İdarəetmə mədəniyyəti
119
da heyəti, əkinçilik icmasının yuxarı varlı təbəqələrinin
daxil olduğu, dövlət
idarəçilik aparatı ilə sıx bağlı olan - hakim sinif. Azad və asılı mülkədarlar və
sənətkarlardan ibarət - xırda istehsalçılar sinfi. Hüquq səlahiyyəti elementlərini
saxlamış ev qulları və əşyalara bərabər tutulan yadelli qullardan ibarət - qullar
və qullara yaxın asılı işçilər sinfi. Hər bir sinif - hüquq, əmlak və məişət vəziy-
yəti baxımından müxtəlif təbəqələrə bölünürdü.
Qədim Şərq ölkələri üçün səciyyəvi cəhət o idi ki, Qədim Yunanıstan və
Roma ilə müqayisədə, onlarda nisbətən zəif inkişaf tempi yer tuturdu. Bu, in-
tellektual mədəniyyətin inkişafına kifayət qədər diqqətin ayrılmaması, dini
təsəvvürlər çərçivəsində inkişaf edən çoxallahlılıq, Qədim Şərq iqtisadiyyatı-
nın durğunluq xarakteri, əmtəə təsərrüfatının zəif inkişafı, texnika və texnolo-
giyanın tədriclə təkmilləşdirilməsi, səthi əmək bölgüsü və onun məhsuldarlı-
ğının aşağı səviyyəsi ilə şərtlənirdi. Qədim Şərq ölkələrinin xüsusiyyəti həm
də o idi ki, onlarda ictimai quruluşun əsas sosial və ərazi vahidləri qismində,
bir-birinə və dövlətə münasibətdə hüquq və vəzifələri olan, lakin bununla ya-
naşı özlərinin mədəni mübadiləyə az meylli, ənənəvi qapalı dünyası ilə yaşa-
yan icmalar çıxış edirdilər. Spesifik Qədim Şərq iqtisadiyyatı, dövlət haki-
miyyətinin sosial strukturu və forması ilə şərtləndirilmiş icma, həyatın və is-
tehsalın kollektivçilik formasını saxlamışdı ki, bu da xüsusi mülkiyyətçilik
münasibətlərinin inkişafını ləngitməyə bilməzdi. Bütün bunlar çoxsaylı icma-
ların səylərinin birləşməsinə və koordinasiyasına yönəldilmiş dövlət idarəçi-
liyinin rolunu şərtləndirirdi. Qəbilə demokratiyasının ənənələrini aradan qal-
dıran belə hakimiyyətin spesifik forması, ədəbiyyatda “Qədim Şərq istibdad
hakimiyyəti” adı ilə məlum olan qeyri-məhdud monarxiya oldu.
İlk sivilizasiyalarda formalaşan dövlət idarəçiliyi sistemi iyerarxik prinsip
üzrə təşkil olunmuş çoxsaylı administrasiyaları birləşdirirdi. Dövlət idarəçili-
yi aparatı rütbə və subordinasiya sisteminə malik idi. Məmurların ictimai
mövqeyi onların xidməti pillədəki yerindən asılı olaraq müəyyənləşdirilirdi.
Administrasiyanın vəzifələri dövlətin daxili və xarici siyasəti ilə müəyyən
edilirdi. Ən mühüm daxili vəzifə - əkinçilik irriqasiyasının təşkili və torpaq
mülkiyyətinin idarə edilməsi idi. Dövlət sərəncam, nəzarət, icmaların irsi
mülkü olan torpağın istifadəsi üçün vergi yığmaq hüququna malik idi. Tor-
paqların bir hissəsi onların üzərində şəxsi təsərrüfat yaradan, torpaq vergisi
ödəyən və müəyyən mükəlləfiyyətlər daşıyan saray adamlarına, zadəganlara
və döyüşçülərə paylanırdı. Əsas torpaqlar istibdadçının və ondan asılı olan
kahinlərin əlində cəmləşmişdi. Alluvial çayların vadilərində yerləşən, əlveriş-
li təbii şərait və güclü irriqasiya sistemlərinin yaradılması ilə şərtlənən qədim
şərq ölkələrinin əkinçilik məhsullarının yüksək məhsuldarlığı əlavə məhsulun
yüksək həcmini təmin edirdi, bunun hesabına da inkişaf etmiş bürokratik
aparat, ordu və hakim sinfin rifahı üçün xərclər təmin olunurdu.
