14
7. COĞRAFİYA DƏRSLƏRİNDƏ MÜASİR TƏLİM
TEXNOLOGİYALARI
Mətnlərlə işin təşkili
Mətn tədris prosesində əsas təlim materialıdır. Ona görə də mətnlə işin
düzgün təş-
kili mühüm əhəmiyyət kəsb edir. İnformasiyanın tam mənimsənilməsi üçün şagird-
lər oxuduqlarını başa düşməlidirlər. Mətnlə iş üsullarının öyrənilməsi şagirdlərə
mətnlə müstəqil işləmək bacarıq və vərdişlərinə yiyələnməyə imkan verir. Bununla
yanaşı, verilən metodlar şagirdlərdə çox vacib vərdişlərdən
biri olan ünsiyyət
vərdişlərini formalaşdırır. 6-cı sinif coğrafiya müəllimləri üçün metodik vəsaitdə
Klaster, İQS, Ziqzaq və BİBÖ üsulları ətraflı şərh edilmişdir. Mətnlə işin digər
üsullarını təklif etmək olar:
Ardıcıl suallar üsulu. Şagirdlərə mətni birgə diqqətlə oxumağa,
onu düşünməyə
köməklik edir. Şagirdlər növbə ilə lazım olan mətni hissə-hissə ucadan oxuyurlar.
Bir abzas oxuduqdan sonra ikinci şagird oxunan hissədən sual verir, birinci şagird
onun sualını cavablandırır. Sonra onlar rollarını dəyişirlər. Sual verən şagird oxu-
mağa
davam edir, ikinci isə oxunan abzasdan ona sual verir.
Mətndə əsas sözlərin araşdırılması üsulu. Əsas sözlər və söz birləşmələri təlim
materialını yadda saxlamağa kömək edir. Bu dəstək sözlərin köməyi ilə mətnin
əsas məzmununu asanlıqla bərpa etmək olar. Şagirdlər mətndə əsas sözləri seçib
onları vərəqə (dəftərə) köçürürlər. Adətən, əsas anlayışlar dərslikdə qalın şriftlə ve-
rilir. Açar sözlər məlumatın sonradan açılması üçün seçilir.
Seçilmiş dəstək sözlərə
əsaslanaraq şagirdlərə mətnin hissəsini danışmaq təklif oluna bilər. Mətn üzrə əsas
sözlər şifahi cavabın əsası ola bilər.
Açar sözlər əsasında dərsliyin mətninə suallar tərtib edilməsi. Bu metod şa-
girdlərdə suallar quraşdırmaq vərdişlərini inkişaf etdirir. Şagirdlər növbə ilə mətni
abzasla oxuyurlar, birlikdə bu abzasdan açar sözləri seçir və onu dəftərə yazırlar.
Termin sözlərdən suallar tərtib edirlər. Onları çox da böyük olmayan vərəqlərə ya-
zırlar. Şagirdlərdən biri bu sualı oxuyur, ikincisi ona cavab verir. Əgər cavab
düzgün kimi qəbul
edilirsə, vərəqin arxa tərəfinə yazılır. Bu kart-cavabı şagirdlər
sonradan mövzu üzrə öz biliklərini yoxlamaq üçün istifadə edə bilərlər.
Planın və köməkçi sxemlərin tərtib edilməsi. Plan və sxemlər əsas olanı əsas
olmayandan ayırmağa, mətnin əsas məzmununu müəyyən etməyə, hissələrin qarşı-
lıqlı əlaqələrini araşdırmağa kömək edir. Bunlar hamısı materialın sistemləşdiril-
məsinə gətirib çıxarır.
Plan – mətnin struktur-məzmun təşkilini (mikromövzuların ardıcıllığını, onların
qarşılıqlı əlaqələrini) əks etdirən xüsusi bir sxemdir.
Birlikdə oxuyaq. Metodik üsul bu və ya digər informasiyanın sadəcə təkrarlan-
masını deyil, təlimi başa düşmə səviyyəsinə yönəltməyə imkan verir.
Metodun
istifadə edilməsi şagirdlərin müxtəlif növ fəaliyyətlərinin təşkilinə imkan verir: biri
mətni oxuyur və oxuduqlarını izah edir, digəri isə mətnə aid sual hazırlayır. Bu
zaman tapşırıqdan asılı olmayaraq bütün şagirdlər mətni dərindən düşünməli, onu
qruplaşdırmalı, suallar verməli və onlara cavab verməlidirlər.
Çap üçün deyil
15
Mətnə əsasən cədvəlin doldurulması. Cədvəllər mətnin əsas ideyasını aşkar
etməyə imkan verir. Məsələn: “Azərbaycanın iqlimi” dərsi.
Mövsüm xüsusiyyətləri
İqlim tipi
Yayıldığı ərazi Yağıntıların
miqdarı
yay qış
KEYS metodu (tematik tədqiqat)
Keys (ingiliscə “
case” – hadisə, vəziyyət) hər hansı bir praktik problemin həlli yol-
larının kollektiv və ya fərdi axtarışını tələb edən təlim materialıdır.
Onun fərqlən-
dirici xüsusiyyəti real həyatdan götürülən faktlar əsasında problemli situasiyanın
təsvir edilməsidir.
Keys olaraq elmi, publisistik, bədii, yaxud tədris materialları götürülə bilər. Keysə
verilən tələblər:
1. Müzakirəsi mümkün olan və birmənalı həlli olan aktual problemlərin qo-
yuluşu.
2. Mətnin dərsin mövzusuna və məqsədinə uyğunluğu.
3. Tədqiq olunan problemin təhlilinin aparılması və həlli yollarının axtarışı üçün
kifayət qədər informasiyanın olması.
4. Problemin müəllif qiymətləndirməsinin olması.
Müzakirənin nəticələrinin surətlə qeydə alınması üçün qrupa təlimat və şablonun
paylanması məqsədəmüvafiqdir.
Keyslə iş mərhələləri.
1. Mətni oxuyun.
2. Mətndə hansı problemdən bəhs edildiyini müəyyənləşdirir.
3. Problemin (yaxud problemlərin) nədə təzahür etdiyini dəqiqləşdirin.
4. Problemin həlli yollarını müzakirə edin (“Əqli hücum”).
5. Qrupun qərarını təqdimetməyə hazırlayın.
6. İşin yekununu təqdim edin.
Təlim layihələri
Təlim layihəsi şagirdlərin birgə yerinə yetirdiyi öyrədici və yaradıcı fəaliyyətdir.
Layihələr şagird tərəfindən sərbəst, yaxud müəllimin nəzarəti ilə yerinə yetirilir.
Layihə şagirdlərin təlim fəaliyyətini praktik məsələlərin həllinə tətbiq etməyə
imkan verir, onlarda əməkdaşlıq və birgə fəaliyyət bacarıqlarını formalaşdırır, tə-
lim prosesini şagird üçün fəal və mənalı edir. Təlim layihələrinin müxtəlif növləri
vardır. Dominant fəaliyyət
növünə görə layihələr məlumatlandırıcı, yaxud
təd-
qiqedici olur.
Davamlılığına görə
qısamüddətli (bir və ya iki dərs) və
uzunmüddətli (bir ay və
daha çox) olur.
İştirakçıların sayına görə layihələr fərdi, qrup, kollektiv və ya qarışıq (işin müxtəlif
mərhələlərində həm qrup, həm də fərdi iş planlaşdırılır) ola bilər.
Çap üçün deyil