__________________________________________
374
AVROPA ŞURASI PARLAMENT
ASSAMBLEYASININ SƏDRİ
LORD RASSEL-CONSTON İLƏ
GÖRÜŞDƏKİ SÖHBƏT
Prezident sarayı
17 sentyabr 1999-cu il
Heydər Əliyev: Hörmətli cənab lord, hörmətli cənab sədr!
Mən sizi Azərbaycanda salamlayıram, bizim ölkəyə xoş
gəlmisiniz. Mən Avropa Şurası Parlament Assambleyasının
sədri seçilməyiniz münasibətilə sizə təbrik məktubu
göndərmişdim. İndi isə şəxsən görüşərək sizi bir daha səmimi
qəlbdən təbrik edirəm və bu böyük işinizdə sizə gələcək uğurlar
arzulayıram.
Bir müstəqii dövlət kimi Azərbaycan Avropa Şurası ilə
hərtərəfli əməkdaşlıq edir. Biz bu əməkdaşlığı qiymətləndiririk.
Hesab edirəm ki, biz ötən dövrdə bu sahədə xeyli işİər
görmüşük. Şübhəsiz ki, Azərbaycan Avropa ölkəsi olduğu üçün
və xüsusən Avropanm tam kənar bir hissəsində, Avropanın
Asiya ilə birləşdiyi yerdə yerləşən bir ölkə kimi Avropanın
bütün strukturlarmda iştirak etmək istəyir. Biz məmnunuq ki,
Azərbaycana Avropa Şurasında qonaq statusu verililədir. Ümid
edirik ki, indiyədək görülən işləri bizim əməkdaşlığımız
Azərbaycanın Avropa Şurasının tam üzv olmasına gətirib
çıxaracaqdır. Yəni bununla onu demək istəyirəm ki, biz Avropa
Şurası ilə bundan sonra daha da geniş əməkdaşlıq edəcəyik.
__________________________________________
375
Məmnunam ki, siz artıq bizim ölkəmizdə bəzi sahələrlə tanış
olmusunuz. Xüsusi təşəkkür edirəm ki, siz zəhmət çəkib,
qaçqınlar yaşayan çadır şəhərciklərində olmusunuz, bizim
həyatımızın, bugünkü reallığımızın bu ağır hissəsini öz
gözlərinizlə görmüsünüz. Ona görə də yəqin sizin Azərbaycan
haqqında müəyyən təəssüratlarınız vardır. Güman edirəm ki,
bundan sonra bizim əməkdaşlığımız bu təəssüratları daha da
genişləndirəcəkdir. Buyurun.
Rassel-Conston: Cənab prezident, bizi belə mehribanlıqla
qarşıladığınıza görə Sizə səmimiyyətlə minnətdarlığımı
bildirirəm.
Cənab prezident, Siz dediniz ki, yəqin mənim Azərbaycan
haqqında müəyyən təəssüratlarım artıq formalaşıbdır. Lakin mən
bir qədər diqqətli və ehtiyatli olmaq istərdim. Mən istərdim ki,
Azərbaycan haqqında öz mülahizələrimi hələ ki, bildirməyim.
Cənab prezident, bilirəm ki, dünyada beynəlxalq sahədə
ekspert adını bir neçə günə qazanmış adamların sayı çoxdur.
Mən istəmirəm ki, onların sırasında olum. Lakin bir məsələni
tam aydınlıqla deyə bilərəm və bu, həqiqətən belədir ki, məni
burada çox hərarətlə, dostyana, yəni mənim istədiyimdən də
artıq qarşılayıblar.
Cənab prezident, yəqin Sizə məlumdur ki, mən buraya
Cənubi Qafqaz ölkələri ilə bizim təşkilat arasında əməkdaşlığı
daha da möhkəmləndirmək məqsədi ilə gəlmişəm və Bakıdan
əvvəl Tbilisidə idim. Yaxşı anlayıram ki, Gürcüstanın bizim
təşkilata qəbul olunması Azərbaycanı və Ermənistanı bir qədər
narahat edir. Lakin biz hər üç ölkə ilə əməkdaşlıq etmək
istəyirik.
Avropa Şurası elə bir təşkilatdır ki, o, münaqişələrin həll
olunmasında birbaşa iştirak etmir. Lakin eyni zamanda, Avropa
Şurasının Parlament Assambleyası münaqişəyə qoşulmuş
ölkələr arasında körpü, dialoq yaratmaq və onların
__________________________________________
376
bir-biri ilə dil tapmasına yardım etmək üçün kifayət qədər biliyə
və təcrübəyə malikdir.
Mən Sizi əmin etmək istəyirəm, - biz heç də istəmirik ki,
özümüzü göstərək ki, təşkilatımız hər şeyə qadirdir. Lakin onu
da deməliyəm ki, bizim bu işdə müəyyən bacarığımız vardır.
Həmişə mənə elə gəlir ki, sülh yaratmaq müharibə etməkdən
daha çətin məsələdir.
Məlumdur ki, martın 6-da Azərbaycan, Gürcüstan və
Ermənistan parlamentlərinin sədrləri Strasburqda idilər. Biz
orada razılaşdıq ki, bu cür görüşləri davam etdirək və bu
görüşlərdən biri Tbilisidə baş tutdu.
Sizin qeyd etdiyiniz kimi, Azərbaycan Avropa Şurasına tam
üzv qəbul olunmaq üçün müraciət etmiş öikədir. Eləcə də
Ermənistan bu sırada olan ölkələrdən biridir. Biz böyük ehtiyac
duyuruq ki, bu ölkələr arasında əlaqə yaransın və həmin
ölkələrin daxilindəki çətin məsələlər həll olunsun ki, hər iki ölkə
Avropa Şurasının irəli sürdüyü standartlara cavab verə bilsin.
Əlbəttə, Parlament Assambleyasının sədri kimi mən bu
məsələlərə birbaşa cəlb olunmamışam. Lakin öz vəzifəmdə bu
işə böyük maraq göstərirəm. Mən istəyirəm bütün ölkələrdə
adını çəkdiyim məsələlər mümkün qədər tez və düzgün həll
olunsun ki, həmin ölkələr Avropa standartlarına cavab versinlər.
Mən bu səfərim zamanı Yerevanda prezident Robert
Koçaryanla və Tbilisidə prezident Eduard Şevardnadze ilə
görüşdüm. Əlbəttə, onların nə dediklərini Sizə demək mənim
tərəfımdən düzgün olmazdı. Lakin bircə məsələni demək
istəyirəm ki, hər iki prezident Sizin haqqınızda danışarkən
onların nitqləri komplimentlərlə dolu idi.
Cənab prezident, Siz elə bir şəxsiyyətsiniz ki, bu regionda və
ümumiyyətlə, dünyanın siyasi meydanında böyük nüfuz
qazanmısınız. Sizinlə görüşmək mənim üçün böyük şərəfdir.
Mən bu görüşdən istifadə edərək istərdim ki, ölkənizin və
Dostları ilə paylaş: |