Microsoft Word H. Eliyev 21 cild haz?r doc
Yüklə 2,7 Mb. Pdf görüntüsü
|
- Bu səhifədəki naviqasiya:
- Rassel - Conston
__________________________________________ 383
təbrik etdim. Gürcüstanla Azərbaycan arasında çox gözəl dostluq, əməkdaşlıq əlaqələri vardır. Bizim xalqlarımız əsrlər boyu dostluq ediblər. İndi müstəqil dövlətlər kimi, Cənubi Qafqazda olan müstəqil dövlətlər kimi, Gürcüstanla Azərbaycanın əlaqələri, hesab edirəm ki, nümunə ola bilər. Xüsusən son vaxtlar Xəzər dənizinin enerji ehtiyatlarından istifadə olunması üçün, yəni sizə söylədiyim müqavilənin həyata keçirilməsi üçün Bakıdan Gürcüstan ərazisi ilə Qara dənizdəki Supsa limanına neft kəmərinin çəkilməsi və Azərbaycandan Türkiyəyə nəzərdə tutulan Bakı-Ceyhan neft kəmərinin Gürcüstandan çəkilməsi - bunlar hamısı bizim Gürcüstanla nə qədər sıx əməkdaşlıq etdiyimizi göstərir. Biz arzu edirik ki, təkcə Gürcüstanla Azərbaycan arasında yox, bütün Cənubi Qafqaz ölkələri arasında sülh olsun, mehribanlıq olsun, əməkdaşlıq olsun. Sizin Avropa Şurasının parlamentlər vasitəsilə Cənubi Qafqaz ölkələrində, onların arasında bir-birinə munasibət, inam yaranması üçün apardığınız tədbirlər də, şübhəsiz ki, əhəmiyyətlidir. Biz bu tədbirlərin - mart ayında üç ölkənin, yəni Gürcüstan, Ermənistan və Azərbaycanın parlamentləri sədrlərinin Fransada sizin rəhbərliyiniz altında keçirilən görüşünün, sonra Tbilisidəki görüşünün məhz Ermənistan - Azərbaycan münaqişəsinin sülh yolu ilə həll olunması nəqsədi daşıdığını əsas götürürük. Bizim başqa problemlərimiz də çoxdur. Onların hamısını danışsam gərək biz bir neçə saat söhbət edək. Ancaq mən əsas problem haqqında sizə dedim və sizi əmin edirəm ki, əgər bu əsas problem həll olunsa, sülh yaransa qalan problemlərin hamısı - həm daxili, həm xarici problemlər daha asanlıqla həll oluna bilər. Ona görə mən sizə müraciət edirəm ki, siz və ümumiyyətlə, Avropa Şurası Cənubi Qafqazda tam sülhün, əmin-amanlığın, ədalətli sülhün yaranmasına bundan sonra da çalışasınız və bizə kömək edəsiniz.
__________________________________________ 384
Bəlkə siz mənim bu sözlərimi dinləməkdən yoruldunuz. Ancaq mən sizin sualınıza cavab olaraq bunları deyirəm.