Fuad Məmmədov
120
İstibdad dövləti başçısının xüsusi mövqeyi onunla şərtlənirdi ki, hökm-
dar qanunverici, icraçı və məhkəmə hakimiyyətinin tam hüquqlu daşıyıcısı
hesab edilirdi, onun şəxsiyyəti isə ilahiləşdirilirdi. Bununla bərabər Qədim
Şərq ölkələrində, xüsusən, Qədim Hindistanın bir sıra dövlət qurumlarında
və Finikiyanın bəzi şəhərlərində dövlətçiliyin qeyri-monarxiya formasını
təmsil edən “oliqarxiya respublikaları” mövcud idi.
Mədəni inkişafın qeyri-bərabərlik qanununa uyğun olaraq, Qədim Şər-
qin ayrı-ayrı ölkələri sivilizasiyanın müxtəlif pillələrinə çatmışdılar. Döv-
lətçilik mədəniyyəti və dövlət idarəçiliyi mədəniyyətində - Qədim Misir,
Şumer-Mesopotamiya sivilizasiyası, Finikiya, Het şahlığı, Qədim Hindistan
və Çin liderlik mövqeləri əldə etmişdilər.
Şumer-Mesopotamiya sivilizasiyası
Dünya sivilizasiyası və şəhər mədəniyyətinin mühüm mərkəzlərindən
biri, əvvəli b.e.ə. IV minilliyə aid olan Mesopotamiyadır. Mesopotamiyanın
etnogenezində şumerlər, akkadlar, amoreylər, haldeylər, subareylər, kutilər,
lulubilər, aşşurlar, hetlər, hürritlər, kaslar, arameylər və bir çox digər etnos-
lar iştirak etmişlər. Bu sivilizasiyanın əsasını, yazını yaratmış və onu insa-
nın həyat fəaliyyətinin xidmətinə vermiş şumerlər qoymuşdur. Onların nai-
liyyətləri babilistanlılar və assuriyalılar tərəfindən mənimsənilmiş və inki-
şaf etdirilmişdir. Şumer-Mesopotamiya sivilizasiyasında geniş riyazi, astro-
nomik və coğrafi biliklər toplanmış, kitabxanalar, məktəblər, muzeylər, ar-
xivlər, zəngin ədəbiyyat və incəsənət abidələri, dini və hərbi institutlar,
həmçinin digər ölkələrin və xalqların mədəniyyətinə təsir göstərmiş dünya-
nın elmi dərk edilməsi sistemləri, müxtəlif hüquqi sistemlər və dövlət idarə-
çiliyi sistemləri yaradılmışdır.
Şumer-Mesopotamiya dövlətçiliyinin təşəkkülü və inkişaf tarixi haqqın-
da hökmdarların çoxsaylı yazıları, həmçinin Eredu, Ur, Uruk, Laqaş, Nip-
pur, Mari, Aşşur, Nineviya, Babilistan, Arrapxa və s. şəhərlərin dövlət, mə-
bəd və şəxsi arxivlərindən tapılmış minlərlə təsərrüfat, hüquqi və diploma-
tik sənədlər danışırlar. Onlar İkiçayarası ölkələrin qarışıq etnik tərkibi, siya-
si quruluşu, dövlət quruluşu və idarəetmə, iqtisadi və sosial münasibətlər,
ailə mədəniyyəti, hüquq normaları, dini baxışları və beynəlxalq münasibət-
ləri haqqında təsəvvür yaradırlar. Şumerin qədim şəhər-dövlətlərinin siyasi
quruluşu və hökmdarların idarəçiliyi haqqında məlumatlar Şumer epik poe-
malarında əks olunmuşdur. Çoxlu sayda inzibati və digər sənədlər “hökm-
dar siyahıları”, “salnamələr”, padşahların və onların canişinlərinin, məmur-
ların, sərkərdələrin, kahinlərin məktublarında və “limmu” məmurlarının
Assuriya siyahılarında saxlanılır.