyalarını yerinə yetirən vəzifəli simalarını - "eponimləri" se-
çirdilər. Dövlət və xüsusi hüquqi sənədlərin tarixini qeyd edən, tarix hesabı
aparan eponimlər vəzifəyə 30 yaşında başlayırdılar və səlahiyyət müddəti
qurtardıqda, ağsaqqallar şurasına daxil olurdular. B.e.ə. III-II əsrlərə qədər
Səba şahlığında dövlət idarəçiliyini irsi səciyyə daşıyan, icra hakimiyyətinə
malik yüksək vəzifəli simalar - “mükərriblər” həyata keçirirdilər. Mükərrib-
lərin fəaliyyət sahəsinə dini mahiyyətli və təsərrüfat funksiyaları ilə yanaşı,
tayfa ittifaqlarının vaxtaşırı təzələnməsi, dövlət sənədlərinin və hüquqi akt-
ların dərc edilməsi, şəhər ərazilərinin və şəxsi mülklərin sərhədlərinin mü-
əyyən edilməsi və s. daxil idi. Müharibə vaxtı mükərriblər yığma qoşunun
başında dayanırdılar və “məlik” (hökmdar) titulunu qəbul edirdilər. Dövlə-
tin ali orqanı dini, qanunverici, inzibati, təsərrüfat və məhkəmə funksiyala-
rına malik olan Ağsaqqallar şurası idi. Dövlətin şəhər və yaşayış məntəqə-
ləri muxtar idarəetmə sisteminə malik idi.
Artıq b.e.ə. III-II minilliklərdə İkiçayarası dövlətlərlə sıx bağlı olan
Elam sivilizasiyasında özünəməxsus dövlət mədəniyyəti formalaşdı. Elam
cəmiyyəti üçün səciyyəvi cəhət, matriarxat və qəbilə-tayfa quruluşu qalıqla-
rının xeyli saxlanmasını təsdiq edən bacılarla nigah və dövlətin üç nəfər tə-
rəfindən idarə edilməsi idi. Elamda dövlət idarəçilyi çoxpilləli sistemə ma-
lik idi. Dövlət iyerarxiyasının ən yüksək pilləsində ölkənin ali hakimi hesab
edilən və Şumerin “sukkalmah” (böyük elçi) titulunu daşıyan hökmdar du-
rurdu. Onun iqamətgahı dövlətin paytaxtında, Suz şəhərində yerləşirdi.
İkinçi pillədə, Simaşda iqamətgahı olan və hökmdarın vəfatı zamanı onun
yerini tutan müavini (adətən qardaşı) - “sukkal” (elçi) dururdu. Üçüncü iye-
rarxiya pilləsində canişin və ya Suz şəhərinin padşahı yerləşirdi. Daha aşağı
pillələri vilayətləri idarə edən və birbaşa sukkalmahın ali hakimiyyətinə ta-
be olan “addalar” (atalar) tuturdu. Addaların varisləri ana xətti üzrə qohum-
lar idi. Qohumluq əlaqələri ölkədə idarəetmə sisteminin bütün səviyyələrin-
də mühüm əhəmiyyətə malik idi. Şah ailələrində qəbul olunmuş levirat ins-
titutuna görə, şahın ölümündən sonra onun qardaşı və varisi ölənin dul qal-
mış qadınına evlənir və bununla da taxta sahiblik hüququnu əldə edirdi. Bir
neçə əsr ərzində ölkədə Hammurapi qanunları işləyirdi. Məhkəmə iclasları
Fuad Məmmədov
130
İdarəetmə mədəniyyəti
vilayət canişinliklərinin və şəhər əhli nümayəndələrinin iştirakı ilə keçirilir-
di. Cinayətkarların cəzalandırılması amansızlığı ilə fərqlənirdi. XV əsr
üçün Elamın dövlət idarəçiliyi sistemində dəyişikliklər baş verdi. Şah taxtı
ata xətti ilə varislik üzrə əvəz edilməyə başladı ki, bu da mərkəzləşdirilmiş
monarxiyanın formalaşması prosesinin başlanğıcını qoydu. İdeoloji funksi-
yaları yerinə yetirən kahinlər xalqa təlqin edirdilər ki, şahlar allahların yer-
dəki müavinləridir və onların iradəsini yerinə yetirirlər. Elam panteonunun
başında allahların anası hesab edilən Pinekir (“Böyük ilahə”) dururdu. B.e.ə.