verdiyiniz geniş şərhə görə Sizə çox minnətdaram. Siz dünyanın müxtəlif ölkələrindən burada işləyən, Azərbaycanın iqtisadi inkişafında iştirak edən neft şirkətlərinin, o cümlədən «Bi- Pi»nin adını çəkdiniz. Əlbəttə, ilk əvvəl deməliyəm ki, mən özüm böyük britaniyalı - şotlandiyalıyam. Cənab prezident, artıq yeddi aydır ki, Avropa Şurasının Parlament Assambleyasına sədr seçilmişəm və bu müddət ərzində çalışmışam unudum ki, britaniyalıyam, şotlandiyalıyam. Çalışıram tam avropalı kimi hərəkət edim, yəni 41 Avropa ölkəsi üçün işləyim. Biz üzv olan hər ölkənin nümayəndələri ilə görüşərkən, söhbət edərkən çalışırıq bunu əsas tutub onlara deyək ki, bilirik, sizin ölkənizin milli maraqları vardır. Lakin biz həmin milli maraqları adlamağa, onlardan daha irəli getməyə çalışırıq. İstəyirik ümumi maraqlar, dəyərlər üçün işləyək ki, hər bir ölkə buradan öz xeyrini götürə bilsin. Cənab prezident, Sizə minnətdarlığımı bildirmək istəyirəm ki, özünüzün də dediyiniz kimi, bu çətin, ağrılı problemin öhdəsindən gəlməyə çalışırsınız. Əlinizdən gələni edirsiniz ki, bu problemi həll edəsiniz. Əlbəttə, mən bu gün Dağlıq Qarabağ münaqişəsinin nəticəsi kimi qaçqın düşmüş insanları gördüm. Onların vəziyyəti, şəraiti həqiqətən çox çətindir. Sadəcə olaraq, bizim bu gün çalışdığımız xüsusilə müstəsna çətinliklər dövrünü unutdurmaqdan, azərbaycanlıları və erməniləri sivil yolla bir- biri ilə söhbət etməyə, razılığa gəlməyə dəvət etməkdən ibarətdir. Mən Tbilisidə olan görüşlərin birini müşahidə edirdim. Orada, düzü, Gürcüstan nümayəndələri azlıq təşkil edirdilər. Əsasən Ermənistan və Azərbaycan nümayəndələri öz aralarında söhbət aparırdılar. Onlar insan hüquqlarının tətbiq
__________________________________________ 385
olunmasının nəzəri cəhəti haqqında deyil, praktiki həlli haqqında söhbət edirdilər. Yəni, aydındır ki, nəzəriyyədən praktikaya keçdikdə yerlərdə həm məhkəmənin, həm polisin işi nəzərə alınmalıdır. Hazırda bizim işimiz ondan ibarətdir ki, aydın məsələdir. Dağlıq Qarabağ problemi Sizinlə Koçaryanın danışıqlarından sonra öz həllini tapacaqdır. Hər iki ölkənin baş nazirləri razılığa gələcəklər və yaxud da xarici işlər nazirləri öz aralarında razılıq əldə edəcəklər. Eyni zamanda Minsk qrupu bu işə yeni bir məqam gətirəcək və bu məsələnin həll olunmasına yardım edəcəkdir. Lakin bütün bu müddət ərzində biz boş qalmırıq, öz işimizi davam etdiririk. İki ölkənin parlamentləri arasında görüşlərin keçirilməsinə əlimizdən gələn köməyi edirik. Yəni aydın məsələdir ki, siz razılığa gəldikdən sonra istər-istəməz bu razılıq hər iki ölkənin parlamentləri tərəfindən ratifikasiyadan keçməlidir. Bizim də əsas məqsədimiz ondan ibarətdir ki, parlamentlər bütün bu müddət ərzində bir-birinə düşmən kimi baxmasınlar, əməkdaşlığa indidən başlasınlar. Cənab prezident, sonda isə Sizə başqa bir sual vermək istərdim. Əlbəttə, Siz özünüz qərara alacaqsınız ki, bu suala cavabı mətbuat nümayəndələri burada ola-ola verəsiniz, yoxsa onlarsız. Məlumdur ki, bu məsələ hazırda həm Yerevanda, həm Tbilisidə, həm də Bakıda böyük narahatlıq doğurur. Bu məsələ eləcə də ətraf regionda narahatlıq doğurur, bütün keçmiş SSRİ ərazisində və həmçinin Avropada bu məsələdən çox narahatdırlar. Açığın desəm, mən heç bilmirəm ki, bu məsələnin həllinə biz Avropa Şurası kimi və yaxud elə ATƏT-in özü necə yardım edə bilər. Mən Dağıstanda olan hadisələri, oradakı məsələləri nəzərdə tuturam. İstəyirəm ki, Siz buna öz münamilbtinizi bildirəsiniz. Çünki məlumdur ki, bu hadisələr bütün əraziyə öz təsirini göstərir. Xüsusilə də bu məsələlərdən sonra Rusiya ərazisində olan bomba partlayışları hamımızı narahat
Yüklə 2,7 Mb. Dostları ilə paylaş:
|