549-cu ilə yaxın Elam farslar tərəfindən zəbt edildi və Əhəmənilər imperi-
yasının tərkibinə daxil oldu.
B.e.ə. VII əsrin əvvəlləri üçün Babilistan və Misirlə yanaşı Yaxın Şərqin
ən iri dövləti Midiya oldu. Assuriya ilə uğurlu mübarizədən və Midiya
knyazlıqlarının tədricən birləşməsi nəticəsində, b.e.ə. 671-ci ildə Kaştariti
(Fraorta, Herodot onu belə adlandırır) dövründə Midiya ilk dəfə müstəqil
dövlət oldu. B.e.ə. 612-ci ildə Yeni Babil şahlığı ilə birlikdə Assuriyanı
darmadağın etdikdən sonra, VI əsrin əvvəli üçün Midiya Urartunu, Skif
şahlığını, Manna, Persiya, Parfiya, Girkaniya və Elamı öz hakimiyyətinə ta-
be etdi. Yüz ildən bir qədər artıq mövcud olan Midiya, b.e.ə. 550-ci ildə üs-
yan edən fars tayfaları tərəfindən ələ keçirildi, və tezliklə Əhəmənilər döv-
lətinin bir hissəsi olaraq, özünün müstəqil mövcudluğunu dayandırdı. Nəti-
cədə, Misir və Babilistandan fərqli olaraq, Midiya yetkin dövlətçilik səviy-
yəsinə çatmağa müvəffəq olmadı. Buna baxmayaraq, məlum olduğu kimi,
Midiyanın istilasından sonra farslar dövlət idarəçiliyinin midiya sistemini
mənimsədilər, amma sonralar onu islahat yolu ilə ciddi surətdə dəyişdilər.
B.e.ə. VI əsrin ortalarında Yaxın Şərqin tarixi səhnəsində, özünün inki-
şaf etmiş dövlət idarəçiliyini yaratmış yeni dövlət - qüdrətli Əhəmənilər im-
periyası meydana çıxdı. Rəsmən Misirin fironu elan edilmiş şah Kambizin
dövründə farslar tərəfindən istila edilmiş xalqların nümayəndələri dövlət
aparatında öz vəzifələrini tutmaqda davam edirdilər və onları irsən ötürür-
dülər. Qədim Şərq dövlətlərində qeyri-məhdud şah hakimiyyətinin tədricən
təsdiq olunması şahların, özünün əvvəlki imtiyazlarını inadla qoruyan qəbi-
lə əyanlarına qarşı mübarizəsi ilə müşayiət olunurdu. Qəbilə əyanları və
mərkəzləşdirilmiş monarxiyalı dövlət yaratmağa cəhd edən şah hakimiyyəti
arasındakı qarşıdurma köhnə sosial sistem olan patriarxal-qəbilə münasibət-
lərinin dağıdılmasını tələb edirdi. Midiyalı Qaumatanın ölkəni qısamüddətli
idarə etməsi zamanı yeni siyasi prinsiplərə əsaslanan dövlət islahatı keçiril-
di. İdarəetmənin qaydaya salınması məqsədilə, Qaumata, kültün mərkəzləş-
dirilməsinə, habelə fəth edilmiş ölkələrin əhalisinin müxtəlif təbəqələrinin
cəlb edilməsi hesabına imperiyanın sosial bazasını genişləndirməyə cəhd
edirdi. Tabe edilmiş xalqları Persiya daxilində saxlamaq və ölkə daxilində
131